शिवसेनेच्या प्रतिनिधींवर आतापर्यंत झालेले हल्ले आणि हत्या

शिवसेना प्रतिनिधींवर हल्ला होण्याची ही पहिली वेळ नाही. यापूर्वी अनेक वेळा शिवसेनेच्या नेत्यांवर हल्ला झाला आहे. त्या इतिहासावर एक नजर टाकूया...

मुंबई : शिवसेनेचे माजी नगरसेवक अशोक सावंत यांची रविवारी कांदिवलीत धारदार शस्त्राने हत्या करण्यात आली. समतानगरमधील राहत्या घरापासून केवळ 200 मीटर अंतरावर अशोक सावंत यांच्यावर हल्ला करण्यात आला. रविवारी रात्री अकराच्या सुमारास काही बाईकस्वार हल्लेखोरांनी अशोक सावंत यांच्यावर तीक्ष्ण हत्याराने वार केले. त्यानंतर रुग्णालयात त्यांना मृत घोषित करण्यात आलं. पोलिसांनी या हल्ल्याप्रकरणी तीन संशयितांना ताब्यात घेतलं असून त्यांची चौकशी सुरु आहे. अशोक सावंत यांनी दोन वेळा नगरसेवकपद भूषवलं होतं. तर त्यांची मुलगीही एक वेळा नगरसेवक होती. शिवसेना प्रतिनिधींवर हल्ला होण्याची ही पहिली वेळ नाही. यापूर्वी अनेक वेळा शिवसेनेच्या नेत्यांवर हल्ला झाला आहे. त्या इतिहासावर एक नजर टाकूया... 1990 च्या दशकापासून आजपर्यंतचा हल्ल्यांचा इतिहास - आमदार विठ्ठल चव्हाण यांची परळ येथील राहत्या घरी हत्या. जागेच्या वादातून गुरु साटम गँगनं केली होती हत्या. - आमदार आणि भारतीय कामगार सेना सरचिटणीस रमेश मोरे यांची अंधेरी (पश्चिम) चार बंगला येथे राहत्या घराबाहेर हत्या. अरुण गवळी टोळीला सुपारी देण्यात आली होती. - नगरसेवक खिमबहादूर थापा यांची भांडुपमध्ये टोळीयुद्धातून हत्या - नगरसेवक केदारी रेडकर यांची चिंचपोकळी येथे हत्या, जागेच्या वादातून खून - परळ येथील नगरसेवक विनायक वाबळे यांची हत्या मुंबईत शिवसेनेच्या माजी नगरसेवकाची भररस्त्यात निर्घृण हत्या - नगरसेविका आणि अंडरवर्ल्ड डॉन अश्विन नाईकची पत्नी नीता जेठवा-नाईकची घराबाहेर हत्या. कौटुंबिक वादातून हत्या - नगरसेविका अनिता बागवे यांच्या पतीची अंधेरी (पश्चिम) चार बंगला शाखेबाहेर हत्या करण्यात आली होती, जागेच्या वादातून हत्या. - नगरसेवक श्रीकांत सरमळकर यांच्यावर महापालिका मुख्यालयाबाहेर गोळीबार, थोडक्यात बचावले. - माजी महापौर आणि विद्यमान नगरसेवक मिलिंद वैद्य यांच्यावर दोन वेळा दाऊद टोळीने माहीम येथील राहत्या घराबाहेर  प्राणघातक गोळीबार. हल्लेखोरांकडून मशीनगनचा वापर. दोन्ही हल्ल्यात वैद्य गंभीर जखमी झाले होते, पण सुदैवाने वाचले. पण त्यांच्या संरक्षणासाठी असलेल्या पोलिस कर्मचाऱ्यांना या हल्ल्यांमध्ये जीव गमवावा लागला होता. - नगरसेवक आणि भारतीय कामगार चिटणीस जयवंत परब यांना खंडणीसाठी अरुण गवळी टोळीकडून धमक्यांचे फोन. परब यांची पोलिसांत तक्रार. पुढे पोलिसांशी झालेल्या चकमकीत परब यांच्याकडे खंडणी मागणारे गुंड्यांचा खात्मा - जागेच्या वादातून नगरसेवक कमलाकर जामसांडेकर यांची घाटकोपर असल्फा गाव येथील राहत्या घरात घुसून अरुण गवळी टोळीकडून हत्या