‘मी परवाच इथे आलो होतो, तेव्हाच आगीची भीती व्यक्त केली होती’

‘आपण कालच या ठिकाणी आलो होतो तेव्हाच इथल्या अग्निशमन यंत्रणेबाबत प्रश्नचिन्ह उपस्थित केलं होतं.’ असं वक्तव्य युवा सेना अध्यक्ष आदित्य ठाकरे यांनी केलं आहे. घटनास्थळाची पाहणी केल्यानंतर त्यांनी मीडियाशी संवाद साधला.

मुंबई : ‘आपण कालच या ठिकाणी आलो होतो तेव्हाच इथल्या अग्निशमन यंत्रणेबाबत प्रश्नचिन्ह उपस्थित केलं होतं.’ असं वक्तव्य युवा सेना अध्यक्ष आदित्य ठाकरे यांनी केलं आहे. घटनास्थळाची पाहणी केल्यानंतर त्यांनी मीडियाशी संवाद साधला. नेमकं  काय म्हणाले आदित्य ठाकरे? ‘काल मी महापौर साहेबांची भेट घेतली होती. तेव्हा त्यांना विनंती केली की, कमला मिल, तोडी मिल आणि रघुवंशी मिल या तीनही ठिकाणी कोणतीही दुर्घटना घडल्यास फायर इंजिनला देखील घुसण्याची जागा नाही. त्यामुळे तिथे फायर ऑडिट होणं गरजेचं होतं. परवाच मी इथं आलो होतो. तेव्हा हेच पाहण्याच्या प्रयत्न केला की, हे अधिकृत आहे का? त्यावेळी मी आग लागल्यास काही सुरक्षेचे उपाय आहेत का? याचीही विचारणा केली होती. पण त्याचवेळी मला या गोष्टीची भीती वाटली होती. त्यामुळे याप्रकरणी ज्यांनी हयगय केली त्यांच्यावर तात्काळ कारवाई  झाली पाहिजे. यासोबतच मिलचे मालक किंवा हॉटेलचे मालक यांच्यावरही कारवाई केली जाईल.’ असं आदित्य ठाकरे म्हणाले. दरम्यान, खुद्द आदित्य ठाकरेंच्या भाकितानंतरही तातडीनं पावलं का उचलली गेली नाहीत? असा प्रश्न आता निर्माण होतो आहे. त्यामुळे मुंबईचे कारभारी म्हणवणारे शिवसेनावाले केवळ भाकित वर्तवण्यासाठी आहेत की अंमलबजावणीसाठी? हा प्रश्न आता मुंबईकर विचारत आहेत. मुंबईच्या लोअर परळ येथील कमला मिल्स कम्पाऊंडमधील हॉटेलला लागलेल्या भीषण आगीत 14 जणांचा होरपळून मृत्यू झाला तर 14 जण जखमी आहेत. VIDEO : 5 अधिकाऱ्यांवर कारवाई कमला मिल अग्नितांडवात 14 बळी गेल्यानंतर मुंबई महापालिकेने कारवाईला सुरुवात केली आहे. पालिकेच्या पाच अधिकाऱ्यांना निलंबित करण्यात आलं आहे. कमला मिलच्या परवानग्यांशी संबंधित अधिकाऱ्यांवर ही कारवाई करण्यात आली आहे. मुंबई - जी साऊथ वॉर्ड ऑफिसर सपकाळे यांची तडकाफडकी  बदली करण्यात आली. तर अन्य पाच इंजिनिअर्स आणि अधिकाऱ्यांचं निलंबन झालं आहे. निलंबित अधिकारी

• मधुकर शेलार पदनिर्देशित अधिकारी

• धनराज शिंदे ज्युनिअर इंजिनियर

• महाले सब इंजिनिअर

• पडगिरे - वैद्यकीय आरोग्य अधिकारी

• एस. एस. शिंदे -अग्निशमन अधिकारी

सामाजिक कार्यकर्त्याची तक्रार दरम्यान, सामाजिक कार्यकर्ते इलियास इजाज खान यांनी 1 Above हॉटेलची सात महिन्यांपूर्वीच तक्रार केली होती. यानंतर आरोग्य विभागाने इथे तपासणी करुन अहवाल सादर केला होता. यामध्ये अवैधपणे हॉटेल बनवल्याचा ठपका ठेवण्यात आला होता. आरोग्य विभागाचे निरीक्षक पी एम शिर्के यांनी 1Above हॉटेलमालक कृपेश संघवी यांना जुलैमध्ये नोटीस पाठवण्यात आली होती. यामध्ये हॉटेलचा अनधिकृत भाग 7 दिवसांत तोडण्याचे आदेश दिले होते. मात्र तरीही हॉटेल अवैधरित्या चालूच होतं. काय आहे प्रकरण? हॉटेल मोजो बिस्त्रो रेस्टॉरंट अॅण्ड पबला गुरुवारी रात्री 12.30 च्या सुमारास भीषण आग लागली. यावेळी इथे मोठ्या प्रमाणात लोक उपस्थित होते. काही कळायच्या आतच आगीने रौद्ररुप धारण केलं आणि काही क्षणात होत्याचं नव्हतं झालं. आगीचं नेमकं कारण अद्याप समजू शकलेलं नाही, मात्र शॉर्ट सर्किटमुळे आग लागल्याचा अंदाज वर्तवला जात आहे. आठ अग्निशमन दलाच्या गाड्या आणि सहा पाण्याच्या टँकर्सच्या मदतीने, तीन तासांच्या शर्थीच्या प्रयत्नानंतर आगीवर नियंत्रण मिळवलं. मात्र आगीत हॉटेलसह शेजारी असलेल्या बँका, कार्यालयांचं मोठं नुकसान झालं आहे. संबंधित बातम्या : हॉटेल मालकांवर कारवाई होणारच, अधिकाऱ्यांवरही करु: मुख्यमंत्री कमला मिल आग: 5 अधिकारी निलंबित 1Aboveचं अवैध बांधकाम पाडण्याचे आदेश, मात्र कारवाई नाहीच : खान मुंबईवर दु:खाचा डोंगर, राहुल गांधींकडून मराठीतून फुंकर भेंडीबाजारातील त्या इमारतीचं काय? : विखे पाटील कमला मिल्स आग: टॉयलेटमधून फोन केला, भावोजी आम्हाला वाचवा! कमला मिल्स आग : आत्याला वाचवण्यासाठी गेलेल्या भावांचा मृत्यू कमला मिल्स आग : सुमारे 200 जणांचा जीव वाचवणारे 'रक्षक' कमला मिल्स आग : वाढदिवशीच खुशबूला मृत्यूने गाठलं! कमला मिल्स आग : मनसे नेत्याच्या तक्रारीकडे वेळीच लक्ष दिले असते तर... कमला मिल्स आग : ...आणि 'ती'ची इच्छा अपूर्णच राहिली मुंबईत कमला मिल्स कम्पाऊंडमध्ये भीषण आग, 14 जणांचा मृत्यू मुंबई अग्नितांडव : आगीची भीषणता सांगणारे फोटो आणि व्हिडीओ