निलेश राणेंवर गुन्हा दाखल, उदय सामंत म्हणाले, जे होतय ते महायुतीच्या दृष्टीने पोषक नाही, राजकारणामुळं घरात फूट नको 

मालवणमधील भाजप कार्यकर्ते विजय केनवडेकर यांच्या घरात घुसल्याप्रकरणी मालवणचे आमदार निलेश राणे यांच्यासह पाच जणांवर गुन्हा दाखल करण्यात आला आहे. यावर

Uday Samant

Source : Getty Images

Uday Samant : मालवणमधील भाजप कार्यकर्ते विजय केनवडेकर यांच्या घरात धाड टाकल्याप्रकरणी  शिवसेनेचे आमदार निलेश राणे यांच्यासह पाच जणांवर गुन्हा दाखल करण्यात आला आहे. यावर राज्याचे उद्योगमंत्री उदय सामंत यांनी प्रतिक्रिया दिली आहे. शिवसेना म्हणून आम्ही निलेश राणे यांच्या सोबत आहोत. वरिष्ठांनी हस्तक्षेप करून हे वेळीच थांबवलं पाहिजे असे मत सामंत यांनी व्यक्त केले. 

प्रत्येक प्रसंगांमध्ये आम्ही निलेश राणे यांच्यासोबत

निलेश राणेंनी घेतलेली भूमिका आहे त्यांच्या मतदारसंघामध्ये म्हणून योग्य आहे. निलेश राणेंवर झालेला गुन्हा कशामुळे झाला याची माहीती घेणार असल्याचे उदय सामंत म्हणाले. प्रत्येक प्रसंगांमध्ये आम्ही निलेश राणे यांच्या सोबत आहोत. राजकारण हे राजकारणाच्या ठिकाणी असावं ते घरात पोचून घरामध्ये फूट पडता कामा नये असेही सामंत म्हणाले. रत्नागिरी - राजापूरमध्ये  विकास काम केली आहेत,  त्यामुळे ही गर्दी जमलीय महायुतीची सत्ता येणार असल्याचे सामंत म्हणाले.

पालकमंत्री म्हणून नितेश राणे यांनी निलेश राणे यांच्यावर  गुन्हा दाखल होता कामा नये अशी भूमिका घ्यायला हवी होती. जे होतंय ते महायुतीच्या दृष्टीने पोषक नाही असे उदय सामंत म्हणाले. निलेश राणेंवर गुन्हा दाखल होत कामा नये होता.  एकनाथ शिंदे उद्या कोकण दौऱ्यावर येणार असल्याचे सामंत म्हणाले.

नेमकं प्रकरण काय?

मालवण नगरपरिषद निवडणुकीत एक मोठा ट्विस्ट पाहायला मिळाला. मालवण नगरपालिका जिंकण्यासाठी भाजपने जोर लावला आहे. तर दुसरीकडे शिवसेना शिंदे गटाचे आमदार निलेश राणे यांनी भाजपचीच कोंडी केल्याचे चित्र मतदार संघात दिसून आलं. आमदार निलेश राणे (Nilesh Rane) यांनी गुरूवारी भाजपच्या मालवणमधील एका पदाधिकाऱ्याच्या घरी धाड टाकली. त्या धाडीत त्यांना मोठ्या रक्कमेची पैशांची बँग आढळून आली. त्यानंतर एकच खळबळ उडाली आहे. विजय केनवडेकर हे भाजपचे मालवणमधील पदाधिकारी आहेत. त्यांच्या घरी निलेश राणे (Nilesh Rane) आपल्या कार्यकर्त्यांसह धडकले. अचानक निलेश राणे आल्याने तिथे असलेल्या विजय केनवडेकर आणि बंड्या सावंत या भाजप कार्यकर्त्यांची धावपळ झाली. निलेश राणे यांनी मी कुणाच्या बेडरूममध्ये जाणार नाही. जे काय आत आहे ते बाहेर आणा असं सांगितलं. त्यानंतर राणेंना कार्यकर्ते बेडरूममध्ये घेवून गेले. त्यावेळी तिथे पैशांनी भरलेली बॅग आढळली. पाचशे रूपयांची बंडल त्यात दिसली. मोठी रक्कम भाजप कार्यकर्त्याच्या घरी असल्याचं व्हिडीओत दिसून येत आहे. या प्रकरणी आता आमदार निलेश राणेंवर (Nilesh Rane) मालवणमध्ये गुन्हा दाखल करण्यात आला आहे.

महत्वाच्या बातम्या;