मोठी बातमी: निलेश राणेंना झटका, पोलिसांकडून गुन्हा दाखल, भाजप कार्यकर्त्याच्या घरी स्टिंग ऑपरेशन करणं महागात पडलं
Nilesh Rane: बेकायदेशीरपणे घरात घुसल्याची तक्रार विजय केनवडेकर यांनी मालवण पोलीस स्टेशनमध्ये दिली आहे, त्यानुसार गुन्हा दाखल करण्यात आला आहे.
मालवण: मालवण नगरपरिषद निवडणुकीत एक मोठा ट्विस्ट पाहायला मिळाला. मालवण नगरपालिका जिंकण्यासाठी भाजपने जोर लावला आहे. तर दुसरीकडे शिवसेना शिंदे गटाचे आमदार निलेश राणे यांनी भाजपचीच कोंडी केल्याचे चित्र मतदार संघात दिसून आलं. आमदार निलेश राणे (Nilesh Rane) यांनी गुरूवारी भाजपच्या मालवणमधील एका पदाधिकाऱ्याच्या घरी धाड टाकली. त्या धाडीत त्यांना मोठ्या रक्कमेची पैशांची बँग आढळून आली. त्यानंतर एकच खळबळ उडाली आहे. विजय केनवडेकर हे भाजपचे मालवणमधील पदाधिकारी आहेत. त्यांच्या घरी निलेश राणे (Nilesh Rane) आपल्या कार्यकर्त्यांसह धडकले. अचानक निलेश राणे आल्याने तिथे असलेल्या विजय केनवडेकर आणि बंड्या सावंत या भाजप कार्यकर्त्यांची धावपळ झाली. निलेश राणे यांनी मी कुणाच्या बेडरूममध्ये जाणार नाही. जे काय आत आहे ते बाहेर आणा असं सांगितलं. त्यानंतर राणेंना कार्यकर्ते बेडरूममध्ये घेवून गेले. त्यावेळी तिथे पैशांनी भरलेली बॅग आढळली. पाचशे रूपयांची बंडल त्यात दिसली. मोठी रक्कम भाजप कार्यकर्त्याच्या घरी असल्याचं व्हिडीओत दिसून येत आहे. या प्रकरणी आता आमदार निलेश राणेंवर (Nilesh Rane) मालवणमध्ये गुन्हा दाखल करण्यात आला आहे.
Nilesh Rane: बेकायदेशीरपणे घरात घुसल्याप्रकरणी आमदार निलेश राणे यांच्यासह चौघांवर गुन्हा दाखल
बेकायदेशीरपणे घरात घुसल्याची तक्रार विजय केनवडेकर यांनी मालवण पोलीस स्टेशनमध्ये दिली आहे, त्यानुसार गुन्हा दाखल करण्यात आला आहे. मालवण पोलीस स्थानकात 189(1),189(2),329(4) 356(2) नुसार गुन्हा दाखल करण्यात आली आहे. बेकायदेशीरपणे घरात घुसल्याप्रकरणी आमदार निलेश राणे यांच्यासह चौघांवर गुन्हा दाखल करण्यात आला आहे.
189(1) बेकायदेशीर जमाव
189(2) सार्वजनिक शांतता भंग केल्याप्रकरणी
329(4) चोरीच्या उद्देशाने घरात प्रवेश केल्याप्रकरणी
356(2) मानहानी केल्याबद्दल गुन्हा दाखल करण्यात आला आहे.
Nilesh Rane: घरात ही रक्कम आढळली ते विजय केनवडेकर हे भाजपचे पदाधिकारी
ज्यांच्या घरात ही रक्कम आढळली ते विजय केनवडेकर हे भाजपचे पदाधिकारी आहे. त्यांचा भाजप प्रदेशाध्यक्ष रविंद्र चव्हाण यांच्या सोबत फोटो आहे. तो ही निलेश राणे यांनी यावेळी माध्यमांना दाखवला. त्यावर निलेश राणे यांनी त्याच वेळी स्थानिक पोलीस आणि निवडणूक अधिकारी यांनाही याची कल्पना दिली. शिवाय हे पैसे जप्त करून कारवाई करण्याची मागणी केली. शिवाय हे इतकेच पैसे नाहीत कर अजून पैसे घरात असल्याचा दावा निलेश राणे यांनी यावेळी केला होता.
Nilesh Rane: नेमकं प्रकरण काय?
मालवणमध्ये भाजपच्या कार्यकर्त्यांच्या घरी 25 लाख रुपयांची रोकड सापडली आहे. विजय किंजवडेकर असं त्यांच नाव आहे. त्यांच्या घरी हे पैसे काय करतात, हे सगळं निवडणूक यंत्रणेला सांगावे लागेल असे निलेश राणे म्हणाले. काल रवींद्र चव्हाण मालवण मध्ये येऊन गेले, कालपासूनच वेगाने पैसे वाटपाची पद्धत सुरू झाली आहे असे म्हणत राणे यांनी रवींद्र चव्हाण यांच्यावर आरोप केले. पैसे वाटप करुन निवडणूक लढवायची पद्धत आहे का?. मैदानात येऊन लढा. त्या घरात अजून पैशाच्या बॅग आहेत. त्या शोधून योग्य ती कारवाई करावी. 25 ते 50 लाख रुपये भरून ठेवलेली मालवण मध्ये 8 ते 10 घर असल्याचा निलेश राणेंनी आरोप केला आहे.
महत्त्वाच्या बातम्या
