Top 10 Maharashtra Marathi News : स्मार्ट बुलेटिन : 17 ऑगस्ट 2022 : बुधवार : एबीपी माझा
दररोज सकाळी हे बुलेटिन प्रसारित केलं जातं. एबीपी माझाच्या या बुलेटीनमध्ये दररोज सकाळी राजकीय, सामाजिक, आर्थिक, शैक्षणिक, मनोरंजन, क्रीडा विश्वातील महत्त्वाच्या दहा बातम्यांचा आढावा घेतला जातो.
1. विधिमंडळाच्या पावसाळी अधिवेशनात आजपासून शिंदे सरकारची कसोटी, विस्ताराला झालेला उशीर, पूरग्रस्तांना मदत आणि मेट्रोकारशेडवरुन सरकारची कोंडी करण्याचा विरोधकांचा प्रयत्न
2. स्वातंत्र्याच्या अमृतमहोत्सवानिमित्त महाराष्ट्राची आज मानवंदना. सकाळी ११ वाजता राज्यभरात समूह राष्ट्रगीत गायन, आहे तिथेच थांबून राष्ट्रगीत गायनाचं नागरिकांना आवाहन
राज्यात आज सकाळी 11 वाजता सामूहिकपणे राष्ट्रगीताचं गायन होणार असून नागरिक ज्या ठिकाणी असतील त्या ठिकाणी उभं राहून त्यांनी यामध्ये भाग घ्यावा असं आवाहन राज्याचे मुख्यमंत्री एकनाथ शिंदे (CM Eknath Shinde) यांनी केलं आहे. यंदा भारताला स्वातंत्र्य मिळून 75 वर्ष पूर्ण झाली आहे. यानिमित्तानं देशात 'स्वातंत्र्याच्या अमृत महोत्सव' (Azadi Ka Amrit Mahotsav) सुरु आहे. या पार्श्वभूमीवर राज्यात सध्या 'स्वराज्य महोत्सवाचे' आयोजन सुरू असून या महोत्सवाअंतर्गतच, सामूहिक राष्ट्रगीत गायन ही संकल्पना राबवण्यात येणार आहे.
3. राष्ट्रवादी काँग्रेसचा मोठा नेता तुरुंगात जाणार, भाजप नेते मोहित कंबोज यांचं सूचक ट्विट, आजच्या पत्रकार परिषदेत गौप्यस्फोट करणार असल्याचे वक्तव्य
मनी लॉण्ड्रिंग प्रकरणात राष्ट्रवादी काँग्रेसचे (NCP) अनिल देशमुख (Anil Deshmukh) आणि नवाब मलिक (Nawab Malik) हे दोन मोठे नेते तुरुंगात आहेत. त्याच आता भाजपचे (BJP) नेते मोहित कंबोज (Mohit Kamboj) यांनी केलेल्या ट्वीटमुळे खळबळ माजली आहे. राष्ट्रवादी काँग्रेसचा एक मोठ नेता लवकरच अनिल देशमुख आणि नवाब मलिकांना भेटणार आहे, असं मोहित कंबोज यांनी आपल्या ट्वीटमध्ये म्हटलं आहे. अनिल देशमुख आणि नवाब मलिक हे दोघेही सध्या मुंबईतील आर्थर रोड तुरुंगात आहेत. त्यामुळे राष्ट्रवादी काँग्रेसच्या नेमक्या कोणत्या नेत्याकडे मोहित कंबोज यांनी इशारा केला आहे, असा प्रश्न या ट्वीटनंतर उपस्थित झाला आहे.
4. भंडारा-गोंदिया, गडचिरोली, चंद्रपूर जिल्ह्यात पूरस्थिती कायम, भंडाऱ्यातल्या शाळांना आज सुट्टी तर गोसीखुर्द धरणातून विसर्गामुळे नदीकाठच्या गावांना सतर्कतेचा इशारा
पाहा व्हिडीओ : स्मार्ट बुलेटिन : 17 ऑगस्ट 2022 : बुधवार
5. नाशिकमध्ये पावसाचा जोर वाढताच औरंगाबादमधील जायकवाडी धरणातून पाण्याचा विसर्ग; गावकऱ्यांना सतर्कतेचा इशारा
6. रायपुरकडून नागपुरच्या दिशेने जाणारी ट्रेन रुळावरून घसरली, 50 जण जखमी
7. नाशिकच्या दिंडोरी परिसरात भूकंपाचे सौम्य धक्के, नागरिक भीतीच्या सावटाखाली!
8. ७५ वर्षांवरील नागरिकांना एसटी प्रवास मोफत, राज्य सरकारची मोठी घोषणा
9. सीएनजीच्या दरात 6 रुपये तर पीएनजीच्या दरात 4 रुपये कपात, महानगर गॅस लिमिटेडचा निर्णय, मध्यरात्रीपासून नवे दर लागू
10. जम्मू काश्मीर निवडणुकांच्या तोंडावर काँग्रेसला झटका, गुलाम नबी आझाद यांनी प्रचार समितीचं अध्यक्षपद नाकारलं, राजकीय विषयक समितीचाही राजीनामा
महत्त्वाच्या बातम्या
ट्रेंडिंग न्यूज
