Top 10 Maharashtra Marathi News : सकाळच्या महत्वाच्या बातम्यांचा आढावा एका क्लिकवर; स्मार्ट बुलेटिन : 02 ऑक्टोबर 2022 : रविवार
दिवसभरातील महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर बातम्यांचे अपडेट्स मिळतील...
दिवसभरातील महत्त्वाच्या बातम्यांचा वेगवान आढावा या बुलेटीनच्या माध्यमातून घेतला जातो. यामध्ये देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर बातम्यांचे अपडेट्स मिळतील...
1. पुण्याच्या चांदणी चौकातील पूल इतिहासजमा, अवघ्या काही सेकंदात पूल जमीनदोस्त, ढिगारा हटवण्याचं काम सुरु
Pune Chandani Bridge Update: पुण्यातल्या वाहतूक कोंडीसाठी कारणीभूत ठरणारा चांदणी चौकातला पूल अखेर रात्री 1 वाजून 7 मिनिटांनी जमीनदोस्त झाला. स्फोटानंतर पुलाजवळ काही वेळ केवळ धुळीचे लोटच दिसत होते. हळूहळू धुळीचे लोट खाली बसले आणि चांदणी चौकातला पूल पडल्याचं चित्र समोर आलं. गेले अनेक दिवस पूल पाडण्यासाठी जय्यत तयारी करण्यात आली होती. पुलाला 1 हजार 300 छिद्र पाडून 600 किलो स्फोटकं भरण्यात आली होती. जय्यत तयारी करून आणि सर्व खबरदारी घेऊन रात्री एक वाजल्यानंतर पूल पाडण्याचं काऊंटडाऊन सुरु झालं. आणि पुणेकरांची कोंडी करणारा हा पूल क्षणभरात उद्ध्वस्त झाला. पूल पाडल्यानंतर ढिगारे हटवण्याचं काम सुरु झालं. काही तासांत हे ढिगारे हटवण्याचं काम पूर्ण होणार आहे. पूल पाडल्यानंतर गेल्या सहा तासांहून अधिक काळ तिथला राडारोडा हटवण्याचं काम सुरू आहे. जेसीबी आणि पोकलेनच्या मदतीनं दोन्ही बाजूंनी काम सुरु आहे. स्वतः जिल्हाधिकारी या कामावर लक्ष ठेवून आहेत. चांदणी चौकातली वाहतूक अजूनही बंदच आहे. वाहतुकीसाठी पर्यायी मार्ग देण्यात आले आहेत. ढिगारा हटवण्याचं काम काही तास सुरुच राहणार आहे.
2. महाराष्ट्रात सरकारी कर्मचाऱ्यांना हॅलोऐवजी वंदे मातरम् म्हणावं लागणार, राज्य सरकारचा जीआर प्रसिद्ध, उपमुख्यमंत्री फडणवीसांच्या उपस्थितीत अभियानाचा शुभारंभ
3. स्वच्छ भारत सर्वेक्षणात नवी मुंबई तिसऱ्या स्थानी, सलग सहाव्यांदा इंदूर अव्वल तर एक लाखापेक्षा कमी लोकसंख्येत पाचगणीनं मारली बाजी
4. उत्तर प्रदेशच्या कानपूरमध्ये भीषण अपघात, ट्रॅक्टर ट्रॉली पलटल्याने 26 भाविकांचा मृत्यू, पंतप्रधान मोदी, योगींकडून दुःख व्यक्त
5. इंडोनेशियात फुटबॉल सामन्यादरम्यान दोन क्लबचे समर्थक भिडले, हिंसाचारात 129 जणांचा मृत्यू तर 180 हून अधिक जण जखमी
6. पाकिस्तानचे माजी पंतप्रधान इम्रान खान यांच्याविरोधात अटक वॉरंट, कोणत्याही क्षणी अटक होण्याची शक्यता
7. आज कोकणसह पश्चिम महाराष्ट्रात पावसाचा 'यलो' अलर्ट, नाशिकसह अहमदनगरमध्येही पावसाची शक्यता
8. इलेक्ट्रिक स्कूटरच्या बॅटरीचा स्फोट, वसईतील सात वर्षीय चिमुरड्याचा मृत्यू
9.सणासुदीच्या काळात दुचाकी वाहनांच्या विक्रीत तेजी, सप्टेंबर महिन्यात चारचाकी वाहनांच्या विक्रीसोबतच टू व्हिलर विक्रीतही मोठी वाढ
10. भारत आणि दक्षिण आफ्रिका दरम्यान गुवाहाटीत आज दुसरा टी-20सामना, मालिका विजयाच्या इराद्याने मैदानात उतरणार रोहित सेना
महत्त्वाच्या बातम्या
ट्रेंडिंग न्यूज
