Live Updates | सीमाभागात होणाऱ्या साहित्य संमेलनसाठी महाराष्ट्रातील साहित्यिकांना गावबंदी

Background

'आज दिवसभरात' या लाईव्ह ब्लॉगमध्ये देश-विदेशातील घडामोडींचा संक्षिप्त आढावा घेतला जातो. दिवसभर घडणाऱ्या घडामोडी, ब्रेक्रिंग न्यूज एकाच ठिकाणी, एकाच क्लिकवर वाचता येतात. राजकारणापासून मनोरंजनापर्यंत आणि टेक्नॉलॉजीपासून लाईफस्टाईलपर्यंत सर्व बातम्यांचे सुपरफास्ट अपडेट्स वाचकांना इथे मिळतील. त्यामुळे सुपरफास्ट अपडेट्स आणि दिवसभरातील ब्रेकिंग न्यूजसाठी लॉगऑन करा www.abpmajha.in

महत्त्वाच्या हेडलाईन्सवर एक नजर...

 

1. काँग्रेसशासित राज्यात नागरिकत्त्व कायद्याविरोधात ठराव मंजूर करणार, काँग्रेस कार्यकारिणीच्या बैठकीत मोठा निर्णय, महाराष्ट्रात शिवसेनेच्या भूमिकेकडे लक्ष

 

2. निर्भयाच्या नराधमांच्या फाशीचं जगभर लाईव्ह करण्याची महिला संघटनांची मागणी, माहिती प्रसारण मंत्री जावडेकरांना पत्र, कायदेतज्ज्ञांचा आक्षेप

 

3. बुवाबाजीवरील परिसंवादावेळी साहित्य संमेलनाच्या व्यासपीठावर गदारोळ, भाषणावेळी वक्त्याला रोखलं, तर दिब्रिटोंच्या सरकारवरच्या टीकेवरुन साहित्यिकांमध्ये दोन गट

 

4. सारथीसंदर्भातला वादग्रस्त जीआर काढणाऱ्या सचिवांची हकालपट्टी करणार, राज्य सरकारच्या आश्वासनानंतर संभाजीराजेंचं उपोषण मागे,

 

5. पालघरमधल्या बोईसरमध्ये केमिकल कंपनीत भीषण स्फोट, 6 जणांचा मृत्यू, हादऱ्यानं निर्माणधीन इमारतही कोसळली

 

6. युक्रेनचं विमान चुकून पाडल्याची इराणच्या लष्कराची अप्रत्यक्ष कबुली, दुर्घटनेत 167 जणांचा नाहक मृत्यू, अमेरिका-इराणच्या वादान युक्रेनचा बळी

19:45 PM (IST)  •  12 Jan 2020

पसरनी घाटातील थाप्यावरून कार दरीत कोसळली, महाबळेश्वर वाई रोडवरील घटना , कारमधील जखमींना काढण्यासाठी ट्रेकर्स घटनास्थळी दाखल, पोलिस यंत्रणाही घटनास्थळी, दरीत कोसळलेली कार पर्यटकांची

19:04 PM (IST)  •  12 Jan 2020

दोन मुलांसह आईने विहिरीत उडी घेऊन आत्महत्या केल्याचा धक्कादायक प्रकार सांगलीच्या तासगाव तालुक्यातील सावर्डेमध्ये घडला आहे. दोन दिवसांपासून मुलांसह विवाहित महिला घरातून बेपत्ता होती. आज सकाळी घरा शेजारी असणाऱ्या विहिरीत या सर्वांचे मृतदेह आढळून आले. यानंतर तालुक्यात खळबळ उडाली आहे. कौटुंबिक वादातून ही आत्महत्या झाल्याची प्राथमिक माहिती पोलिसांनी दिली आहे. चंदा दादासो सदाकळे, शंभू दादासो सदाकळे, आणि हिंदुराज दादासो सदाकळे अशी मृतांची नावे आहेत.

12:22 PM (IST)  •  12 Jan 2020

कोलकाता पोर्ट ट्रस्टचं नाव बदलल्याची घोषणा पंतप्रधान नरेंद्र मोदी यांनी केली. श्यामाप्रसाद मुखर्जी असं आता नवीन नाव कोलकाता पोर्ट ट्रस्टला देण्यात आलं आहे.

11:16 AM (IST)  •  12 Jan 2020

सीमाभागात होणाऱ्या साहित्य संमेलनसाठी महाराष्ट्रातील साहित्यिकांना गावबंदी, खानापूर तालुक्यातील इदलहौंगमध्ये होणार होते गुंफन मराठी साहित्य संमेलन, कर्नाटक सरकारची मग्रुरी, मराठी भाषिकांचा आवाज दाबण्याचा प्रयत्न, महाराष्ट्राच्या हद्दीत येऊन साहित्यिक निषेध सभा घेणार

11:16 AM (IST)  •  12 Jan 2020

नंदुरबार : शहरातील मलकवाडा परिसरात पतंग उडविताना तोल जाऊन रउफ पिंजारी या 15 वर्षीय मुलाचा मृत्यू, शनिवारी पतंग उडविण्यासाठी गच्चीवर गेला असता तोल जाऊन खाली पडला होता, जिल्हा रुग्णालयात उपचारादरम्यान त्याचा मृत्यू झाला