Matheran Toy Train : माथेरानची राणी पुन्हा रुळावर

गेल्या अनेक महिने वेगवेगळ्या दुरुस्तीच्या कामासाठी काही दिवसापासून बंद असलेली ही मिनी ट्रेन येत्या दोन ते तीन दिवसात सुरु होण्याची शक्यता आहे. नेरळ स्टेशनहून निघाल्यानंतर साडेतीन तासांचा प्रवास करुन मिनी ट्रेन माथेरानमध्ये दाखल झाली.

मुंबई : माथेरानची राणी' म्हणून जिला ओळखलं जातं, ती मिनी ट्रेन लवकरच सुरु होण्याची शक्यता आहे. त्यामुळे आता पर्यटकांना पुन्हा एकदा या ट्रेन प्रवासाचा आनंद लुटता येणार आहे गेल्या अनेक महिने वेगवेगळ्या दुरुस्तीच्या कामासाठी काही दिवसापासून बंद असलेली ही मिनी ट्रेन येत्या दोन ते तीन दिवसात सुरु होण्याची शक्यता आहे. नेरळ स्टेशनपासून माथेरानपर्यंत यशस्वी चाचणी घेण्यात आली. मध्य रेल्वेने आज चाचण्या केल्या पूर्ण आहेत. त्यानंतर ही सर्व्हिस सुरू होण्याचे संकेत दिले आहे. मध्य रेल्वेतर्फे या कामाची पाहणी करण्यात आली. माथेरान मिनी ट्रेन सेवा लवकर पूर्ववत सुरु करण्याचा प्रयत्न असल्याचं त्यांनी यावेळी सांगितलं. कारण मिनी ट्रेनची चाचणी यशस्वी झाली आहे. नेरळ स्टेशनहून निघाल्यानंतर साडेतीन तासांचा प्रवास करुन मिनी ट्रेन माथेरानमध्ये दाखल झाली. उद्यापासून किंवा येत्या काही दिवसात सुरु होण्याची शक्यता आहे. नेरळ स्टेशनपासून माथेरानपर्यंत यशस्वी चाचणी घेण्यात आली. दोन इंजिन आणि पाच इंजिनसह मिनी ट्रेनची चाचणी झाली. बच्चे कंपनीची आवडती झुकझुक गाडी बेमुदत काळासाठी बंद होती. त्यामुळे बच्चेकंपनीसह सर्वच पर्यटकांचा हिरमोड होत होता. मात्र आता ट्रायल सुरु झाल्याने मिनी ट्रेन पुन्हा सुरु होण्याची आशा व्यक्त केली जात आहे. मिनी ट्रेन सुरु होण्याची चिन्हं दिसू लागल्याने नेरळकरांसह इथे येणाऱ्या सर्वच पर्यटकांमध्ये आनंदाचं वातावरण आहे. दरम्यान, माथेरानच्या मिनी ट्रेनला अमन लॉजजवळ रुळावरुन घसरुन अपघात झाला होता. 1 आणि 8 मे अशा दोन वेळा ट्रेन रुळावरुन घसरली होती. त्यानंतर ट्रेन बेमुदत बंद करण्यात आली होती. अनेकदा ट्रेन सुरु करण्याच्या घोषणा करण्यात आल्या. त्यानंतर आजपर्यंत ट्रेन बंदच होती. दरम्यान, यावर्षी मे महिन्याच्या सुरुवातीलाच ट्रेन दोनदा रुळावरुन घसरली होती. त्यामुळे ही ट्रेन बंद करण्यात आली होती. याचा माथेरानच्या पर्यटनावर मोठा परिणाम झाला होता. मात्र, आता पुन्हा एकदा ही फुलराणी पर्यटकांसाठी सज्ज झाली आहे.