Supriya Sule on Santosh Deshmukh : संजय राऊत, नवाब मलिक, छगन भुजबळ, अनिल देशमुख ऐकीव माहितीवर जेलमध्ये गेले, धनंजय मुंडेंविरोधात दररोज पुरावे मिळतायत, सुप्रिया सुळेंचा हल्लाबोल
Supriya Sule on Santosh Deshmukh : 9 डिसेंबर 2024 रोजी संतोष देशमुख यांची अपहरण करून हत्या करण्यात आली होती. या प्रकरणामध्ये धनंजय मुंडे यांच्यावरही विरोधकांकडून अत्यंत गंभीर आरोप होत आहेत.
Supriya Sule on Santosh Deshmukh : संतोष देशमुख यांच्या निर्घृण हत्या प्रकरणाला तब्बल पन्नास दिवस उलटून सुद्धा फरार आरोपी सापडत नाही, एवढं तंत्रज्ञान उपलब्ध असताना, एआय उपलब्ध असताना आरोपी सापडत नाही, काय चेष्टा लावली आहे का? अशा शब्दात राष्ट्रवादी काँग्रेसचे शरदचंद्र पवार पक्षाच्या खासदार सुप्रिया सुळे यांनी (Supriya Sule on Santosh Deshmukh) हल्लाबोल केला. संजय राऊत, अनिल देशमुख नवाब मलिक, छगन भुजबळ ही केवळ ऐकीव माहितीच्या आधारे वर्षभर जेलमध्ये गेले. मात्र, धनंजय मुंडे यांच्या विरोधात दररोज पुरावे मिळत आहेत, अजून कोणते पुरावे हवे आहेत? असा हल्लाबोलही त्यांनी केला. मी त्या ठिकाणी असतो तर राजीनामा दिला असता आणि नैतिकतेच्या मुद्द्यावर राजीनामा मागत असल्याचे त्या म्हणाल्या.
संतोष देशमुख यांच्या हत्येला 50 दिवस पूर्ण झाले आहेत. 9 डिसेंबर 2024 रोजी संतोष देशमुख यांची अपहरण करून हत्या करण्यात आली होती. या प्रकरणामध्ये धनंजय मुंडे यांच्यावरही विरोधकांकडून अत्यंत गंभीर आरोप होत आहेत. त्यांचा बीड जिल्ह्यातील अत्यंत निकटवर्तीय खंडणीखोर वाल्मीक कराडवर मोका अंतर्गत कारवाई करण्यात आली आहे. पवनचक्की खंडणी आणि संतोष देशमुख यांच्या हत्ये प्रकरणात आरोपींवर मोका लावण्यात आला आहे. मात्र, या प्रकरणातील आरोपी कृष्णा आंधळे अजूनही आरोपी फरार असल्याने सुप्रिया सुळे यांनी हल्लाबोल केला.
ओडीसा आणि छत्तीसगड आपल्या पुढे गेली
जी गोष्ट मी गेली अडीच वर्ष जे सांगत होते ते आज निती आयोगाने मान्य केलं आहे. आलेला आणि खर्च केलेला पैसा यातील अंतर किती याला फिसकल डेफीसीएट ॲक्ट आपल्याकडे आहे. जो अटलजींनी आणला होता. गेल्या दोन तीन वर्षात मी विचारतेय की केंद्र आणि राज्यातले नाते कसे आहे. एखादे राज्य किती ही पैसे खर्च करू शकत नाही. ते दिवाळखोरीकडे जाऊ शकत नाही. आपण वित्तीय तुटीमध्ये 3 वरून 6व्या राज्यावर गेलो आहोत. ओडीसा आणि छत्तीसगड हे आपल्या पुढे गेले असल्याचा टोला त्यांनी लगावला. इतर राज्य पुढे जात आहे पण महाराष्ट्र का मागे जात आहे याचा विचार केला गेला पाहिजे. हा अतिशय गंभीर विषय आहे की आपण मागे का जात आहोत, असे त्या म्हणाल्या.
इतर महत्वाच्या बातम्या
महत्त्वाच्या बातम्या
