धक्कादायक! सिंधुदुर्गमध्ये आठ पर्यटक बुडाले, तीन जणांचा मृत्यू, बेपत्ता असलेल्या दोन जणांचा शोध सुरु

सिंधुदुर्ग (Sindhudurg) जिल्ह्यात धक्कादायक घटना घडली आहे. शिरोडा वेळागर समुद्रात 8 पर्यटक बुडाल्याची घटना घडली आहे. यामध्ये तिघांचे मृतदेह सापडले आहेत, तर तिघांना वाचवण्यात यश आले आहे.

Sindhudurg News

Source : Getty Images

Sindhudurg : सिंधुदुर्ग (Sindhudurg) जिल्ह्यात धक्कादायक घटना घडली आहे. शिरोडा वेळागर समुद्रात 8 पर्यटक बुडाल्याची घटना घडली आहे. यामध्ये तिघांचे मृतदेह सापडले आहेत, तर तिघांना वाचवण्यात यश आले आहे. इतर दोन पर्यटकांचा शोध सुरु आहे. बुडालेले सर्व पर्यटक हे सिंधुदुर्ग जिल्ह्यातील असल्याची माहिती मिळाली आहे. शिरोडा वेळागर समुद्रात बुडालेल्या पर्यटकांचे शोधकार्य सुरु आहे. 

शिरोडा वेळागर येथे पर्यटनासाठी आलेल्या पर्यटकांपैकी आठ जण शिरोडा समुद्रात बुडाले होते. त्यातील तीन जणांना बाहेर काढण्यात यश आले आहे. उपचारासाठी त्यांना शिरोडा उपजिल्हा रुग्णालयात हलवण्यात आले आहे. तीन जणांचे मृतदेह सापडले आहेत. घटनास्थळी बुडालेल्यांची शोध घेण्याची प्रक्रिया सुरु आहे. काही पर्यटक कुडाळचे तर काही बेळगाव येथील असल्याची प्राथमिक माहिती मिळत आहे. 

मुंबई गोवा राष्ट्रीय महामार्गावर अज्ञात वाहनाच्या धडकेत सांबराचा मृत्यू 

मुंबई गोवा राष्ट्रीय महामार्गावरील मळगाव येथे आणखी एक धक्कादायक घटना घडली आहे. अज्ञात वाहनाच्या धडकेत सांबराचा मृत्यू झाला आहे. अज्ञात वाहनाच्या धडकेत सांबर गंभीर जखमी झालं होतं. स्थानिकांनी वन विभागाला याची माहिती दिली आहे. मात्र, वन विभागाचे पथक दाखल होईपर्यंत सांबराचा मृत्यू झाला होता.बेसुमार जंगलतोड होत असल्याने वन्य प्राणी जंगलाच्या बाहेर पडत आहेत, त्यात महामार्ग ओलांडताना अज्ञात वाहनाच्या धडकेत सांबराचा मृत्यू झाला.

महत्वाच्या बातम्या: