Manorama Khedkar: शेतकऱ्यांना धमकवताना वापरलेली मनोरमा खेडकरांची कार पोलिसांनी केली जप्त, गुन्हा दाखल झाल्यानंतर पूजा खेडकर दिल्लीला रवाना?
शेतकऱ्यांना धमकवतानाचा व्हिडीओ व्हायरल झाल्यानंतर याप्रकरणी मनोरमा खेडकर यांना अटक करण्यात आली आहे. दरम्यान, त्यांच्या घरातून आता टोयोटा कार पोलिसांनी जप्त केली आहे.
Manorama Khedkar: राज्यभर पूजा खेडकर (Puja khedkar) प्रकरण वादाच्या भोवऱ्यात अडकलेले असताना आता मनोरमा खेडकरांच्या (Manorama Khedkar) अडचणीत वाढताना दिसत आहेत. मुळशी तालुक्यातील धडवली गावातील शेतकऱ्यांना धमकवण्यासाठी जाताना वापररलेली कार आता पोलिसांनी जप्त केली आहे.
दरम्यान, आयएएस पूजा खेडकरवर क्राइम ब्रॅन्चने (Crime branch) गुन्हा दाखल केल्यानंतर पूजा खेडकरचे दिल्लीच्या दिशेने उड्डाण केले असल्याचे सांगण्यात येत आहे. परंतु दिल्ली क्राईम ब्रांचकडे पूजा खेडकरच्या दिल्लीवारीची कोणतीही माहिती नाही . तसेच तसेच दिल्ली क्राइम ब्राँचने खेडकर यांना बोलावण्याविषयीच्या वृत्ताला त्यांनी फेटाळून लावले आहे.
प्रशिक्षणार्थी आयएएस अधिकारी पूजा खेडकर यांच्या आई मनोरमा खेडकर यांनी हातात पिस्तूल घेऊन शेतकऱ्यांना धमकवतानाचा व्हिडीओ व्हायरल झाल्यानंतर याप्रकरणी मनोरमा खेडकर यांना अटक करण्यात आली आहे. दरम्यान, त्यांच्या घरातून आता टोयोटा कार पोलिसांनी जप्त केली आहे.
शेतकऱ्यांना धमकवण्यासाठी वापरली होती कार
वादग्रस्त प्रशिक्षणार्थी IAS अधिकारी पूजा खेडकर यांव्या आई मनोरमा खेडकर यांनी जमिनीच्या वादातून मुळशी तालुक्यातील शेतकऱ्यांना पिस्तूलाचा धाक दाखवून धमकावल्याचा व्हिडिओ व्हायरल झाला होता. यावेळी त्यांनी ज्या टोयोटा कारचा उपयोग केला होता, ती कार पोलिसांनी जप्त केली आहे.
मनोरमा खेडकर डॉटेलमध्ये नाव बदलून राहत होती
पूजा खेडकरची आई मनोरमा खेडकरला अखेर गुरुवारी सकाळी महाड येथून ताब्यात घेण्यात आलं. पुणे ग्रामीण पोलिसांच्या गुन्हे शाखेसह पौड पोलिसांनी ही कारवाई केली. मनोरमा हिला पौड पोलिस ठाण्यात आणून अटक केली.
पिस्तूल रोखून एका शेतकऱ्याला धमकावल्याचा आरोप मनोरमावर होता. याप्रकरणी पौड पोलिस ठाण्यामध्ये खेडकर दाम्पत्यावर गुन्हा दाखल झाला होता. त्यानंतर मनोरमा खेडकर फरार झाली होती. मनोरमा खेडकर ज्या होम स्टे (हॉटेल) मधून तिला पकडण्यात आले, तेथे नाव बदलून ती राहत असल्याची माहिती पोलिस अधीक्षक पंकज देशमुख यांनी दिली आहे
गुन्हा दाखल केल्यानंतर पूजा खेडकर यांचे दिल्ली उड्डाण
वादग्रस्त आयएएस प्रशिक्षणार्थी पूजा खेडकरवर दिल्ली क्राइम ब्रान्चने गुन्हा दाखल केल्यानंतर आयएएस पूजा खेडकरचे दिल्लीच्या दिशेने उड्डाण केले असल्याचे सांगण्यात येत आहे. परंतु दिल्ली क्राईम ब्रांचकडे पूजा खेडकरच्या दिल्लीवारीची कोणतीही माहिती नाही . तसेच तसेच दिल्ली क्राइम ब्राँचने खेडकर यांना बोलावण्याविषयीच्या वृत्ताला त्यांनी फेटाळून लावले आहे.
हेही वाचा:
महत्त्वाच्या बातम्या
