Down Syndrome Marriage : एका 'अ'साधारण लग्नाची गोष्ट! डाऊन सिंड्रोम आजारावर मात केली अन् लग्नगाठ बांधली; कशी आहे प्यारवाली स्टोरी?

पुण्यातील अनन्या सावंत आणि विघ्नेश कृष्णस्वामी या डाऊन सिंड्रोम असलेल्या दोघांनी लग्नगाठ बांधली आहे आणि तेही आता सुखी संसाराचे स्वप्न रंगवत आहेत.

Down Syndrome Marriage

Down Syndrome Marriage : लग्न, जोडीदार, कुटुंब (Down Syndrome Marriage) अशा बऱ्याच गोष्टी आयुष्यात प्रचंड महत्त्वाच्या असतात. त्यात मुलं वयात आली की लग्नाची चिंता प्रत्येक पालकांना असते. यातच मुल गतिमंद असेल तर तिचं किंवा त्याचं आयुष्य़ कसं पुढे जाईल? जगाशी लढण्यासाठी ही गतिमंद म्हणजेच विशेष मुलांचं भविष्य काय असेल, याची चिंता प्रत्येकच पालकाला असते. मात्र याच सगळ्या अडचणींना तोंड देत पुण्यातील अनन्या सावंत आणि विघ्नेश कृष्णस्वामी या डाऊन सिंड्रोम असलेल्या दोघांनी लग्नगाठ बांधली आहे आणि तेही आता सुखी संसाराचे स्वप्न रंगवत आहेत. प्रेम सर्व अडथळ्यांना पार करते, ही म्हण या दोघांनीही खरी ठरवली आहे. देशातील अशा प्रकारचा हा पहिलाच विवाह असल्याचा दावाही केला जात आहे. 

दोघे कसे भेटले?

5 जुलै रोजी पुण्याच्या बावधनमध्ये 500 नातेवाईक आणि मित्रांच्या उपस्थितीत लग्न केले. अनन्या ही 21 वर्षांची असू वाकड येथील सनशाईन चाइल्ड डेव्हलपमेंट सेंटरमध्ये सहाय्यक शिक्षिका आहे तर विघ्नेश दुबईतील एका हॉटेलमध्ये फ्रंट ऑफिसर आहे. विघ्नेशचं स्पेशल असलेल्या लोकांसाठी विवाहाच्या साइटवर नोंदणी केली होती आणि तेजस्विता यांच्याशी संपर्क साधला होता. 2022 मध्ये व्हिडीओ कॉलद्वारे कुटुंबे जोडली गेली. अनन्या आणि विघ्नेश यांची एकमेकांशी ओळख झाली विघ्नेशचे कुटुंब भारतात आले आणि गेल्या वर्षी डिसेंबरमध्ये या जोडप्याचा साखरपुडा केला.

सिरीयल पाहून तिलाही लग्न करावं वाटलं...

तिचे पालक सांगतात, तिला सगळ्या गोष्टी करायला आवडायच्या. ती 20 वर्षांची झाली तेव्हा तिने तिच्या आवडत्या हिरो सोबत लग्न करायची इच्छा बोलून दाखवली होती. त्यावेळी आम्ही चिंतेत पडलो. मात्र हिच्या आयुष्यात हिला सांभाळणारा कोणीतरी मिळेल का याचा विचार करत होते. त्याच वेळी तिची विवाह नोंदणी केली आणि तिथेच विघ्नेश सापडला. माझ्या कुटुंबीय़ांसहित अनन्याची नवीन सुरुवात झाली. अनन्या आता तिच्या संसारात रमेल.

आई-वडिलांच्या कष्टाचं चिज केलं...

अनन्या लहान असतानाच ती स्पेशल असल्याचं कुटुंबियांना कळलं होतं. त्यावेळी अनन्याच्या वडिलांना काळजी वाटली. मात्र तिच्या आईने धीर देत वडिलांची समजूत काढली. त्यानंतर दोघांनी मिळून सामान्य़ मुलीप्रमाणे अनन्याला वाढवलं. तिचा हवं ते आणि हवं तसं करु दिलं. तिला स्वप्न पाहायला शिकवलं आणि अनन्याने त्यांच्या कष्टाचं चिज करुन सनशाईन चाइल्ड डेव्हलपमेंट सेंटरमध्ये सहाय्यक शिक्षिका बनली. 

डाऊन सिंड्रोम म्हणजे काय?

डाऊन सिंड्रोमला ट्रायसोमी 21 असेही म्हणतात. यात मुलांच्या शरिराची वाढ संथ गतीने होत असते. त्यांचा बौद्धिक विकास व्हायलादेखील वेळ लागतो.  चेहऱ्याच्या वैशिष्ट्यांमध्ये फरक असतो आणि  मानसिक आणि शारीरिक विकारांनी ग्रस्त असते. मात्र याच सगळ्यांना सामान्य मुलांप्रमाणेच वाढवणं गरजेचं असल्याचं डॉक्टर सांगतात.