भाजपनंतर संजय राठोडांच्या राजीनाम्यासाठी मुख्यमंत्री उद्धव ठाकरेंवर स्वकीयांचा दबाव : सूत्र
संजय राठोडांमुळे पक्षाचं काम करण्यात स्थानिक पातळीवर अडचण येत असल्याचे मुख्यमंत्री उद्धव ठाकरेंना सांगणार आहे. यावर पक्षप्रमुख म्हणून काय निर्णय घेणार याकडे सर्वांचे लक्ष लागले आहे.
मुंबई : एकीकडे भाजपकडून वनमंत्री संजय राठोडांच्या राजीनाम्यासाठी आग्रही असतानाच आता मुख्यमंत्री उद्धव ठाकरे यांच्यावर स्वकीयांचाही दबाव वाढताना दिसत आहे. विदर्भातील शिवसेना लोकप्रतिनिधी आता मुख्यमंत्री उद्धव ठाकरेंना भेटणार असल्याची माहिती मिळत आहे. 1 मार्चपासून विधीमंडळाचं अधिवेशन सुरु होतंय, त्याआधी राठोडांचा राजीनामा घेण्याबाबत भाजप आग्रही आहे.
विदर्भातील शिवसेना लोकप्रतिनिधी राठोडांच्या राजीनाम्यासाठी उद्धव ठाकरेंना भेटण्याची शक्यता आहे. या संदर्भात एक पत्र लिहिले असून त्यामध्ये संजय राठोड यांच्याकडून काम होत नसल्याच्या तक्रारी देखील असून गेल्या पाच वर्षात पक्ष संघटनेसाठी कोणतेही काम गेली पाच वर्षात करण्यात आले नाही.
संजय राठोडांमुळे पक्षाचं काम करण्यात स्थानिक पातळीवर अडचण येत असल्याचे मुख्यमंत्री उद्धव ठाकरेंना सांगणार आहे. यावर पक्षप्रमुख म्हणून काय निर्णय घेणार याकडे सर्वांचे लक्ष लागले आहे.
संजय राठोड यांच्या राजीनाम्यासाठी कोणाचा दबाव
खासदार
कृपाल तुमाने, रामटेक भावनाताई गवळी, वाशिम यवतमाळ प्रतापराव जाधव, बुलढाणा
आमदार
आमदार संजय रायमुलकर, मेहकर आमदार संजय गायकवाड,बुलढाणा आमदार नितीन देशमुख, बाळापूर आमदार गोपीकिशन बाजोरिया, वि प सदस्य आमदार विप्लव बाजोरिया, वि प सदस्य आमदार आशीष जयस्वाल रामटेक अपक्ष आमदार नरेंद्र भोंडेकर अपक्ष
संजय राठोड यांची मंत्रिमंडळातून हकालपट्टी करुन त्यांच्यावर गुन्हा दाखल व्हायला हवा होता. अधिवेशनाच्या आधी राजीनामा घेणार असं बोललं जात आहे, मग हे सरकार कसली वाट पाहतय. महिलांवर अत्याचार करणाऱ्या मंत्र्यांना संरक्षण देणारं हे सरकार आहे. संजय राठोड यांनी राजीनामा न दिल्यास आम्ही अधिवेशन चालूच देणार नाही, असं भाजप आमदार अतुल भातखळकर यांनी सांगितलं.
संजय राठोड यांनी स्वत: राजीनामा देणे गरजेचं आहे. फोटो, ऑडियो क्लिप्स समोर आल्या आहेत, पोहरादेवी शक्तीप्रदर्शन या पार्श्वभूमीवर संजय राठोड यांनी राजीनामा देणे गरजेचं आहे. उद्धव ठाकरे स्वच्छ प्रतिमेचे मुख्यमंत्री आहेत. त्यांचा मान राखून संजय राठोड यांनी स्वत: राजीना दिला पाहिजे, असं भूमात ब्रिगेडच्या तृप्ती देसाई यांनी म्हटलं आहे. संजय राठोड यांनी राजीनामा दिला नाही तर आम्ही देखील आक्रमक होऊन आंदोलन करु असा इशाराही त्यांनी दिला आहे.
संबंधित बातम्या :
Pooja Chavan Death Case: वनमंत्री संजय राठोड यांच्यावर राजीनाम्यासाठी दबाव वाढला
महत्त्वाच्या बातम्या
ट्रेंडिंग न्यूज
