Prashant Koratkar : शिवरायांचा अवमान करणारा प्रशांत कोरटकर कळंबा तुरुंगाबाहेर, पोलिस सुरक्षेमध्ये नागपूरला जाणार
Prashant Koratkar Case : गेल्या 17 दिवासांपासून प्रशांत कोरटकर हा कोठडीमध्ये होता. दोन दिवसांपूर्वी त्याला कोल्हापूर सत्र न्यायालयाने जामीन मंजूर केला होता.
कोल्हापूर : छत्रपती शिवाजी महाराज आणि छत्रपती संभाजी महाराजांचा अवमान करणारा तसेच इतिहास संशोधक इंद्रजीत सावंत यांना धमकी देणारा प्रशांत कोरटकर आता तुरुंगाबाहेर आला आहे. दोन दिवसांपूर्वी कोल्हापूर सत्र न्यायालयाने त्याला जामीन मंजूर केला होता. आता तो कळंबा तुरुंगातून बाहेर आला. कोरटकरला असलेला धोका लक्षात घेता पोलिसांच्या सुरक्षेमध्ये त्याला नागपूरच्या घरी पोहोचवण्यात येणार आहे.
इतिहास अभ्यासक इंद्रजीत सावंत यांना फोन करून प्रशांत कोरटकरने धमकी दिली होती. त्यावेळी त्याने छत्रपती शिवाजी महाराज आणि छत्रपती संभाजी महाराज यांच्याबद्दल आक्षेपार्ह शब्द वापरले होते. याच प्रकरणात प्रशांत कोरटकरवर कोल्हापुरात गुन्हा दाखल करण्यात आला होता. कोरटकरला सुरुवातीला पाच दिवस पोलिस कोठडी तर नंतर 12 दिवसांची न्यायालयीन कोठडी सुनावण्यात आली होती. आता त्याला जामीन मंजूर करण्यात आला आहे.
दोन दिवसांपूर्वी कोरटकरला जामीन मिळाला होता. पण न्यायालयीन प्रक्रिया आणि एका दिवसाची सुट्टी असल्याने कोरटकरचा मुक्काम वाढला होता. आता कोरटकरला तुरुंगाबाहेर काढण्यात आलं आहे.
पोलिस सुरक्षेत नागपूरपर्यंत पोहोचवणार?
प्रशांत कोरटकरच्या जीवाला धोका असल्याचा युक्तिवाद त्याच्या वकिलांनी केला होता. कोरटकरला पोलिस सुरक्षेमध्ये नागपूरपर्यंत पोहोचवण्यात यावं अशी मागणीही त्यांनी केली होती. न्यायालयाने ती मागणी मंजूर केली. प्रशांत कोरटकरला आता पोलिस सुरक्षेमध्ये नागपूरच्या घरी पोहोचवण्यात येणार आहे.
तुरुंगाबाहेरची स्थिती काय?
प्रशांत कोरटकरला या आधी न्यायालयात हजर करताना त्याच्यावर हल्ला करण्यात आला होता. ते लक्षात घेतला कळंबा जेलच्या परिसरात कडक पोलिस बंदोबस्त ठेवण्यात आला होता.
प्रशांत कोरटकर एकूण 17 दिवस कोठडीत होतो. या दरम्यान एक दिवस त्याची पत्नी भेटायला आली होती. कोरटकरला कळंबा जेलच्या अंडा सेलमध्ये ठेवण्यात आलं होतं.
कोरटकर प्रकरणाचा घटनाक्रम काय?
24 फेब्रुवारीच्या मध्यरात्री 12 वाजून 8 मिनिटांनी कोरटकरने इंद्रजित सावंतांना फोन केला होता. छत्रपती शिवाजी महाराजांबद्दल आक्षेपार्ह वक्तव्य करत सावंतांना धमकी दिली होती. इंद्रजित सावंतांचा नंबर त्यानं कोल्हापूर पोलिस दलात कार्यरत असलेल्या एका वरिष्ठ पोलिस अधिकाऱ्याकडून मिळवल्याची माहिती आहे. 25 फेब्रुवारीला इंद्रजित सावंत यांच्या तक्रारीवरून कोल्हापूरच्या राजवाडा पोलिस ठाण्यात गुन्हा दाखल करण्यात आला.
कोरटकरनं 27 फेब्रुवारीला एक व्हिडीओ तयार करून माफी मागण्याचा प्रयत्न केला. या प्रकरणी प्रशांत कोरटकर एक महिन्याहून अधिक काळ फरार होता. कोल्हापूर पोलिसांनी त्याला तेलंगणामधून अटक केली. त्यानंतर कोल्हापूर सत्र न्यायालयाने त्याला आधी पाच दिवसांची पोलिस कोठडी आणि नंतर 10 दिवसांची न्यायालयीन कोठडी सुनावली. त्यानंतर त्याला पुन्हा 14 दिवसांची न्यायालयीन कोठडी सुनावली होती. आता त्याला जामीन मंजूर करण्यात आला आहे.
ही बातमी वाचा:
महत्त्वाच्या बातम्या
