Nagar Parishad Election 2022 : आधी पुढे ढकललेल्या नगरपरिषदांमध्येही थेट नगराध्यक्ष निवड होणार

Nagar Parishad Election 2022 : निवडणूक पुढे ढकललेल्या नगरपरिषदांमध्ये थेट नगराध्यक्ष निवड होणार आहे. राज्यातील 92 नगरपरिषदा, 4 नगर पंचायतीत थेट जनतेतून नगराध्यक्ष निवड होणार आहे.

Nagar Parishad Election 2022

Nagar Parishad, Nagar Panchayat President Direct Election :  निवडणूक पुढे ढकललेल्या नगरपरिषदांमध्ये थेट नगराध्यक्ष निवड होणार आहे. राज्यातील 92 नगरपरिषदा, 4 नगर पंचायतीत थेट जनतेतून नगराध्यक्ष निवड होणार असल्याची अधिसूचना जारी करण्यात आली आहे. शिंदे-फडणवीस सरकार सत्तेत आल्यानंतर त्यांनी  नगराध्यक्ष आणि सरपंच निवडीच्याबाबत मोठा निर्णय घेतला.  नगरपरिषदा व नगरपंचायतींच्या नगराध्यक्षांची निवडणूक थेट पद्धतीने घेण्याचा निर्णय राज्य सरकारने घेतला. (Direct Election of Nagarparishad president and Sarpanch). त्याशिवाय  ग्रामपंचायतीच्या सरपंचाची ग्रामपंचायतीमधून थेट निवडणूक घेण्याच्या निर्णयावर राज्य सरकारने शिक्कामोर्तब केले आहे. 

शिंदे-फडणवीस सरकारने महाविकास आघाडी सरकारच्या कार्यकाळात घेण्यात आलेले निर्णय बदलले. राज्यात भाजपचे सरकार असताना नगरपरिषदा आणि नगरपंचायतींच्या नगराध्यक्षांची निवडणूक थेट पद्धतीने घेण्याचा निर्णय घेण्यात आला होता. ग्रामपंचायतीच्या बाबतही हाच निर्णय घेण्यात आला होता.

 

मात्र, महाविकास आघाडी सरकार आल्यानंतर हे निर्णय बदलण्यात आले. नगरपरिषद, नगरपंचायतीमधील सदस्य विरोधी पक्षांचे आणि नगराध्यक्ष इतर पक्षांचा असल्यामुळे विकासकामांबाबत निर्णय घेण्यात अडचणी येत असल्याचा दावा करण्यात आला होता. त्यानंतर थेट निवडणूक रद्द करण्यात आली होती. मात्र आता पुन्हा राज्यात थेट पद्धतीनं नगराध्यक्ष निवडला जाणार आहे. 

थेट नगराध्यक्ष निवडीतील महत्वाचं अपडेट्स

ठाकरे सरकारनं थेट नगराध्यक्ष निवडीची पद्धत बदलली होती

शिंदे-फडणवीस सरकार येताच पुन्हा जनतेतून नगराध्यक्ष निवडीचा निर्णय घेतला

शिंदे-फडणवीस सरकार आल्यानंतर जाहीर झालेल्या 92 नगरपरिषदांच्या निवडणुकीला स्थगिती

आता ९२ नगरपरिषदांसाठी थेट जनतेतून नगराध्यक्ष निवड होणार

नगरसेवकांकडून नगराध्यक्ष निवड करण्याऐवजी आता जनताच निवड करणार

 

इतर महत्वाच्या बातम्या