वर्षा निवासस्थानी घडामोडींना वेग, एकनाथ शिंदेंची 'या' महत्वाच्या नेत्यांबरोबर बंद दाराआड चर्चा, संभाव्य खाते वाटपावर चर्चा?

वर्षा निवासस्थानी घडामोडींना वेग आला आहे. काळजीवाहू मुख्यमंत्री एकनाथ शिंदे यांनी काही महत्वाच्या नेत्यांबरोबर बंद दाराआड चर्चा केली आहे.

Maharashtra Politicis News Eknath shinde

Source : PTI

Maharashtra Politicis News : काळजीवाहू मुख्यमंत्री एकनाथ शिंदे (Eknath shinde), उदय सामंत (Uday Samant) आणि भाजप नेते गिरीश महाजन (Girish Mahajan) यांच्यात बंद दाराआड चर्चा झाली आहे. तिघांमध्ये वर्षा बंगल्यातील मुख्यमंत्र्यांच्या अॅटी चेंबरमध्ये अर्धा तास चर्चा झाली आहे. संभाव्य खाते वाटपावर चर्चा झाल्याची माहिती सूत्रांनी दिली आहे. कालही गिरीश महाजन हे मुख्यमंत्र्यांच्या भेटीला ठाण्याच्या शुभदिप बंगल्यावर दाखल झाले

 मंत्रीपदाची संधी कोणा कोणाला मिळणार याकडं सर्वांचं लक्ष

महाराष्ट्र विधानसभा निवडणुकीत (Maharashtra Vidhan Sabha Election Result 2024) महायुतीला (Mahayuti) स्पष्ट बहुमत मिळाले आहे. आता महायुतीच्या सत्ता स्थापनेच्या हालचालींना वेग आला आहे. महायुती सरकारचा शपथविधी सोहळा (Mahayuti Oath Ceremony) पाच डिसेंबरला मुंबईच्या आझाद मैदानावर पार पडणार आहे. या सोहळ्याची सध्या जोरदार तयारी केली जात आहे. देवेंद्र फडणवीस हे महाराष्ट्राचे नवे मुख्यमंत्री होणार असल्याचे जवळपास निश्चित झाले आहे. मात्र, मंत्रीपदाची संधी कोणा कोणाला मिळणार याची सध्या राजकीय वर्तुळात जोरदार चर्चा सुरु आहे. अनेक इच्छुकांनी मंत्रीपदासाठी फिल्डिंग लावल्याची माहिती मिळत आहे. दरम्यान, एकनाथ शिंदे यांनी उदय सामंत आणि भाजप नेते गिरीश महाजन यांच्यासोबत आज संभाव्य खाते वाटपावर चर्चा झाल्याची माहिती आहे.

वर्षा निवासस्थानी घडामोडींना वेग 

मुख्यमंत्री आणि मंत्रीमंडळाच्या शपथविधीची जोरदार तयारी सुरू असताना शिवसेना पक्षप्रमुख आणि राज्याचे काळजीवाहू मुख्यमंत्री एकनाथ शिंदे  यांची प्रकृती बिघडल्याचं चित्र आहे. गेल्या काही दिवसांपासून त्यांना सर्दी, ताप आणि घशाचा संसर्ग झाला आहे. त्यांच्यावर उपचार सुरू आहेत, मात्र अद्याप त्यांची प्रकृती सुधारलेली नाही. त्यांची डेंग्यू आणि मलेरियाची चाचणी देखील करण्यात आली. या चाचणीचा रिपोर्ट निगेटिव्ह आला आहे. मात्र, एकनाथ शिंदे यांच्या पांढऱ्या पेशी कमी जास्त होत आहेत. सतत येत असणाऱ्या तापामुळे अँटी बायोटिक सुरू आहेत. त्यामुळे देखील मोठ्या प्रमाणात त्यांना अशक्तपणा आला असल्याचे डॉक्टरांनी सांगितले आहे. त्यामुळं आज त्यांची ज्युपिटर रुग्णालयातील डॉक्टरांनी तपासणी केली. त्यानंतर एकनाथ शिंदे वर्षा निवासस्थानी दाखल झाले. त्यानंतर ते नेत्यांशी चर्चा करत असल्याचे पाहायला मिळत आहे. सध्या एकनाथ शिंदे हे संभाव्य खाते वाटपावर भाजप नेते गिरीश महाजन यांच्याशी चर्चा करत असल्याची माहिती सूत्रांनी दिली आहे.  

महत्वाच्या बातम्या: