Malegaon Rain: मालेगावसह परिसरात दमदार मान्सूनपूर्व मोसमी पावसाची हजेरी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Chandrapur News: चंद्रपूर जिल्ह्यात मनसेला मोठा धक्का बसलाय. वरोरा विधानसभा क्षेत्रात मनसेच्या तिकिटावर 2019 ची निवडणूक लढलेले रमेश राजूरकर यांना भाजपच्या वतीने विधानसभा प्रमुख पदाची जबाबदारी देण्यात आली आहे. 13 जून रोजी राजूरकर यांचा भाजप प्रवेश होणार माहिती सूत्रांनी दिली आहे. भाजप प्रदेशाध्यक्ष चंद्रशेखर बावनकुळे यांनी आज जाहीर केलेल्या विधानसभा प्रमुखांच्या यादीत रमेश राजुरकर यांचे नाव झळकले आहे. विशेष म्हणजे सप्टेंबर 2022 मध्ये चंद्रपूर जिल्ह्याच्या दौऱ्यावर आलेल्या मनसे प्रमुख राज ठाकरे यांनी रमेश राजूरकर यांच्या वरोरा येथील निवासस्थानी भेट दिली होती. काँग्रेस खासदार बाळू धानोरकर यांच्या अकाली मृत्यूनंतर चंद्रपूर जिल्ह्यातील बदललेली राजकीय समीकरणे बघता भाजपने नवा डाव टाकल्याचे चित्र दिसत आहे.
- मालेगावसह परिसरात दमदार मान्सूनपूर्व मोसमी पावसाची हजेरी.
- वादळी वारा आणि विजांच्या कडकडाटासह दमदार पावसाची हजेरी.
- उकाड्याने हैराण मालेगावकरांना काहीसा दिलासा...
- पूर्व मशागतीच्या कामांना लागणार ब्रेक ...
- पेरणीलायक पावसाची अजूनही शेतकऱ्यांना प्रतीक्षा.
सिरियल बलात्कारी आरोपीस सहा वर्षाच्या मुलीवर बलात्कार करून व्हिडीओ केल्याप्रकरणी आजन्म कारावासाची शिक्षा आणि आर्थिक दंड ठोठावला आहे.
प्रमुख जिल्हा व सत्र न्यायाधीश अंजु शेंडे यांच्या कोर्टाने ही शिक्षा सुनावली.
अंकुश वडणे असे शिक्षा झालेल्या आरोपीचे नाव असुन त्याने आजवर 4 अल्पवयीन मुलीवर आणि इतर 3 अत्याचाराचे असे 7 गुन्हे केले आहेत
त्याला दोन वेळेस कोर्टाने यापूर्वी शिक्षा सुनावली आहे.
शिक्षा भोगून आला की तो पुन्हा लहान मुलीवर बलात्कार करायचा. यापूर्वी त्याने 4, 8, 10 व 6 वर्षांच्या मुलीवर बलात्कार केला आहे.
Parbhani News: परभणीसह इतर जिल्ह्यात दुचाकी चोरी करणाऱ्या टोळीला परभणी पोलिसांच्या विशेष पथकाने पकडले आहे. पोलिसांनी 4 जणांना अटक केली आहे. त्यांच्याकडून चोरी केलेल्या 6 दुचाकी जप्त करण्यात आल्या आहेत. ही टोळी मोठ्या शिताफीने दुचाकी चोरी करून इतर जिल्ह्यात विक्री करत होती.
Maharashtra News : नवतपापासून कडक उष्णतेचा सामना नागरिकांना करावा लागत आहे. उष्णतेमुळे नागरिकांसह वन्य प्राण्यांचीही मोठी फरफट होताना दिसून येतल आहे. आज सकाळपासूनच कडक ऊन आणि अति उष्ण लहरी सुरू असताना दुपारी अचानक वादळी वारा आणि मेघगर्जनेसह अवकाळी पावसानं हजेरी लावली. यामुळं वातावरणात गारवा निर्माण झाला असून नागरिकांना उष्णतेपासून दिलासा मिळाला आहे. वादळी वाऱ्यासह आलेल्या पावसानं भंडारा शहरातील राष्ट्रीय महामार्गावर लावण्यात आलेले तात्पुरते डिवाइडर कोलमडून पडल्याचं चित्र बघायला मिळालं.
लालबागचा राजा सार्वजनिक गणेशोत्सव मंडळातर्फे लालबागच्या राजाचे ९० व्या वर्षाचे गणेश मुहूर्त पूजन संकष्ट चतुर्थी बुधवार दि. ०७ जून २०२३ रोजी सकाळी ६ः०० वा. मंडळाचे अध्यक्ष श्री. बाळासाहेब सुदाम कांबळे व मूर्तिकार कांबळी आर्ट्सचे श्री.रत्नाकर मधुसूदन कांबळी यांच्या शुभहस्ते मूर्तिकार कांबळी आर्ट्सच्या चित्रशाळेत पार पडले. याप्रसंगी खजिनदार श्री. मंगेश दत्ताराम दळवी यांनी पावती पुस्तकाचे पूजन केले.
आज उदगीर शहरातील अहिल्यादेवी उद्यानामध्ये पुण्यश्लोक अहिल्यादेवी होळकर यांच्या पूर्णाकृती पुतळ्याचे अनावरण करण्यात आले. या प्रसंगी धनगर समाजाच्या वतीने उदगीर शहरात ढोल ताशाचा गजर करण्यात आला आहे.वाजत गाजत भंडाऱ्यांची उधळण करीत अहिल्यादेवी उद्यानापर्यंत भव्य रॅली काढण्यात आली होती. यावेळी माजी राज्यमंत्री आमदार संजय बनसोडे यांच्या हस्ते पुण्यश्लोक अहिल्यादेवी होळकर यांच्या पूर्णाकृती पुतळ्याचे अनावरण करण्यात आले आहे. या रॅलीमध्ये जिल्हाभरातून मोठ्या संख्येने समाज बांधवांचा सहभाग होता.
नवी दिल्लीतून भाजपबद्दल मोठी बातमी आहे. अनेक प्रदेश भाजप संघटनांमध्ये मोठे फेरबदल होण्याचे संकेत मिळतायेत. कारण गेल्या दोन दिवसांत भाजपमधले क्रमांक दोनचे नेते अमित शाह, अध्यक्ष जे.पी.नड्डा आणि राष्ट्रीय संघटना मंत्री बी.एल.संतोष यांच्यात एकूण ८ तास बैठक झाली. या बैठकीत, अनेक राज्यांमधील प्रदेशाध्यक्ष बदलणे, तसंच निवडणुका असणाऱ्या राज्यांमध्ये प्रभारी नेमण्यावर चर्चा झाली. केंद्रीय भाजपमधील अनेक महासचिवांनाही बदलण्याची शक्यता आहे. कारण केंद्रीय नेतृत्व केवळ ३ महासचिवांच्या कामावर खुश असल्याचं कळतंय. दरम्यान, मध्य प्रदेशचं भाजप प्रदेशाध्यक्ष पद तरुण नेत्याकडे सोपवलं जाऊ शकतं, अशी माहितीही सूत्रांनी दिली आहे.
वर्ध्यातल्या सेवाग्राम एमायडीसी परिसरात भंगार डेपोला आग, आगीत मोठ्या प्रमाणात भंगाराचं साहित्य जळून खाक , अग्निशामक दलाच्या सहाय्याने आग विझविण्याचे प्रयत्न सुरू ,
कोल्हापूर शहरातील सात तरुणांच्या मोबाईलमध्ये औरंगजेब आणि टिपू सुलतान यांचा स्टेटस लावल्याचे समोर आलं. यावरून कोल्हापूर शहरातील सर्व हिंदुत्ववादी संघटना आक्रमक झाल्यात. कोल्हापूरच्या छत्रपती महाराज चौकात आज हिंदुत्ववाद्यांनी मोर्चा काढला आहे, तसंच शहरात बंदची देखील हाक देण्यात आली आहे. आक्षेपार्ह स्टेटस ठेवणाऱ्या तरुणांवर कडक कारवाई करावी, या मागणीसाठी हा मोर्चा काढण्यात आला आहे.. या पार्श्वभूमीवर प्रशासनानं जिल्ह्यात जिल्हाबंदीचे आदेश काढले आहेत.
पार्श्वभूमी
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
आज दिवसभरात काही महत्त्वाच्या घडामोडी घडण्याची शक्यता आहे. आज केंद्रीय मंत्रिमंडळाची बैठक पार पडणार आहे. केंद्र सरकार काही महत्त्वाचे निर्णय घेण्याची शक्यता आहे. क्रिकेट चाहत्यांसाठी पुढील पाच दिवस महत्त्वाचे असणार आहे. आजपासून जागतिक कसोटी क्रिकेट अजिंक्यपदासाठीचा अंतिम फेरीचा सामना सुरू होणार आहे. ऑस्ट्रेलियाचे कडवं आव्हान टीम इंडिया समोर असणार आहे. तर, दुसरीकडे दिल्लीतील आंदोलनकर्त्या कुस्तीपटूंच्या समर्थनात फोगाट बहिणींच्या बलाली गावात कुस्तीपटूंसाठी महापंचायत होणार आहे.
Ads by
WTC चा अंतिम सामना
आयसीसी वर्ल्ड टेस्ट चॅम्पियनशिपचा अंतिम सामना भारत आणि ऑस्ट्रेलिया यांचा लंडनमधील ओव्हल मैदानावर रंगणार आहे. भारतीय क्रिकेट संघानं 10 वर्षांपासून आयसीसीचं कोणतंही विजेतेपद जिंकलेलं नाही, अशा परिस्थितीत अंतिम सामना जिंकणार की नाही याकडे क्रिकेट चाहत्यांचे लक्ष लागले आहे.
पालखी सोहळा
- त्र्यंबकेश्वरहून पंढरपूरकडे प्रस्थान करणाऱ्या निवृत्तीनाथ महाराजांच्या पायी दिंडी सोहळ्याचा आज सहावा दिवस आहे. पालखी सिन्नर तालुक्यातून जाणार असून दातली गावी आज दुपारी 12 ते दुपारी 2 वाजता दरम्यान रिंगण सोहळा होणार आहे.
- शेगावच्या गजानन महाराजांची पालखी मराठवाड्यात दाखल झाली आहे.
राष्ट्रीय
हरियाणा - फोगाट बहिणींच्या बलाली गावात आज महापंचायत. कुस्तीपटू विनेश फोगाट, संगीता फोगाट उपस्थित राहणार
दिल्ली - केंद्रीय मंत्रिमंडळाची बैठक. पंतप्रधान मोदींच्या उपस्थितीत सकाळी 10.30 वाजता बैठक होणार
मुंबई
- शिवसेना ठाकरे गटाकडून आजपासून "आवाज कुणाचा" पॉडकास्ट सुरू होणार आहे. आगामी निवडणुकांच्या पार्श्वभूमीवर ठाकरे गटाकडून हा पॉडकास्ट शिवसेनेच्या युट्युब चॅनेल वर सुरू करण्यात येत आहे
- मुंबई-गोवा महामार्गावर (एनएच-66) मोठ्या प्रमाणात पडलेल्या खड्यांच्या पार्श्वभूमीवर मुळचे कोकणातील असलेले अॅड. ओवैस पेचकर यांनी मुंबई उच्च न्यायालयात दाखल केलेल्या जनहित याचिकेवर सुनावणी होणार आहे.
- राज्यातील एसटी आरक्षणापासून वंचित असलेला समाज ‘धनगड’ की ‘धनगर’ आहे. यावर मुंबई उच्च न्यायालयात सुनावणी
पुणे
- जेजुरी विश्वस्त निवडीवर आज धर्मादाय आयुक्तांकडे सुनावणी होणार आहे. सध्या ग्रामस्थांचं बेमुदत धरणे आंदोलन सुरू आहे. आंदोलनाचा आज 13 वा दिवस आहे.
- जेजुरी देवस्थानच्या नवनिर्वाचित विश्वस्तांच्या नियुक्तीवरून वाद सुरु असताना या विश्वस्तांन एकत्र येत त्यांची भुमिका पत्रकार परिषदेतून मांडणार आहेत.
नवी मुंबई
- तिरुमला तिरुपती देवस्थानम श्री व्यंकटेश्वर स्वामी वारी मंदिर, नवी मुंबई भूमिपूजन समारंभ होणार असून मुख्यमंत्री एकनाथ शिंदे उपस्थित रहाणार आहेत
अहमदनगर
- कथित लव जिहाद प्रकरणी भाजप नेते किरीट सोमय्या आज नगर जिल्ह्याच्या दौऱ्यावर असणार आहेत. अहमदनगर जिल्ह्यात सहा प्रकरण घडल्याच किरीट सोमय्यांचा दावा आहे.
- भाजप खासदार सुजय विखे पाटलांची पत्रकार परिषद
- शिर्डीमध्ये काँग्रेस विधीमंडळ गटनेते बाळासाहेब थोरात यांच्या हस्ते निळवंडे कॅनॉल पाणी जलपूजन असून संध्याकाळी 4 वाजता सभा होणार
सांगली
- भाजपचे प्रदेशाध्यक्ष चंद्रशेखर बावनकुळे यांच्या प्रमुख उपस्थितीत आज जत तालुक्यात 55 जोडप्याचा सामुदायिक विवाह सोहळा पार पडणार आहे, सकाळी 11 वाजता.
- - - - - - - - - Advertisement - - - - - - - - -