Maharashtra News LIVE Updates : दिवसभरातील महत्त्वाच्या घडामोडींचा संक्षिप्त आढावा...
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
Maharashtra News Updates : सासवड तहसील कार्यालयातून चोरीला गेलेले ईव्हीएम मशीनचे कंट्रोल युनिट सापडले; 24 तासांत 2 चोरट्यांना अटक
Maharashtra News Updates : सासवड तहसील कार्यालयातून चोरीला गेलेले ईव्हीएम मशीनचे कंट्रोल युनिट सापडले. पुणे ग्रामीण पोलिसांनी अवघ्या 24 तासांत 2 चोरट्यांनी या प्रकरणी अटक केली आहे. पोलिसांनी या दोन्ही आरोपींना कंट्रोल युनिटसह जेजुरीमधून अटक केली आहे. नेमकी त्यांनी ही चोरी कशासाठी केली याचा तपास सुरू आहे. पुरंदर तालुक्यातील सासवड तहसील कार्यालयातून ईव्हीएम मशीनची चोरी झालीय. सासवड शहरातील तहसील कार्यालयातील स्ट्रॉंगरूममध्ये ईव्हीएम मशीन ठेवण्यात आलेल्या आहेत. मिळालेल्या माहितीनुसार, शनिवार आणि रविवारी अशी दोन दिवस तहसील कार्यालयास सुट्टी होती. सोमवारी सकाळी 11 वाजता तहसील कार्यालयातील अधिकाऱ्यांना स्ट्रॉंग रूमचं कुलूप तोडण्यात आलेलं आढळून आलं. या ठिकाणी असलेल्या ईव्हीएम मशीनमधून एक ईव्हीएम मशीन चोरीला गेल्याचं समजताच एकच खळबळ माजली होती.
Mumbai News : राष्ट्रवादी आमदार अपात्रता प्रकरणात राहुल नार्वेकरांचा मोठा दावा, म्हणाले, निवडणूक आयोगाच्या निकालाचा संबंध नाही!
Mumbai News : राष्ट्रवादी काँग्रेस आमदार अपात्र प्रकरणी मेरिटनुसारच निकाल दिला जाईल. निवडणूक आयोगाने दिलेल्या निकालाचा कुठलाही संबंध या निकालाशी जोडला जाणार नाही, असं विधानसभा अध्यक्ष राहुल नार्वेकर यांनी सांगितलं. राष्ट्रवादी पक्षाबाबत विधान भवनाकडून कोणतीही कागदपत्रे निवडणूक आयोगाकडून मागविण्यात आलेली नाहीत, असं राहुल नार्वेकर म्हणाले. निवडणूक आयोगाने 6 फेब्रुवारीला राष्ट्रवादी काँग्रेसचं पक्ष आणि चिन्ह अजित पवार यांना दिलं आहे. त्यामुळे लोकसभा निवडणुकीपूर्वी शरद पवार गटाला मोठा धक्का बसला आहे. अशा परिस्थितीत आता राष्ट्रवादीचे कोणते आमदार पात्र आणि अपात्र होणार याकडे सर्वांचं लक्ष लागलं आहे.
Maharashtra News : राष्ट्रवादी पक्ष आणि चिन्ह हे दोन्ही अजित दादा गटाला देण्याच्या निर्णयानंतर जळगावमध्ये दोन्ही गटाचे कार्यकर्ते आमने-सामने
Maharashtra News : राष्ट्रवादी पक्ष आणि चिन्ह हे दोन्ही अजित दादा गटाचे असल्याचा निर्णय निवडणूक आयोगाने दिल्यानंतर जळगावमध्ये अजित दादा गटाच्या वतीने जल्लोष करण्यात आला आहे. तर, शरद पवार गटाच्या वतीने काळी फित लावून निदर्शने करण्यात आली आहेत. अजित पवार आणि शरद पवार गटाच्या दोन्ही कार्यकर्त्यांनी आमने-सामने येत राष्ट्रवादी कार्यालयाच्या समोर एकाच वेळी जल्लोष आणि निदर्शने करण्यात आल्याने वातावरण चांगलंच तापलं होतं. शरद पवार गटाच्या वतीने अजित पवार आणि त्यांच्या गटाला गद्दार संबोधित अर्वच्या भाषेत घोषणाबाजी केली. आणि या विषयात सर्वोच्च न्यायालयात जाण्याचा इशारा दिला आहे. तर, दुसरीकडे अजित दादा पवार गटाच्या कार्यकर्त्यांनी हा सत्याचा आणि संख्या बळाचा विजय असून संविधानानुसार दिलेला निर्णय असल्याचं म्हटलं आहे.
Maharashtra News Updates : गणपत गायकवाड यांनी कळवा पोलीस स्टेशनच्या जेलमध्ये केला अन्नत्याग
Maharashtra News Updates : उल्हासनगर हिललाईन पोलीस ठाण्यात गोळीबार झाल्या प्रकरणी आमदार गणपत गायकवाड यांचा मुलगा वैभव गायकवाड या घटनेत नसतानाही त्याच्यावर गुन्हा दाखल केल्यामुळे अन्नत्याग केला असल्याची माहिती भाजपाच्या वरिष्ठ पदाधिकाऱ्यांनी कॅमेरासमोर न बोलण्याच्या अटीवर दिली आहे.
Maharashtra News : मीरा भाईंदर आणि वसई विरार वासियांसाठी खुशखबर; लवकरच वाहतूक कोंडीतून मिळणार दिलासा
Maharashtra News : मीरा भाईंदर आणि वसई विरार वासियांसाठी खुशखबर आहे. लवकरच वाहतूक कोंडीतून मोठा दिलासा त्यांना मिळणार आहे. याचं कारण भाईंदर ते वसई दीड तासाचा प्रवास आता दहा मिनिटाचा सुखकर होणार आहे. आपली वाहने बोटीतून टाकून पुढील प्रवास करू ते करु शकतात. खासदार राजन विचारे यांच्या प्रयत्नाने भाईंदर आणि वसई येथे तयार झालेल्या रो रो जेट्टीची पाहणी महाराष्ट्र सागरी मंडळाच्या अधिकाऱ्यांच्या समवेत नुकतीच करण्यात आली आहे. या जेट्टी रो-रो सेवेसाठी सज्ज आहेत. लवकरच ही सेवा सुरू करा असे पत्र महाराष्ट्र सागरी मंडळाच्या मुख्य कार्यकारी अधिकारी माणिक गुरसळ यांच्याकडे खासदार राजन विचारे यांनी केले आहे.
महत्त्वाच्या बातम्या
ट्रेंडिंग न्यूज
