Maharashtra Breaking News 18 August 2022 : हार्बर लाईनवरील लोकल सेवा पुन्हा सुरू
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
मुंबई : ब्रेकिंग न्यूज कधी पूर्वसूचना देऊन येत नाहीत.. हे खरं असलं तरी..पण आज दिवसभरात घडणाऱ्या काही पूर्वनियोजित घटना,कार्यक्रम असतातच.. त्याचाच दिवसभरात विस्तार होतो. त्या घटना-घडामोडींची पार्श्वभूमी-पूर्वपिठिका हाताशी असल्यावर या घटना-घडामोडी समजून घेणं सोपं होतं. आज दिवसभरातल्या कोणत्या महत्वाच्या बातम्यांवर आमचं लक्ष असेल किंवा महत्वाच्या घडामोडी आम्ही तुमच्यापर्यंत सविस्तर पोहोचवू याची ही थोडक्यात उजळणी... या नियोजित-घटना कार्यक्रमांसोबतच आयत्यावेळी येणाऱ्या घडामोडीही आम्ही तुमच्यापर्यंत पोहोचवू..
पावसाळी अधिवेशनाचा आज दुसरा दिवस
विरोधी पक्षाचा आज प्रस्ताव असणार आहे. त्यामुळे विरोधक शेतकऱ्यांचं झालेलं नुकसान, कायदा व सुव्यवस्था, शिंदे सरकारची स्थापना या मुद्यावर आक्रमक होतील. हीच आक्रमकता सभागृहाच्या बाहेरही पाहायला मिळेल. सकाळी दहाच्या आधी विरोधकांचं पाय-यांवर ही आंदोलन होणार आहे.
आज गोकुळाष्टमी अर्थात श्रीकृष्णाचा जन्मदिवस
आज गोकुळाष्टमी अर्थात श्रीकृष्णाचा जन्मदिवस. श्रीविष्णूंचा आठवा अवतार असलेल्या भगवान श्रीकृष्णाची जयंती जन्माष्टमी उत्सव म्हणून संपूर्ण भारतात मोठ्या उत्साहात साजरा केला जातो.
आज मुंबईतल्या पहिल्या एसी डबल डेकर बसचं लोकार्पण
बेस्टच्या पहिल्या डबलडेकर एसी बसचे लोकार्पण मुख्यमंत्री एकनाथ शिंदे, उपमुख्यमंत्री देवेंद्र फडणविस आणि केंद्रीय मंत्री नितीन गडकरी यांच्या उपस्थितीत होणार आहे.
राज्याचे माजी गृहमंत्री अनिल देशमुख यांची न्यायालयीन कोठडी आज संपणार
राज्याचे माजी गृहमंत्री अनिल देशमुख यांची न्यायालयीन कोठडी आज संपणार आहे. त्यावर मुंबई सत्र न्यायालयात सुनावणी होणार आहे.
आज जागतिक हेलियम दिवस'
18 ऑगस्ट हा 'जागतिक हेलियम दिवस' म्हणून साजरा केला जातो. 1868 मध्ये या दिवशी सूर्यावर हेलियम गॅस असल्याचे निरीक्षण केले गेले. ग्रीक देव 'हेलियस'च्या नावावरून हेलियम हे नाव पडले. सर जोसेफ नॉर्मन लॅकियर विजयदुर्ग किल्ल्यावरून सूर्यग्रहणाचे निरीक्षण करत होते. त्यामुळे हेलियमच्या शोधाचे श्रेय या जागेला जाते. नॉर्मन ज्या प्लॅटफॉर्मवरून दुर्बिणीतून सूर्याचे निरीक्षण करीत होते, तो आजही साहेबाचा कट्टा म्हणून ओळखला जातो.
भारत वि. झिम्बाब्वे पहिला क्रिकेट सामना
भारतीय क्रिकेट संघ झिम्बाब्वे दौऱ्यावर असून आजपासून या मालिकेला सुरुवात होणार आहे. केएल राहुलने दुखापतीनंतर भारतीय संघात पुनरागमन केलेय. झिम्बाब्वेविरोधात राहुल भारतीय संघाचं नेतृत्व करत आहे. राहुलने याआधी एका कसोटी आणि तीन एकदिवसीय सामन्यात टीम इंडियाची धुरा सांभाळली आहे. पण अद्याप राहुलच्या नेतृत्वात भारतीय संघाचा विजय झालेला नाही. राहुल कर्णधार म्हणून पहिल्या विजयाच्या प्रतिक्षेत आहे.
सासरच्या जाचाला कंटाळून विवाहितेची आत्महत्या आरसीएफ पोलिस ठाण्यात गुन्हा दाखल
मागासवर्गीय जातीची असल्यामुळे सासरच्यांकडून होणाऱ्या त्रासाला कंटाळून २० वर्षीय विवाहितेने गळफास लावून आत्महत्या केल्याची घटना चेंबूर येथे घडली. या प्रकरणी मृत विवाहितेच्या पालकांनी दिलेल्या तक्रारीवरून आरसीएफ पोलिस ठाण्यात मुलीच्या पतीसह सासरा, सासू व नणंदेविरोधात गुन्हा दाखल करण्यात आला आहे.
Maharashtra News : अविनाश साबळेच्या कुटुंबियांचा सन्मान
विमला आर पुण्याच्या महिला व बालविकास विभागाच्या नव्या आयुक्त
Pune News: महिला व बालविकास विभागाचे आयुक्त राहुल महिवाल यांची पीएमआरडीएला बदली करण्यात आली आहे. तर नागपूरच्या जिल्हाधिकारी विमला आर यांची महिला व बालविकास विभागाच्या आयुक्त म्हणून नेमणूक करण्यात आली आहे. नांदेडचे जिल्हाधिकारी विपीन इटनकर यांची नागपूरच्या जिल्हाधिकारी पदी नेमणूक करण्यात आली आहे. एमएमआरडीएचे सहआयुक्त राहुल कर्डिले यांची बदली वर्ध्याचे जिल्हाधिकारी म्हणून करण्यात आली आहे.
नितीन गडकरी यांची महानायक अमिताभ बच्चन यांच्या घरी सदिच्छा भेट
केंद्रीय मंत्री नितीन गडकरी यांनी आज बिग बी अमिताभ बच्चन यांची त्यांच्या घरी जाऊन भेट घेतली.
Palghar Accident : रानशेत वानगाव रोडवर साखरे घाटात बोईसर भुसावळ बस आणि ट्रकचा भीषण अपघात
Palghar Accident : रानशेत वानगाव रोडवर साखरे घाटात बोईसर भुसावळ बस आणि ट्रकचा भीषण अपघात झाला आहे. या अपघातात जवळपास 16 प्रवाशी जखमी झाल्याची माहिती समोर आली आहे. 11 जखमींना वानगाव आणि पाच जखमींना ऐना येथील शासकीय रुग्णालयात केलं दाखल करण्यात आले आहे. वानगाव पोलीस घटनास्थळी दाखल झाले आहेत.
महत्त्वाच्या बातम्या
ट्रेंडिंग न्यूज
