Maharashtra Breaking News 11 August 2022 : देश-विदेशसह राज्यभरातील महत्त्वाच्या बातम्या एका क्लिकवर
Maharashtra News LIVE Updates : दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये...
LIVE
Background
राष्ट्रीय-आंतरराष्ट्रीय तसेच स्थानिक पातळीवरील घडणाऱ्या सर्व घडामोडींची सर्वात पहिली बातमी 'एबीपी माझा' आपल्या प्रेक्षक-वाचकांना देण्याचा प्रयत्न करत आहे. त्यामध्ये आज राजकीय, सामाजिक, आर्थिक घडामोडींपासून ते खेळ आणि मनोरंजनाच्या बाबतीत अपडेट्स देण्याचा प्रयत्न असतो. आपल्या प्रेक्षक-वाचकांना अप-टू-डेट ठेवण्याचा एक भाग म्हणून आम्ही आज दिवसभरात काय-काय महत्त्वाच्या घडामोडी घडणार आहेत याची माहिती देत आहोत...
जगदीप धनखड उपराष्ट्रपतीपदाची शपथ घेणार
देशाचे 14 वे उपराष्ट्रपती म्हणून जगदीप धनखड हे शपथ घेणार आहेत. त्यांचा शपथविधीचा कार्यक्रम दुपारी 12.30 वाजता होणार असून राष्ट्रपती द्रौपदी मुर्मू त्यांना शपथ देतील.
अजित पवारांच्या उपस्थितीत विरोधकांची बैठक
विरोधी पक्षनेते अजित पवार यांच्या उपस्थितीत आज विरोधी पक्ष नेत्यांची बैठक आयोजित करण्यात आली आहे. कामकाज सल्लागार समितीची बैठक झाल्यानंतर विरोधी पक्ष नेत्यांची बैठक होणार आहे. राज्य विधीमंडळाचे अधिवेशन आणि विरोधकांची भूमिका या संदर्भात बैठकीत चर्चा होणार असल्याची माहिती आहे.
राष्ट्रवादीचे शिष्टमंडळ उद्धव ठाकरेंच्या भेटीला
राष्ट्रवादीचे शिष्टमंडळ आज रात्री 8 वाजता शिवसेना पक्षप्रमुख उद्धव ठाकरे यांना भेटणार आहे. यामध्ये विरोधी पक्ष नेते अजित पवार, राष्ट्रवादीचे प्रदेशाध्यक्ष जयंत पाटील, सुनील तटकरे आणि छगन भुजबळ असणार आहेत. सत्तांतरानंतर सदिच्छा भेट घेण्यासाठी जाणार असल्याची माहिती आहे.
आज रक्षाबंधन साजरा करण्यात येणार
देशभरात आज भाऊ आणि बहिणीच्या नात्याच्या रक्षाबंधनाचा सण साजरा करण्यात येणार आहे.
Bandra Firing : वांद्रे लिंकिंग रोड परिसरात गोळीबार
बांद्रा लिंकिंग रोड परिसरात गजीबो शॉपिंग सेंटरजवळ फायरिंग झाली आहे. अज्ञात तीन लोकांनी या ठिकाणी गोळीबार केला आहे. या घटनेत कोणीही जखमी किंवा जीवितहानी नाही. खार पोलीस आणि वरिष्ठ पोलीस अधिकारी घटनास्थळी पोहोचले आहेत ते तपास करत आहेत. लिंकिंग रोडवर असलेला गजीबो शॉपिंग सेंटरचा बाहेर असलेला फुटपाथवरील धंद्याच्या वादावरून आज दोन गटांमध्ये तीन राऊंड फायरिंग झाली आहे. गोळीबार केल्यानंतर त्या ठिकाणी आरोपीने चिठ्ठी ठेऊन पळून गेलेत. चिठ्ठीमध्ये लिहिलं आहे की, इथे धंदा लावला तर बघून घेणार. सध्या घटनास्थळावर खार पोलीस अधिकारी आणि डीसीपी मंजुनाशिंगे तसेच इतर वरिष्ठ अधिकारी पोहोचले आहेत.
सरसंघचालक मोहन भागवत यांनी घेतले संत गजानन महाराजांचे दर्शन
बुलढाणाः राष्ट्रीय स्वयंसेवक संघाचे सरसंघचालक मोहन भागवत यांनी आज शेगाव येथे भेट दिली. आधी संत गजानन महाराज मंदिरात त्यांनी दर्शन घेतलं व नंतर संत गजानन महाराज संस्थानचे दिवंगत कार्यकारी विश्वस्त शिवशंकर पाटील यांच्या निवासस्थानी ते सांत्वनपर भेट दिली. यावेळी जिल्हाभरातून पोलीस बंदोबस्त ठेवण्यात आला होता.
माजी आमदार बाबुराव पाचर्णे यांचे निधन
माजी आमदार बाबुराव पाचर्णे यांचे निधन झाले. पुणे जिल्ह्यातील एक अतिशय लोकप्रिय नेतृत्त्व काळाच्या पडद्याआड गेले. त्यांना भावपूर्ण श्रद्धांजली. पाचर्णे कुटुंबियांना हे दुःख सहन करण्याची शक्ती मिळो ही प्रार्थना, असं ट्वीट सुप्रिया सुळे यांनी केलं आहे.
माजी आमदार बाबुराव पाचर्णे यांचे निधन झाले. पुणे जिल्ह्यातील एक अतिशय लोकप्रिय नेतृत्त्व काळाच्या पडद्याआड गेले. त्यांना भावपूर्ण श्रद्धांजली. पाचर्णे कुटुंबियांना हे दुःख सहन करण्याची शक्ती मिळो ही प्रार्थना.
— Supriya Sule (@supriya_sule) August 11, 2022
राष्ट्रवादीचे अध्यक्ष शरद पवार यांनी पक्षातील प्रमुख नेत्यांची बैठक बोलावली
राष्ट्रवादीचे अध्यक्ष शरद पवार यांनी पक्षातील प्रमुख नेत्यांची बैठक बोलावली, दुपारी साडे चार वाजता शरद पवार यांच्या सिल्व्हर ओक निवासस्थानी बैठकीचं आयोजन
बैठकीला विरोधी पक्षनेते अजित पवार, प्रदेशाध्यक्ष जयंत पाटील, छगन भुजबळ, दिलीप वळसे पाटील आणि खासदार सुनील तटकरे उपस्थित राहणार
मातोश्रीवर काल राष्ट्रवादीच्या प्रमुख नेत्यांनी शिवसेना पक्ष प्रमुख उद्धव ठाकरे यांची भेट घेतल्यानंतर आज होणाऱ्या बैठकीला विशेष महत्त्व
आगामी स्थानीक स्वराज्य संस्थांच्या निवडणुका आणि महाविकास आघाडीचं भवितव्य याबाबत बैठकीत चर्चा होणार असल्याची सूत्रांची माहिती
जगदीप धनखड देशाचे नवे उपराष्ट्रपती, राष्ट्रपती भवनात घेतली शपथ
Jagdeep Dhankhar : जगदीप धनखड देशाचे नवे उपराष्ट्रपती, राष्ट्रपती द्रौपदी मुर्मू यांनी दिली शपथ
महत्त्वाच्या बातम्या
ट्रेंडिंग न्यूज
