पंतप्रधान मोदींकडून राज्याच्या नव्या मंत्रिमंडळाचं अभिनंदन, ट्वीट करत मराठीमध्ये दिल्या खास शुभेच्छा

maharashtra cabinet expansion PM Narendra Modi : शिंदे-फडणवीस सरकारला देशाचे पंतप्रधान नरेंद्र मोदी (PM Narendra Modi) यांनी शुभेच्छा दिल्या आहेत.

maharashtra cabinet expansion PM Narendra Modi

Maharashtra Cabinet Expansion : राज्याच्या मंत्रिमंडळाचा अखेर आज 40 व्या दिवशी विस्तार झाला आहे. 40 दिवसांपासून रखडलेला मंत्रिमंडळ विस्तार आज (9 ऑगस्ट) पार पडला. शिंदे-फडणवीस सरकारला देशाचे पंतप्रधान नरेंद्र मोदी (PM Narendra Modi) यांनी शुभेच्छा दिल्या आहेत. महाराष्ट्र सरकारमध्ये मंत्री म्हणून आज ज्यांनी शपथ घेतली त्या सर्वांचे अभिनंदन. प्रशासकीय अनुभव आणि सुशासनाने कारभार करण्याचा ध्यास असलेल्या व्यक्ती यांचा मिलाफ असलेली ही उत्तम टीम आहे. राज्याच्या जनतेची सेवा करण्यासाठी त्यांना माझ्याकडून शुभेच्छा, असं पंतप्रधान मोदींनी म्हटलं आहे. 

महाराष्ट्र सरकारमध्ये मंत्री म्हणून आज ज्यांनी शपथ घेतली त्या सर्वांचे अभिनंदन. प्रशासकीय अनुभव आणि सुशासनाने कारभार करण्याचा ध्यास असलेल्या व्यक्ती यांचा मिलाफ असलेली ही उत्तम टीम आहे. राज्याच्या जनतेची सेवा करण्यासाठी त्यांना माझ्याकडून शुभेच्छा.

— Narendra Modi (@narendramodi) August 9, 2022

18 आमदारांनी कॅबिनेट मंत्रिपदाची शपथ घेतली.

शिंदे गटाचे (Eknath Shinde) नऊ तर भाजपकडून (BJP) नऊ जणांचा शपथविधी पार पडला. या सर्व आमदारांनी कॅबिनेट मंत्रिपदाची शपथ घेतली. मुख्यमंत्री शिंदे आणि उपमुख्यमंत्री फडणवीस (Devendra Fadnavis) यांच्यासह एकूण 20 जणांचे हे मंत्रिमंडळ असणार आहे.  भाजपकडून पहिली शपथ काँग्रेसमधून भाजपवासी झालेले राधाकृष्ण विखे पाटील यांनी घेतली. त्यानंतर सुधीर मुनगंटीवार, चंद्रकांत पाटील, विजयकुमार गावित, गिरीश महाजन, शिंदे गटातील आमदार गुलाबराव पाटील, दादा भुसे, संजय राठोड, सुरेश खाडे, संदीपान भुमरे, उदय सामंत, तानाजी सावंत, रवींद्र चव्हाण, अब्दुल सत्तार, दीपक केसरकर, अतुल सावे, शंभूराज देसाई, मंगलप्रभात लोढा या क्रमाने 18 आमदार शपथबद्ध झाले. या शपथविधी सोहळ्याला राज्याचे विरोधी पक्षनेते अजित पवार, केंद्रीय रेल्वे राज्यमंत्री रावसाहेब दानवे, केंद्रीय मंत्री रामदास आठवले, केंद्राचे प्रतिनिधी म्हणून भाजपचे राष्ट्रीय महसचिव विनोद तावडे उपस्थित होते.

शिंदे फडणवीस मंत्रिमंडळाची 10 वैशिष्ट्ये

1-पहिल्या विस्तारात फडणवीस आणि शिंदे गटाच्या 9-9 आमदारांना मंत्रिपदाची शपथ

2- मंत्रिमंडळात एकाही महिलेला स्थान नाही

3- शिंदे गटातील आक्रमक चेहरा संजय शिरसाट यांचा पत्ता कट

4) मागे पडलेलं अब्दुल सत्तारांचं नाव ऐनवेळी आघाडीवर 

5) भाजपच्या आरोपामुळे मंत्रिपद गमावलेल्या संजय राठोडांना पुन्हा मंत्रिपदाचा मान

6)  तानाजी सावंत, दीपक केसरकर या सेनेच्या माजी मंत्र्यांना शिंदे मंत्रिमंडळात पुन्हा स्थान

7) शंभूराज देसाई, गुलाबराव पाटील, उदय सामंत, दादा भुसे, संदीपान भुमरे, अब्दुल सत्तार या विद्यमान मंत्र्यांना पुन्हा स्थान

8) भाजपच्या मंत्रिपदाच्या चेहऱ्यावर देवेंद्र फडणवीसांची छाप

9) काँग्रसमधून भाजपात आलेल्या राधाकृष्ण विखेंना मानाचं स्थान

10) भाजपकडून औरंगाबादचे आमदार अतुल सावे हा नवा चेहरा मंत्रिमंडळात

 

शिंदे गटातील मंत्री 

1. तानाजी सावंत (Tanaji Sawant)
2. उदय सामंत (Uday Samant)
3. संदीपान भुमरे (Sandipan Bhumre)
4. दादा भुसे (Dada Bhuse)
5. अब्दुल सत्तार (Abdul Sattar)
6. दीपक केसरकर (Deepak Kesarkar)
7. शंभूराज देसाई (Shambhuraj Desai)
8. संजय राठोड (Sanjay Rathod)
9. गुलाबराव पाटील (Gulabrao Patil)

भाजपकडून मंत्री

1. गिरीश महाजन (Girish Mahajan)
2. चंद्रकांत पाटील (Chandrakant Patil)
3. सुधीर मुनगंटीवार (Sudhir Mungantiwar)
4. सुरेश खाडे (Suresh Khade)
5. राधाकृष्ण विखे पाटील (Radhakrishna Vikhe Patil)
6. अतुल सावे (Atul Save)
7. रवींद्र चव्हाण (Ravindra Chavan)
8. विजयकुमार गावित (Vijaykumar Gavit)
9. मंगलप्रभात लोढा (Mangal Prabhat Lodha)

महत्त्वाच्या इतर बातम्या :