Maharashtra Breaking News LIVE: मोठी बातमी.. महाराष्ट्रात HMPV व्हायरसचा शिरकाव, नागपुरातील दोन लहान मुलांचा रिपोर्ट पॉझिटिव्ह
Maharashtra Breaking News Live Updates: महाराष्ट्र, देश तसेच जगभरातील महत्त्वाच्या घडामोडींचा आढावा एका क्लिकवर...
Background
Maharashtra Breaking News Live Updates: चीनमध्ये कोविड-19 साथीच्या आजारानंतर अवघ्या जगभरात पाच वर्षांनी एक नवीन आरोग्य संकट उद्भवले आहे. भारतातही या व्हायरसचे रुग्ण आढळल्याने महाराष्ट्राचा आरोग्य विभाग अलर्ट मोडवर आलं आहे. तर दुसरीकडे राज्यात काही भागत थंडीचे प्रमाण वाढतंय. बीडचे मस्साजोग येथील सरंपच संतोष देशमुख यांच्या हत्येप्रकरणी विरोधकांकडून मंत्री धनंजय मुंडे (Dhananjay Munde) यांच्या मंत्रिपदाच्या राजीनाम्याची मागणी करण्यात येत आहे. या प्रमुख घडामोडींसह राज्यातील इतरही महत्त्वाच्या घटनांचे अपडेट्स वाचा एका क्लिकवर...
संतोष देशमुख हत्या प्रकरणाचे राज्यात संतप्त पडसाद; लातूर-बार्शीत चक्का जाम
लातूर: मस्साजोग गावचे सरपंच संतोष देशमुख यांच्या हत्याप्रकरणावरुन राज्यभरातील वातावरण प्रचंड तापले आहे. या पार्श्वभूमीवर मंगळावीर लातूर जिल्ह्यातील रेणापूर येथे सकल मराठा समाजाकडून चक्काजाम आंदोलन करण्यात आले. त्यामुळे लातूर-परभणी रोडवरील वाहतूक खोळंबली आहे. त्यामुळे रेणापूर येथे महामार्गावर वाहनांच्या लांबच लांब रांगा लागल्या आहेत. याठिकाणी मराठा समाज चांगलाच आक्रमक झालेला पाहायला मिळाला. सध्या रेणापूरमध्ये चक्काजाम आंदोलनामुळे वाहतूक ठप्प झाली असून रस्त्याच्या दुतर्फा वाहनांच्या रांगा लागल्या आहेत. या चक्काजाम आंदोलनाच्या पार्श्वभूमीवर रेणापूरमध्ये तगडा पोलीस बंदोबस्त तैनात करण्यात आला आहे.
अद्याप मंत्री धनंजय मुंडेंनी स्वत:हून राजीनामा द्यायला हवा होता;सरपंच परिषदेची मागणी
Santosh Deshmukh Case : मस्साजोग प्रकरणाचे पडसाद राज्याच्या कानाकोपर्यात उमटत असताना या घटनेमुळे सर्व सरपंचांमध्ये असंतोषाचं वातावरण आहे. हे जर असचं सुरू राहिलं तर दोन जातींमध्ये तेढ निर्माण होण्यासही वेळ लागणार नाही. या घटनेतील आरोपींना फाशीची शिक्षा झालीच पाहिजे. तर मंत्री धनंजय मुंडे यांनी राजीनामा आतापर्यंत स्व: इच्छेने द्यायला हवा होता. अजित दादा हे का तो ठेवून घेतलाय माहित नाही. अशी प्रतिक्रिया सरपंच परिषदचे प्रदेशाध्यक्ष दत्ता काकडे यांनी दिली.
महत्त्वाच्या बातम्या
