Maharashtra News Live Updates : धक्कादायक! मुंबईच्या छत्रपती शिवाजी महाराज टर्मिनल परिसरात 29 वर्षीय महिलेवर बलात्कार
Maharashtra News Live Updates: राज्यासह देश-विदेशातील महत्त्वाच्या घडामोडी फक्त एका क्लिकवर...
LIVE
Background
मुंबई : राज्यात कोणत्याही क्षणी विधानसभा निवडणुकीची घोषणा होऊ शकते. हीच बाब लक्षात घेऊन राज्य सरकारकडून अनेक महत्त्वाचे निर्णय घेतले जात आहे. दुसरीकडे महाविकास आघाडीकडून सत्ताधारी महायुतीवर सडकून टीका केली जात आहे. केंद्र सरकारने मराठी या भाषेला अभिजात भाषेचा दर्जा दिला आहे. या निर्णयानंतर सत्ताधारी पक्षांकडून केंद्राचे आभार मानले जात आहेत. तर विरोधकांकडून राज्यातील इतरही समस्यांकडे सरकारचे लक्ष वेधले जात आहे. आज पंतप्रधान नरेंद्र मोदी हे यवतमाळच्या दौऱ्यावर असतील. परिणामी आज राज्यात अनेक घडामोडी घडण्याची शक्यता आहे. याच पार्श्वभूमीवर देश, राज्य तसेच जगभरातील महत्त्वाच्या घडामोडींचे अपडेट्स वाचा एका क्लिकवर...
आरक्षणाची मर्यादा 75% करावी, या शरद पवार साहेबांच्या मागणीचे समर्थन करतो - विनोद पाटील
आरक्षणाची मर्यादा 75% करावी, या शरद पवार साहेबांच्या मागणीचे समर्थन करतो. - विनोद पाटील.
राज्यभरातील मराठा बांधवांना सरसकट ओबीसी प्रवर्गातून आरक्षण मिळेल अशी माझ्यासारख्या प्रत्येक बांधवाची अपेक्षा होती किंबहुना आजही आहेच. याकरिता वर्षभरापासून आंदोलन सुरू आहे, यावर शासनाच्या वतीने सातत्याने विविध घोषणा झाल्या मात्र प्रत्यक्षात अंमलबजावणी झाली नाही.
आज राष्ट्रवादी कॉंग्रेसचे अध्यक्ष शरदचंद्र पवार साहेब यांनी मागणी केली की, मराठा व अन्य समाजघटकांना यात समाविष्ट करून घेण्यासाठी आरक्षणाची मर्यादा 50% हुन 75% पर्यंत करण्यात यावी.
सर्वप्रथम मी त्यांच्या या भूमिकेचे स्वागत करतो व सांगू इच्छितो की, याचिकाकर्ता म्हणून मी समाजाची बाजू मांडत असताना सर्वोच्च न्यायालयात सुद्धा ही मागणी केली होती. न्यायालयाच्या निदर्शनास आणून दिले होते की, 50% आरक्षणाची मर्यादा ही कालबाह्य झाली असून यात वाढ करावी.
यात केवळ मराठाच नव्हे तर धनगर, मुस्लिम व अन्य वंचित समाजाला त्यांचा हक्क व न्याय मिळेल. मी सर्वच पक्षातील नेत्यांना विनंती करतो की, आपसातील हेवेदावे बाजूला ठेवून आरक्षण मर्यादा वाढीसाठी एकत्रित यावे व आम्हाला न्याय द्यावा.
धक्कादायक! मुंबईच्या छत्रपती शिवाजी महाराज टर्मिनल परिसरात 29 वर्षीय महिलेवर बलात्कार
मुंबईच्या छत्रपती शिवाजी महाराज टर्मिनल परिसरात २९ वर्षीय महिलेवर बलात्कार केल्याची धक्कादायक घटना समोर
पीडीत महिला CSMT स्थानकाबाहेर २२ सप्टेंबरच्या रात्री एकटीच असताना
दोन अज्ञात व्यक्ती तिथे आले. यातील एकाने महिला आरडा ओरड करेल या अनुशंगाने तिचे तोंड धरले
CSMT स्थानकाबाहेरील टॅक्सी स्टॅडच्या पाठीमागे दोघांनी आळीपाळीने महिलेला धमकावून तिच्यावर बलात्कार केल्याचे महिलेने तक्रारीत म्हटले आहे
या प्रकरणी महिलेने दिलेल्या तक्रारीनुसार प्रथम CSMT लोहमार्ग पोलिस ठाण्यात गुन्हा दाखल केला
हाच गुन्हा आता पुढील तपासासाठी मुंंबई पोलिसांच्या माता रमाबाई मार्ग पोलिस ठाण्यांकडे वर्ग करण्यात आला आहे.
राज्यपाल नियुक्त 12 आमदारांच्या नावांचा प्रस्ताव आजच्या मंत्रिमंडळ बैठकीत येण्याची शक्यता
राज्यपाल नियुक्त १२ आमदारांच्या नावांचा प्रस्ताव आजच्या मंत्रिमंडळ बैठकीत येण्याची शक्यता
आचारसंहिता लागण्यापूर्वी राज्यपाल नियुक्त आमदार विधानपरिषदेवर पाठवण्याची महायुतीची लगबग
आमदार नियुक्त करताना विधानसभा निवडणुकीचे राजकीय गणित बिघडू नये याचीही घेतली जातेय काळजी
भाजप ६,शिंदे गट ३ आणि अजित पवार गट ३ असा फॉर्म्यूला ठरलेला आहे
काय आहे निकष?
महायुतीमध्ये जिथं सध्याच्या आमदारांविरोधात बंड होण्याची शक्यता आहे आणि त्याचा फायदा मविआच्या उमेदवाराला होऊ शकतो. त्याठिकाणी बंडखोरी टाळण्यासाठी संबंधित नेत्याला विधानपरिषदेवर संधी देण्याचा विचार
मराठी भाषेला अभिजात भाषेचा दर्जा मिळाल्याबद्दल शिंदेंच्या शिवसेनेकडून जल्लोष केला जाणार
- मराठी भाषेला अभिजात भाषेचा दर्जा मिळाल्याबद्दल शिंदेंच्या शिवसेनेकडून जल्लोष केला जाणार
- नाशिकच्या कुसुमाग्रज स्मारकात शिंदेंच्या शिवसेनेचा जल्लोष होणार
- ढोल ताशाचा गजर आणि फटाक्यांची आतषबाजी आणि पेढे भरवीत शिंदेंच्या शिवसेनेचा जल्लोष
- अनेक वर्षांपासून प्रलंबित असलेली मागणी पूर्ण झाल्याबद्दल केंद्र आणि राज्य सरकारचे मानले आशीर्वाद
भांडवली बाजारात घसरणीचा सिलसिला सुरुच, सेन्सेक्समध्ये २५२ अंकांनी घसरण, तर निफ्टी ६८ अंकांनी खाली
आज पुन्हा भांडवली बाजारात घसरणीचा सिलसिला सुरुच
सेन्सेक्समध्ये सुरुवातीलाच २५२ अंकांनी घसरण, तर निफ्टी ६८ अंकांनी खाली
जागतिक बाजारातील पडझडीचे भारतीय भांडवली बाजारावर परिणाम
कच्च्या तेलाच्या किंमती ७८ डाॅलर प्रति बॅरलपर्यंत पोहोचल्या
पेट्रोलियम कंपन्या आणि पेंट कंपन्यांच्या समभागात घसरण
महत्त्वाच्या बातम्या
ट्रेंडिंग न्यूज
