![metaverse](https://cdn.abplive.com/imagebank/metaverse-top.png)
Exclusive: शिंदे गटाचे फायरब्रॅन्ड नेते शहाजीबापू आता नवीन रूपात येणार समोर , आठ दिवसात केले नऊ किलो वजन कमी
Shahaji Bapu Patil : नव्या दमाने आलेला हा वाघ कोणाकोणाला आपल्या काटेरी भाषणाने घायाळ करणार हे आता त्यांच्या भाषणातून दिसणार आहे .
![Exclusive: शिंदे गटाचे फायरब्रॅन्ड नेते शहाजीबापू आता नवीन रूपात येणार समोर , आठ दिवसात केले नऊ किलो वजन कमी Exclusive Shinde Gat firebrand leader Shahaji Bapu Patil will now appear in a new form lost nine kg in eight days Exclusive: शिंदे गटाचे फायरब्रॅन्ड नेते शहाजीबापू आता नवीन रूपात येणार समोर , आठ दिवसात केले नऊ किलो वजन कमी](https://feeds.abplive.com/onecms/images/uploaded-images/2023/01/02/4683853716a93ef58b9628eefb32649d167264227067489_original.jpeg?impolicy=abp_cdn&imwidth=1200&height=675)
पंढरपूर: मुख्यमंत्री एकनाथ शिंदे गटाचे फायरब्रॅन्ड नेते म्हणून ओळख असणारे शहाजीबापू पाटील (ShahajiBapu Patil) आता नवीन रूपात समोर येणार आहे. बंगळूरू येथे हॅपिनेस कार्यक्रमातील पंचकर्म उपचार घेतल्यानंतर आता नऊ किलो वजन कमी करून पुन्हा नव्या जोमाने महाराष्ट्राच्या समोर येत आहेत. नागपूर येथील हिवाळी अधिवेशनासाठी गेलेले बापू पहिल्या दोन दिवसानंतर गायब झाले होते. अगदी त्यांच्या सांगोल्यात येऊन शिवसेना उपनेत्या सुषमा अंधारे यांनी त्यांचेवर टीकेची तोफ डागल्यावरही बापूंकडून कोणतीच प्रतिक्रिया आलेली नव्हती. आता याचे गुपित समोर आले असून 24 डिसेंबर रोजी शहाजीबापू त्यांचे मित्र महेश पाटील यांच्यासोबत बंगळूरू येथील श्री श्री रविशंकर यांच्या आश्रमात पंचकर्म आणि सुदर्शन क्रिया करण्यासाठी दाखल झाले होते.
वाघासारख्या डरकाळ्या फोडणाऱ्या बापूंचा आवाज त्यामुळे गेले आठ दिवस शांत झाला होते. आता पुन्हा एकदा बापू नव्या दमाने महाराष्ट्रासमोर येताना शाररिकदृष्ट्या अधिक तंदुरुस्त होऊन समोर येत आहेत. बंगळूरू येथील आश्रमात 24 डिसेंबरपासून बापूंचा हा आयुर्वेदिक कार्यक्रम सुरु झाला होता. पहाटे पाच वाजता उठून रोज दोन तास योगासने करायची , यानंतर उकडलेल्या पालेभाज्या , कडधान्ये याचा नाश्ता करून दुपारी बौद्धिक ऐकायचे आणि ध्यान धारण करायचे. वाफेवर उकडलेल्या पालेभाज्या आणि चपातीचे पौष्टिक आणि शुद्ध शाकाहारी भोजन करायचे. दुपारी सुदर्शन प्रक्रिया आणि व्यायाम करायचा, संध्याकाळी मेडिटेशन अशा भरगच्चं दिनक्रमात बापू मग्न होते.
नवीन वर्षाच्या पहिल्या दिवशी शहाजीबापूंचा सायंकाळी हा कोर्स पूर्ण झाला. आज बापू बंगळूरू येथून पुन्हा सांगोल्याकडे परता जाण्यासाठी निघाले आहेत. या आठ दिवसाच्या कार्यक्रमामुळे तब्बल नऊ किलो वजन कमी झाले आहे. आता खूपच हलके वाटत असल्याचे शहाजीबापू सांगतात. रोज मटणाची हाडे मोडणारे बापू वाफेवर उकडलेले खाऊन वाघाची शेळी बनले की पुन्हा नव्या दमात त्याच जोमाने बापू राज्यभर सभा गाजवत फिरणार हे येणारा काळच दाखवून देणार आहे. तरी बापूंना होत असलेल्या शाररिक व्याधीतून पूर्ण मुक्तता मिळाल्याचे बापू सांगत आहेत. आता नव्या दमाने आलेला हा वाघ कोणाकोणाला आपल्या काटेरी भाषणाने घायाळ करणार हे आता त्यांच्या भाषणातून दिसणार आहे.
सांगोला तालुक्याचे बंडखोर आमदार शहाजीबापू पाटील (Shahaji Patil) यांची एक ऑडिओ क्लिप व्हायरल झाली होती. याची सध्या सोशल मीडियात चांगलीच चर्चा होत आहे. 'काय झाडी, काय डोंगार, काय हॉटेल... ओकेमध्ये हाय...', अशी ऑडीओ क्लिप प्रचंड व्हायरल झाली. शहाजी पाटील यांनी एकनाथ शिंदेंच्या बंडाला साथ देत आधी सुरत आणि त्यानंतर गुवाहटी गाठली. त्यानंतर काळजीपोटी एका कार्यकर्त्यानं शहाजी पाटील यांना फोन लावला आणि शहाजीबापूंनी गुवाहटीचं जे वर्णन केलं ते चांगलचं व्हायरलं झालं होते.
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)