जयंत पाटील भाजपमध्ये प्रवेश करणार का? मुख्यमंत्री देवेंद्र फडणवीसांचं मोठं वक्तव्य, म्हणाले...

गेल्या काही दिवसापासून राष्ट्रवादी काँग्रेस शरद पवार गटाचे नेते आणि माजी मंत्री जंयत पाटील (Jayant Patil) हे भाजपमध्ये (BJP) प्रवेश करणार असल्याची चर्चा राजकीय वर्तुळात रंगत आहे.

Devendra Fadnavis

Source : Getty Images

Devendra Fadnavis : गेल्या काही दिवसापासून राष्ट्रवादी काँग्रेस शरद पवार गटाचे नेते आणि माजी मंत्री जंयत पाटील (Jayant Patil) हे भाजपमध्ये (BJP) प्रवेश करणार असल्याची चर्चा राजकीय वर्तुळात रंगत आहे. याबाबत राज्याचे मुख्यमंत्री देवेंद्र फडणवीस (Devendra Fadnavis) यांनी उरुण ईश्वरपूरमध्ये आज मोठं वक्तव्य केलं आहे. माझ्या मंत्रिमंडळात आता कोणतीही जागा नाही. माझं मंत्रिमंडळ आता पूर्ण भरलेले आहे, असे वक्तव्य करत देवेंद्र फडणवीस यांनी जयंत पाटील यांच्या भाजप प्रवेशाच्या तथाकथित चर्चेवर मत व्यक्त केलं.

नेमकं काय म्हणाले देवेंद्र फडणवीस?

माझ्या मंत्रिमंडळात आता कोणतीही जागा नाही. माझं मंत्रिमंडळ आता पूर्ण भरलेले आहे असं वक्तव्य मुख्यमंत्री देवेंद्र फडणवीस यांनी केलं आहे. जंयत पाटील (Jayant Patil) हे भाजपमध्ये (BJP) प्रवेश करणार असल्याची चर्चा सुरु असल्याच्या पार्श्वभूमीवर मुख्यमंत्री देवेंद्र फडणवीसांनी प्रतिक्रिया दिली. 
आता  कोणत्याही आमदारांनी मंत्रिपदाची मागणी करू नका. बाहेरच्याला मंत्रीपद तर  विषयय नाही असेही देवेंद्र फडणवीस म्हणाले. 

. माझ्याकडे विकासाचा कार्यक्रम आहे, जे केलं आहे ते सांगतो

नगरपंचायत आणि नगरपरिषदांच्या निवडणुका सुरु आहेत. यानिमित्ताने मी महाराष्ट्रभर प्रचारासाठी फिरत आहे. रोज सहा ते सात शहरांमध्ये मी जात आहे. पण मी कोणत्याही शहरात गेल्यावर कोणावरही टीका करत नाही. कोणत्या पक्षावरही बोलत नाही. कारण मला ते करण्याची आवश्यकता नाही. माझ्याकडे विकासाचा कार्यक्रम आहे तो सांगतो. जे केलं आहे ते सांगतो. जे करणार आहे ते सांगतो असेही देवेंद्र फडणवीस म्हणाले. त्यामुळं टीका टिपण्णी करु मते मिळवायची आवश्यकता नाहीत. मी फक्त कोणाच्या मनात कन्फ्युजन नको म्हणून एकच गोष्ट सांगतो की, माझ्या मंत्रीमंडळात एकही जागा शिल्लक नाही. पूर्ण मंत्रीमंडळ माझं भरलेलं आहे. त्यामुळं आता नव्याने काही मागणी करु नका. तुमच्यापैकी बसलेल्या कोणत्याही आमदाराला मी मंत्री बनवणार नाही. बाहेरचा तर विषयच नाही. सध्या कोणतीही मंत्रीमंडळात जागा नसल्यामुळं तुम्ही कोणतीही चिंता करु नका असे फडणवीस म्हणाले. दरम्यान, मुख्यमंत्री देवेंद्र फडणवीस यांनी आज उरुण ईश्वरपूरमध्ये केलेल्या वक्तव्यामुळं तुर्तास तरी जयंत पाटील यांच्या भाजप प्रवेशाच्या चर्चांना पूर्णविराम मिळाल्याचे बोलले जात आहे.

महत्वाच्या बातम्या: