![ABP Premium](https://cdn.abplive.com/imagebank/Premium-ad-Icon.png)
धनंजय मुंडे यांच्या झालेल्या बदनामीचा वाली कोण?; अजित पवारांचा सवाल
बहुजन समाजतून पुढे आलेला एक सहकारी, तो बदनाम होतो ही बाब त्यांनी अतिशय नाराजीच्या सूरात सर्वांसमक्ष मांडले
![धनंजय मुंडे यांच्या झालेल्या बदनामीचा वाली कोण?; अजित पवारांचा सवाल ajit pawr Deputy CM slams all who allegedly dhananjay munde maharashta minister for rape case and demanded his resignation धनंजय मुंडे यांच्या झालेल्या बदनामीचा वाली कोण?; अजित पवारांचा सवाल](https://static.abplive.com/wp-content/uploads/sites/4/2021/01/22203300/ajit-pawar-dhananjay-mundhe.jpg?impolicy=abp_cdn&imwidth=1200&height=675)
पुणे : राज्याचे उपमुख्यमंत्री अजित पवार यांनी पुन्हा एकदा त्यांच्या वक्तव्यानं सर्वांच्या नजरा आपल्याकडे वळवल्या. संत तुकाराम आणि संत ज्ञानेश्वर महाराज पालखी मार्गांसंदर्भातील बैठकीला उपस्थिती लावल्यानंतर त्यांनी माध्यमांशी संवाद साधला. यावेळी त्यांनी राज्यातील सध्याच्या घडामोडींवर प्रतिक्रिया दिल्याचं पाहायला मिळालं. पवारांच्या या वक्तव्यात विशेष अधोरेखित मुद्दा ठरला तो म्हणजे धनंजय मुंडे यांच्यावर करण्यात आलेल्या बलात्काराच्या आरोपांचा.
सदर प्रकरणी धनंजय मुंडे यांना मोठा दिलासा मिळाला आहे. मुळातच आरोप करणाऱ्या महिलेनंच तक्रार मागे घेतल्यामुळं आता मुंडेंवर निशाणा साधणारे पेचात पडले आहेत. त्याचबाबत प्रतिक्रिया देत अजित पवार म्हणाले, 'एखादी राजकीय व्यक्ती काम करते, या क्षेत्रात त्यांना प्रचंड काम करावं लागतं, कष्ट घ्यावे लागतात, पण असं जेवढं घडतं तेव्हा त्यांना एक क्षणात पायउतार व्हावं लागतं, याचा सगळ्यांनी गांभीर्याने विचार करायला पाहिजे'. बहुजन समाजतून पुढे आलेला एक सहकारी, तो बदनाम होतो ही बाब त्यांनी अतिशय नाराजीच्या सूरात सर्वांसमक्ष मांडत काही प्रश्न विरोधकांना आणि मुंडेंवर प्रश्न उपस्थित करणाऱ्यांनाच उद्देशून विचारले.
Dhananjay Munde | धनंजय मुंडे यांच्याविरोधातील बलात्काराची तक्रार मागे
.... याचा वाली कोण?
राजकीय क्षेत्रात कारकिर्द असणाऱ्या व्यक्तीबाबत जेव्हा असा एखादा गंभीर आरोप करण्यात येतो, तेव्हा त्याव्यक्तीकडे पाहण्याचा दृष्टीकोन बदलतो, विरोधकांत्या हाती हा मुद्दाच मिळतो, महिला संघटना त्यांच्याविरोधात आंदोलन करण्यास सुरुवाता करतात, त्यांच्या राजीनाम्याची मागणीही होते. हे सर्व पाहता आता धनंजय मुंडेंबाबत कोणतीही माहिती न घेता ज्यांनी वक्तव्य केलं त्याला जबाबदार कोण, त्याला कोण उत्तर देणार, एक तरुण नेतृत्त्व म्हणून धनंजय मुंडे यांनी संधीचं सोनं केलं, त्यांनी कॅबिनेट मंत्री पंकजा मुंडेंचा पराभव केला, ते त्यांचं काम करतच होते पण, मागील पाच ते सात दिवस त्यांचं कुटुंब आणि ते मानसिकदृष्ट्या खचले होते याला कोणी वाली आहे का? असे कैक प्रश्न अजित पवार यांनी उपस्थित केले.
भाजपचे आमदार राष्ट्रवादीत?
मागील बऱ्याच दिवसांपासून भाजपचे 19 नगरसेवक राष्ट्रादीत येणार असल्याच्या चर्चा होत्या. यासंदर्भातील प्रश्न विचारला असता, आता महाराष्ट्रात वारं बदललंय अशआ शब्दांत त्यांनी या प्रश्नाचं उत्तर दिलं. पुणे महापालिकेतील भाजपचे 19 नगरसेवक राष्ट्रवादीच्या वाटेवर असल्याचं म्हटलं गेलं, त्यांच्या या निर्णयाबाबत प्रतिक्रिया देत मागे, आमच्या पक्षातील काहींनीही भाजपात उड्या मारल्या, या अशा नेत्यांना पक्षनिष्ठा वगैरे नसते असा सणसणीत टोला लगावला.
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)