![ABP Premium](https://cdn.abplive.com/imagebank/Premium-ad-Icon.png)
Neral-Matheran Mini Train : तीन वर्षानंतर नेरळ-माथेरान मिनी ट्रेन धावणार, आज सकाळी आठ वाजून 50 मिनिटांनी पहिली ट्रेन सुटणार
Neral-Matheran Mini Train : आजपासून नेरळ ते माथेरान अशी मिनी ट्रेनची (Neral-Matheran Mini Train) सेवा सुरु होणार आहे.
![Neral-Matheran Mini Train : तीन वर्षानंतर नेरळ-माथेरान मिनी ट्रेन धावणार, आज सकाळी आठ वाजून 50 मिनिटांनी पहिली ट्रेन सुटणार After 3 years, mini train services on Neral–Matheran line to resume from today 22 october 2022 Neral-Matheran Mini Train : तीन वर्षानंतर नेरळ-माथेरान मिनी ट्रेन धावणार, आज सकाळी आठ वाजून 50 मिनिटांनी पहिली ट्रेन सुटणार](https://feeds.abplive.com/onecms/images/uploaded-images/2022/10/22/67bf700ae6ca823e243bc33ba3da272b1666402194434339_original.jpg?impolicy=abp_cdn&imwidth=1200&height=675)
Neral-Matheran Mini Train : आजपासून (22 ऑक्टोबर) नेरळ ते माथेरान अशी मिनी ट्रेनची (Neral-Matheran Mini Train) सेवा सुरु होणार आहे. तब्बल तीन वर्षानंतर नेरळ-माथेरान मिनी ट्रेन धावणार आहे. आज सकाळी आठ वाजून 50 मिनिटांनी पहिली ट्रेन नेरळ स्थानकातून सुटणार आहे. सध्या नेरळ ते माथेरान दोन आणि माथेरान ते नेरळ दोन अश्या चार फेऱ्या दिवसभरात चालणार आहेत. सर्व चाचण्या यशस्वी झाल्यानंतर तीन वर्षानंतर या मार्गावर आज मिनी ट्रेन धावणार आहे.
माथेरान ते नेरळ ही मिनी ट्रेन सेवा नोव्हेंबरपर्यंत रुळावर येण्याची शक्यता वर्तवण्यात आली होती. अखेर ऑक्टोबरमध्येच ही सेवा सुरु करण्यात आली आहे. 2019 मध्ये माथेरानमध्ये झालेल्या अतिवृष्टीमुळं नेरळ ते माथेरान दरम्यानच्या डोंगर भागातील रेल्वे रुळांचं मोठं नुकसान झालं होतं. त्यामुळं गेल्या तीन वर्षांपासून नेरळ-माथेरान मार्ग बंद होता. तर अमन लॉज ते बाजारपेठ मार्गावर शटल रेल्वे सुरु होती. गेल्या अनेक दिवसापासून रुळ बदलण्याचं काम सुरु होतं. अखेर हे सर्व काम आता पूर्ण झालं आहे.
ऑगस्ट 2019 पासून नेरळ माथेरान मिनी ट्रेन बंद होती
आजपासून (22 ऑक्टोबर) नेरळ ते माथेरान अशी मिनी ट्रेनची सेवा सुरु होणार आहे. ऑगस्ट 2019 पासून नेरळ माथेरान मिनी ट्रेन बंद होती. प्रचंड पावसामुळं घाटातील ट्रॅक पूर्णतः वाहून गेले होते. जमीन उरली नव्हती, त्यामुळं संपूर्ण मार्ग पुन्हा नव्यानं बांधावा लागला. अखेर ही सेवा सुरु होत आहे. बंद असलेल्या मिनी ट्रेनमुळे पर्यंटकांचा हिरमोड होत होता. तर स्थानिकांनाही नेरळ ते माथेरान जाण्यासाठी अमन लॉजपर्यंत टॅक्सी आणि नंतर पायपीट करावी लागत होती. अखेर नोव्हेंबर 2020 पासून माथेरान ते अमन लॉज शटल सेवाच सुरु केली. मात्र नेरळ ते माथेरान अशी संपूर्ण मिनी ट्रेन सेवा बंदच ठेवण्यात आली होती. या मार्गावर रुळ, रुळालगतचे क्रॅश बॅरियरसह अनेक उपाययोजनाही करण्यात आल्या. ही कामे पूर्ण होताच नेरळ ते माथेरान मिनी ट्रेनची चाचणी केल्यानंतर आजपासून सेवा सुरु करण्याचा निर्णय घेण्यात आला आहे.
कशा असेल मिनी ट्रेनची सेवा
1) नेरळहून सकाळी 8 वाजून 50 मिनीटांनी मिनी ट्रेन सुटून माथेरानला सकाळी 11.30 वाजता पोहोचेल
2) नेरळहून दुपारी 2.20 वाजता मिनी ट्रेन सुटेल आणि माथेरानला सायंकाळी पाच वाजता पोहोचेल.
3) माथेरानमधून दुपारी पावणे तीन वाजता मिनी ट्रेन सुटेल आणि नेरळला सायंकाळी 5.30 वाजता पोहोचेल.
4) माथेरानहून सायंकाळी 4.20 वाजता मिनी ट्रेन सुटून नेरळला सायंकाळी 7 वाजता गाडी पोहोचणार आहे.
महत्त्वाच्या बातम्या:
Pune Railway : दिवाळीसाठी वैदर्भीयांचा मार्ग मोकळा; बंद असलेल्या रेल्वे 19 पासून सुरू होणार, दिवाळी विशेष गाडीही सुरु
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)