Crime : आंतरजातीय प्रेमविवाह, मुलीच्या बापाचा जावयाच्या अंगावर टेम्पो घालून ठार मारण्याचा प्रयत्न

Kolhapur Crime : मुलीने प्रेमविवाह केल्याने भयकंर रागात असलेल्या बापाने जावयाच्या अंगावर टेम्पो घालून ठार मारण्याचा प्रयत्न केल्याची धक्कादायक घटना कोल्हापूर जिल्ह्यातील राधागरी तालुक्यात घडली.

kolhapur crime

Source : ABP Live

Kolhapur Crime : मुलीने प्रेमविवाह केल्याने भयकंर रागात असलेल्या बापाने जावयाच्या अंगावर टेम्पो घालून ठार मारण्याचा प्रयत्न केल्याची धक्कादायक घटना कोल्हापूर जिल्ह्यातील राधागरी तालुक्यात घडली. राशिवडे बुद्रूकमधील  प्रतीक तानाजी लुगडे असे जखमी जावयाचे नाव आहे. या घटनेत त्याचा मित्र संतोष तानाजी पवारही जखमी झाला. याप्रकरणी विजय मधुकर आजमाने (वय 50 रा. राशिवडे बुद्रुक) विरोधात गुन्हा दाखल करण्यात आला आहे. संशयित विजयच्या मुलीने गावातील प्रतीक लुगडे या मुलाशी 2021 मध्ये प्रेमविवाह केला होता. याला मुलीच्या वडिलांचा विरोध होता. त्यामुळे यापूर्वीही 9 जानेवारी 2023 मध्ये जावयाच्य अंगावर वाहन घालण्याचा प्रयत्न केला होता. 

मंगळवारी प्रतीक व त्याचा मित्र संतोष हे दुचाकीवरून खत घेऊन शेताकडे चालले होते. यावेळी संशयित विजय आजमाने यांनी भरधाव टेम्पोची प्रतीक लुगडेच्या दुचाकीला समोरून धडक दिली. यामध्ये प्रतीक व त्याचा मित्र संतोष जखमी झाले. याप्रकरणी जखमी प्रतीकची आई सुधा यांनी राधानगरी पोलिसात फिर्याद दाखल केली आहे.

गॉगल परत मागितल्याच्या कारणावरून विळ्याने सपासप वार

दुसरीकडे, घेतलेला गॉगल परत मागितल्याच्या कारणावरून विळ्याने सपासप वार करून एकास गंभीर जखमी केल्याची घटना पन्हाळा तालुक्यातील कोतोली-कोलोलीत घडली. जखमी अमोल रामराव पाटीलने संशयित उमेश श्रीपती सावंत विरुद्ध पन्हाळा पोलिसात फिर्याद दिली. पोलिसांनी उमेश सावंतवर गुन्हा दाखल केला आहे. पन्हाळा पोलिस व घटनास्थळावर मिळालेल्या माहितीनुसार, ही घटना बुधवारी दुपारी बाराच्या सुमारास कोतोली ते नांदारी रोडवर पाटील बेकरीसमोर घडली. अमोलने उमेशला गॉगल दिला होता. गॉगल परत मागितला असता, दोघांमध्ये शिवीगाळ झाली. त्यानंतर मारण्याची धमकी देत उमेशने मोटरसायकलला अडकलेल्या पिशवीतून विळा काढून अमोलच्या कानामागे, हातावर, मानेवर व पाठीवर सपासप वर करून गंभीर जखमी केले.

इतर महत्वाच्या बातम्या