Justice Bhushan Gavai: महाराष्ट्राचे सुपुत्र न्या. भूषण गवई यांची सरन्यायाधीश पदावर नियुक्ती; 14 मे रोजी घेणार शपथ

Justice BR Gavai: महाराष्ट्राचे सुपुत्र भूषण गवई यांची भारताचे 52 वे सरन्यायाधीश म्हणून नियुक्ती करण्यात आली आहे.

Justice Bhushan Gavai

Source : ABP

Justice BR Gavai: राष्ट्रपती द्रौपदी मुर्मू यांनी दिली पुढील मुख्य न्यायमूर्तीसाठी भूषण गवई (Justice Bhushan Gavai) यांच्या नावाला परवानगी दिली आहे. महाराष्ट्राचे सुपुत्र भूषण गवई यांची भारताचे 52 वे सरन्यायाधीश म्हणून नियुक्ती करण्यात आली आहे. भूषण गवई हे 14 मे रोजी देशाचे पुढील न्यायमूर्ती म्हणून शपथ घेतली. विद्यामान सरन्यायाधीश न्यायमूर्ती संजीव खन्ना 13 मे रोजी निवृत्त होणार आहे. 

न्यायाधीश भूषण गवई यांची कारकीर्द-

न्यायमूर्ती भूषण गवई यांचा जन्म 24 नोव्हेंबर 1960 रोजी महाराष्ट्रातील अमरावती येथे झाला. भूषण गवई यांनी 16 मार्च 1985 रोजी वकिली सुरू केली. 1990 नंतर मुंबई उच्च न्यायालयाच्या नागपूर खंडपीठासमोर भूषण गवई यांनी वकिली केली. 12 नोव्हेंबर 2005 रोजी त्यांची उच्च न्यायालयाचे अतिरिक्त न्यायाधीश म्हणून नियुक्ती झाली आणि सर्वोच्च न्यायालयातील अनेक घटनात्मक खंडपीठांचा ते भाग होते ज्यांनी ऐतिहासिक निकाल दिले आहेत.

कोण आहेत भूषण गवई?

सर्वोच्च न्यायालयाच्या अधिकृत वेबसाइटनुसार, न्यायमूर्ती भूषण रामकृष्ण गवई यांचा जन्म 24 नोव्हेंबर 1960 रोजी महाराष्ट्रातील अमरावती येथे झाला. त्यांनी 16 मार्च 1985 रोजी वकिली क्षेत्रात प्रवेश घेतला आणि सुरुवातीला 1987 पर्यंत माजी महाधिवक्ता आणि उच्च न्यायालयाचे न्यायाधीश स्वर्गीय राजा एस. भोसले यांच्यासोबत काम केले. 1987 मध्ये त्यांनी मुंबई उच्च न्यायालयात स्वतंत्रपणे वकिली सुरू केली आणि 1990 पासून ते प्रामुख्याने नागपूर खंडपीठासमोर हजर राहिले. भूषण गवई यांनी संवैधानिक आणि प्रशासकीय कायद्यात विशेष तज्ज्ञता मिळवली आणि नागपूर आणि अमरावती महानगरपालिका तसेच अमरावती विद्यापीठासाठी स्थायी वकील म्हणून काम केले. भूषण गवई यांनी विदर्भातील विविध सरकारी संस्था आणि परिषदांचे नियमितपणे प्रतिनिधित्व केले.

ऑगस्ट 1992 मध्ये न्यायमूर्ती गवई यांची मुंबई उच्च न्यायालयाच्या नागपूर खंडपीठात सहाय्यक सरकारी वकील आणि अतिरिक्त सरकारी वकील म्हणून नियुक्ती झाली आणि नंतर जानेवारी 2000 मध्ये भूषण सरकारी वकील आणि सरकारी वकील झाले. 14 नोव्हेंबर 2003 रोजी भूषण गवई यांना मुंबई उच्च न्यायालयाचे अतिरिक्त न्यायाधीश म्हणून बढती देण्यात आली आणि 12 नोव्हेंबर 2005 रोजी ते कायमस्वरूपी न्यायाधीश बनले. त्यांच्या कार्यकाळात, भूषण गवई यांनी मुंबई, नागपूर, औरंगाबाद आणि पणजी येथील खंडपीठांचे अध्यक्षपद भूषवले आणि सर्व क्षेत्रातील प्रकरणे हाताळली. 24 मे 2019 रोजी भूषण गवई यांना सर्वोच्च न्यायालयात बढती देण्यात आली. सध्या ते न्यायमूर्ती खन्ना यांच्यानंतर सर्वात वरिष्ठ न्यायाधीश आहेत. नागपूर, छत्रपती संभाजीनगर आणि पणजी येथे भूषण गवई यांनी न्यायाधीश म्हणून काम केले आहे.

भूषण गवई होते कलम 370 रद्द करणाऱ्या खंडपीठाचा भाग-

कलम 370 रद्द करून जम्मू आणि काश्मीरचा विशेष दर्जा रद्द करण्याचे समर्थन करणाऱ्या खंडपीठाचा भूषण गवई भाग होते. 2016 च्या नोटाबंदीला घटनात्मक आणि कायदेशीरदृष्ट्या योग्य घोषित करणाऱ्या खंडपीठाचेही ते सदस्य होते. निवडणूक देणग्यांसाठी इलेक्टोरल बाँड योजना रद्द करण्याचा निर्णय देणाऱ्या खंडपीठाचाही भूषण गवई हे भाग होते.

महाराष्ट्रासह देशभरातील विविध घडामोडी, VIDEO:

ही बातमीही वाचा: