Erandol Vidhan Sabha Result 2024: एरंडोलमध्ये महायुतीच्या 'पाटलांची' जादू कायम! मविआच्या पदरी निराशा, चुरशीची लढत,
Erandol Vidhan Sabha Constituency: एरंडोल जागेवर प्रदीर्घ काळापासून 'पाटील' आडनावाचेच वर्चस्व आहे. कोणत्या पाटलांनी उधळला विजयाचा गुलाल? जाणून घ्या..
Erandol Vidhan Sabha Constituency : ज्या निवडणुकीची सर्वात जास्त चर्चा सुरूय. ती महाराष्ट्र विधानसभा निवडणूक 2024 निकालाची (Maharashtra Assembly Election 2024) हवा सध्या पाहायला मिळत आहे. जळगाव जिल्ह्यातील अनेक मतदारसंघात निवडणुकीचे वारे वाहताना दिसले. जळगाव जिल्ह्यातील एरंडोल विधानसभा मतदारसंघाची (Erandol Vidhan Sabha Constituency) राज्यात सर्वाधिक चर्चा आहे. महाराष्ट्रातील एरंडोल विधानसभा मतदारसंघ हा राज्यातील 288 विधानसभा जागांपैकी 16 व्या क्रमांकावर आहे. या मतदारसंघातून महायुतीचे अमोल पाटील विजयी ठरले असून, त्यांच्या विरुद्ध मविआचे डॉ सतीश पाटील, हर्षल माने, डॉ. संभाजी पाटील, एटी नाना पाटील, अमित पाटील यांच्यात बहुरंगी लढत पाहायला मिळाली. यंदाची निवडणूक अत्यंत रंजक ठरली.
एरंडोल विधानसभा मतदारसंघात पुन्हा पाटलांचीच जादू चालणार का?
एरंडोल विधानसभा मतदारसंघात शिवसेनेकडून अमोल चिमणराव पाटील (Amol Patil) यांच्याविरुद्ध महाविकास आघाडी राष्ट्रवादी कॉंग्रेसचे (शरदचंद्र पवार) डॉ सतीश पाटील (Satish Patil) रिंगणात होते. तर या निवडणुकीत शिवसेनेचे (उबाठा) जिल्हाप्रमुख हर्षल माने (Harshal Mane), राष्ट्रवादी कॉंग्रेसचे डॉ. संभाजी पाटील (Sambhaji Patil), भाजपाचे माजी खासदार ए टी पाटील (A T Patil) आणि राष्ट्रवादी कॉंग्रेसचे अमित पाटील (Amit Patil) हे अपक्ष म्हणून लढले. एरंडोल जागेवर प्रदीर्घ काळापासून पाटील आडनावाचेच वर्चस्व आहे. यापूर्वी ही जागा राष्ट्रवादीचे अण्णासाहेब डॉ. सतीश भास्करराव पाटील यांच्याकडे होती. त्यांच्या आधीही ही जागा शिवसेनेच्या गुलाब रघुनाथ पाटील यांच्याकडे होती. गुलाब रघुनाथ पाटील यांनी 1999 आणि 2004 मध्ये ही जागा जिंकली होती.
2019 च्या निवडणुकीत काय झाले?
2019 च्या विधानसभा निवडणुकीबद्दल बोलायचे झाले तर, निवडणुकीत शिवसेनेचे चिमणराव पाटील यांनी एरंडोल मतदारसंघातून निवडणूक लढवली होती. त्यांच्यासमोर राष्ट्रवादीचे अण्णासाहेब डॉ.सतीश भास्करराव पाटील हे रिंगणात होते. या निवडणुकीत चिमणरावांना एकूण 82650 मते मिळाली तर त्यांचे निकटवर्तीय डॉ.सतीश यांना 64648 मते मिळाली होती. याशिवाय अपक्ष उमेदवार शिरोळे गोविंद एकनाथ तिसऱ्या क्रमांकावर आहेत. त्यांना या निवडणुकीत 24587 मते मिळाली. शिवसेनेचे चिमणराव पाटील यांनी राष्ट्रवादीचे डॉ. सतीश यांचा 18002 मतांनी पराभव केला होता.
मतमोजणीच्या अपडेटस् आणि अंतिम निकाल कुठं पाहणार?
महाराष्ट्राच्या 288 जागांच्या मतमोजणीच्या वेगवान अपडेटस आणि अंतिम निकाल तुम्हाला एबीपी माझा वाहिनीवर आणि एबीपी माझाची वेबसाईट https://marathi.abplive.com/elections वर पाहता येईल. याशिवाय एबीपी माझाचं यूट्यूब चॅनेल, सोशल मीडिया प्लॅटफॉर्मवर मतमोजणी आणि निकालाच्या अपडेटस पाहता येईल. एबीपी माझाच्या राज्यभरातील प्रतिनिधींकडून देण्यात येणाऱ्या निकालाच्या सुपरफास्ट अपडेट तुम्हाला एबीपी माझावर पाहता येतील. एबीपी माझाच्या वेबसाईटस भारत निवडणूक आयोगाच्या वेबसाईटवर देखील निकाल पाहता येईल. https://results.eci.gov.in/ या वेबसाईटवर तुम्ही मतमोजणीचे ट्रेंडस आणि निकालाचे अपडेट पाहू शकता.
हेही वाचा>
Pachora Vidhan Sabha Constituency: पाचोऱ्यात भाऊ-बहिणीपैंकी जनतेला कौल कोणाला मिळणार? चौरंगी लढत ठरणार चुरशीची! कोण उधळणार विजयाचा गुलाल?
महत्त्वाच्या बातम्या
