![ABP Premium](https://cdn.abplive.com/imagebank/Premium-ad-Icon.png)
Rahul Gandhi : कोण होणार विरोधी पक्षनेता, राहुल गांधी कोणत्या जागेचा राजीनामा देणार; आजच मोठा निर्णय होणार?
Rahul Gandhi : या बैठकीत राहुल गांधी रायबरेली आणि वायनाडमधून कोणती लोकसभा जागा सोडणार हे ठरवले जाईल. यासोबतच सभागृहातील विरोधी पक्षनेता आणि लोकसभा अध्यक्ष कोण असेल यावरही चर्चा होणार आहे.
![Rahul Gandhi : कोण होणार विरोधी पक्षनेता, राहुल गांधी कोणत्या जागेचा राजीनामा देणार; आजच मोठा निर्णय होणार? Who will be the Leader of the Opposition Rahul Gandhi will resign from which seat may be decision on mallikarjun kharge home meeting Rahul Gandhi : कोण होणार विरोधी पक्षनेता, राहुल गांधी कोणत्या जागेचा राजीनामा देणार; आजच मोठा निर्णय होणार?](https://feeds.abplive.com/onecms/images/uploaded-images/2024/06/17/15a897197ac64254374b4f5a1681b1a81718625743522736_original.jpg?impolicy=abp_cdn&imwidth=1200&height=675)
नवी दिल्ली : काँग्रेस अध्यक्ष मल्लिकार्जुन खरगे यांच्या निवासस्थानी आज (17 जून) मोठी आणि महत्त्वाची बैठक होणार आहे. सूत्रांनी दिलेल्या माहितीनुसार, संध्याकाळी 5 वाजता होणाऱ्या या बैठकीत राहुल गांधी यांच्या जागेसह लोकसभा अध्यक्ष आणि विरोधी पक्षनेते या मुद्द्यांवर चर्चा होणार आहे.
सूत्रांनी दिलेल्या माहितीनुसार, या बैठकीत राहुल गांधी रायबरेली आणि वायनाडमधून कोणती लोकसभा जागा सोडणार हे ठरवले जाईल. यासोबतच सभागृहातील विरोधी पक्षनेता आणि लोकसभा अध्यक्ष कोण असेल यावरही चर्चा होणार आहे. यापूर्वी काल संसदीय कामकाज मंत्री किरेन रिजिजू यांनी काँग्रेस अध्यक्ष मल्लिकार्जुन खरगे यांची भेट घेतली होती. संसदेच्या नवीन अधिवेशनापूर्वी त्यांनी ही बैठक घेतली. रिजिजू यांनी निवासस्थानी खरगे यांची भेट घेतली होती. शिष्टाचार म्हणून ही भेट असल्याचे सांगण्यात येते.
लोकसभेतील विरोधी पक्षनेता कोण असेल
या लोकसभा निवडणुकीत काँग्रेस पक्षाला 99 जागा मिळाल्या आहेत, तर अपक्ष खासदारांनी पाठिंबा दिला आहे. विरोधी पक्षनेता होण्यासाठी लोकसभेच्या एकूण सदस्य संख्येच्या 10 टक्के खासदार कोणत्याही पक्षाचे असले पाहिजेत. यावेळी काँग्रेसला विरोधी पक्षनेतेपदाची संधी आहे. काँग्रेस नेत्यांनी राहुल गांधी यांच्या नावाचा प्रस्ताव ठेवला आहे, आता ते मान्य करतात की नाही याची उत्सुकता आहे. राहुल गांधी यांनी यापूर्वी विरोधी पक्षनेते होण्यास नकार दिला आहे.
संसदेचे अधिवेशन कधी सुरू होणार?
18 व्या लोकसभेचे पहिले अधिवेशन 24 जून रोजी सुरू होणार आहे, त्या दरम्यान कनिष्ठ सभागृहाचे नवीन सदस्य शपथ घेतील आणि स्पीकरची निवड केली जाईल. राष्ट्रपती द्रौपदी मुर्मू 27 जून रोजी लोकसभा आणि राज्यसभेच्या संयुक्त बैठकीला संबोधित करतील आणि पुढील पाच वर्षांसाठी नवीन सरकारचा रोडमॅप तयार करतील. अधिवेशनाचा समारोप ३ जुलै रोजी होणार आहे.
अधिवेशनाच्या पहिल्या तीन दिवसांत नवनिर्वाचित खासदार शपथ घेतील आणि कनिष्ठ सभागृहाच्या अध्यक्षांची निवड करतील. जुलैच्या तिसऱ्या आठवड्यात केंद्रीय अर्थसंकल्प सादर करण्यासाठी संसदेच्या दोन्ही सभागृहांची पुन्हा बैठक होण्याची अपेक्षा आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)