Petrol Diesel Price Today : नवे दर जारी; तुमच्या शहरात एक लीटर पेट्रोल-डिझेलची किंमत काय?
Petrol-Diesel Price Today, 21 November 2021 : आंतरराष्ट्रीय बाजारात कच्च्या तेल्याच्या किंमतीमध्ये घसरण पाहायला मिळाली आहे.
Petrol-Diesel Price Today, 21 November 2021 : आंतरराष्ट्रीय बाजारात कच्च्या तेल्याच्या किंमतीमध्ये घसरण पाहायला मिळाली आहे. देशातील पेट्रोल आणि डिझेलच्या किंमतीमध्ये कोणताही बदल झालेला नाही. पेट्रोल-डिझेलच्या किंमती स्थिर आहेत. दिवाळीच्या आधी केंद्र सरकारने पेट्रोल-डिझेल दरावरील कर कमी केला होता. त्यामुळे पेट्रोलच्या किंमती पाच रुपयांनी तर डिझेलच्या किंमती 10 रुपयांनी कमी झाली होत्या. तेव्हापासून देशभरात पेट्रोल-डिझेलच्या किंमतीमध्ये कोणताही बदल झालेला नाही.
भारतीय तेल कंपनी इंडियन ऑयल कॉर्पोरेशन (IOCL) नं दिलेल्या माहितीनुसार, आज मुंबईत पेट्रोलची किंमत 109.98 रुपये प्रति लिटर आहे. तर डिझेलची किंमत 94.14 रुपये प्रति लिटर इतकी आहे. तर देशाची राजधानी दिल्लीत पेट्रोलची किंमत (Petrol Price) 103.97 रुपये प्रति लिटर, तर डिझेलची किंमत 86.67 रुपये प्रति लिटर इतकी आहे. तर चेन्नईमध्ये पेट्रोल 101.40 रुपये प्रति लिटरनं आणि डिझेल 91.43 रुपये प्रति लिटरनं विकलं जात आहे. तर कोलकातामध्ये डिझेलची किंमत 89.79 रुपये आणि पेट्रोल 104.67 रुपयांनी विकलं जात आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता. इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).
देशातील अनेक शहरांत एक लिटर पेट्रोलचे दर 100 रुपयांच्या पार
मध्यप्रदेश, राजस्थान, महाराष्ट्र, आंध्र प्रदेश, तेलंगाना, कर्नाटक, ओडिशा, जम्मू-कश्मीर आणि लद्दाखमध्ये पेट्रोलचे दर 100 रुपयांच्या पार पोहोचले आहेत. मुंबईतील पेट्रोलचे दर सर्वाधिक आहेत.
कच्च्या तेलाच्या किमतींमध्ये घट सुरुच -
आंतरराष्ट्रीय बाजारात WTI Curde 3.51 टक्क्यांची घट झाली असून प्रति बॅरलची किंमत 75.94 डॉलर इतकी झाली आहे. याव्यतिरिक्त ब्रेंट क्रूडचे दर 2.89 टक्क्यांची घट झाली आहे. त्याचे दर 78.89 टक्के आहेत.
महत्त्वाच्या बातम्या
ट्रेंडिंग न्यूज
