तब्बल 33 देशात पाकिस्तानी दहशतवादाचा बुरखा फाडणार, 59 जणांच्या जम्बो शिष्टमंडळात 51 खासदार 8 राजदूत; अमेरिका मिशन शशी थरुरांच्या गळ्यात!

प्रत्येक गटात एका खासदाराला नेता बनवण्यात आले आहे. प्रत्येक गटात 8 ते 9 सदस्य आहेत. सर्व शिष्टमंडळांमध्ये किमान एक मुस्लिम प्रतिनिधी ठेवण्यात आला आहे.

Operation Sindoor A delegation of 59 members will expose Pakistan

Source : PTI

Operation Sindoor : केंद्र सरकारने शनिवारी रात्री उशिरा 59 सदस्यीय शिष्टमंडळाची घोषणा केली. त्यात 51 नेते आणि 8 राजदूतांचा समावेश आहे. 31 एनडीएचे आणि 20 इतर पक्षांचे आहेत, ज्यात 3 काँग्रेस नेते आहेत. हे शिष्टमंडळ जगातील प्रमुख देशांना, विशेषतः संयुक्त राष्ट्र सुरक्षा परिषदेच्या (UNSC) सदस्य देशांना भेट देईल. तेथे ते ऑपरेशन सिंदूर आणि पाकिस्तान पुरस्कृत दहशतवादावर भारताची भूमिका मांडेल. सध्या, शिष्टमंडळ कधी निघेल याची माहिती नाही. तथापि, असे म्हटले जात आहे की शिष्टमंडळ 23 किंवा 24 मे रोजी मिशनसाठी प्रस्थान करतील. या शिष्टमंडळाची 7 गटांमध्ये विभागणी करण्यात आली आहे. प्रत्येक गटात एका खासदाराला नेता बनवण्यात आले आहे. प्रत्येक गटात 8 ते 9 सदस्य आहेत. यामध्ये 6-7 खासदार, वरिष्ठ नेते (माजी मंत्री) आणि राजदूत यांचा समावेश आहे. सर्व शिष्टमंडळांमध्ये किमान एक मुस्लिम प्रतिनिधी ठेवण्यात आला आहे. मग तो राजकारणी असो किंवा राजदूत. काँग्रेस खासदार शशी थरूर यांना अमेरिकेसह 5 देशांमध्ये जाणाऱ्या शिष्टमंडळाची कमान देण्यात आली आहे.

कोण कोण नेतृत्व करणार?

गट 1 चे नेतृत्व भाजप खासदार बैजयंत पांडा, गट 2 चे नेतृत्व भाजपचे रवीशंकर प्रसाद, गट 3 चे नेतृत्व जेडीयूचे संजय कुमार झा, गट 4 चे नेतृत्व शिवसेना खासदार श्रीकांत शिंदे, गट 5 चे नेतृत्व शशी थरूर, गट 6 चे नेतृत्व द्रमुक खासदार कनिमोळी आणि गट 7 चे नेतृत्व राष्ट्रवादी-एससीपी खासदार सुप्रिया सुळे करत आहेत. केंद्रीय संसदीय कामकाज मंत्री किरेन रिजिजू यांनी पोस्ट करत लिहिलं आहे की, एक मिशन, एक संदेश, एक भारत. ऑपरेशन सिंदूर अंतर्गत लवकरच 7 सर्वपक्षीय शिष्टमंडळे प्रमुख देशांना भेटतील, जे दहशतवादाविरुद्धच्या आमच्या सामूहिक संकल्पाचे प्रतिबिंब आहे.

One mission. One message. One Bharat 🇮🇳
Seven All-Party Delegations will soon engage key nations under #OperationSindoor, reflecting our collective resolve against terrorism.

Here’s the list of MPs & delegations representing this united front. https://t.co/1igT7D21mZ pic.twitter.com/3eaZS21PbC

— Kiren Rijiju (@KirenRijiju) May 17, 2025

काँग्रेसने दिलेल्या 4 नावांपैकी फक्त एकाची निवड करण्यात आली

काँग्रेसने केंद्राला 4 काँग्रेस नेत्यांची नावे शिष्टमंडळात समाविष्ट करण्यासाठी दिली होती. यामध्ये आनंद शर्मा, गौरव गोगोई, सय्यद नसीर हुसेन आणि अमरिंदर सिंग राजा वारिंग यांची नावे होती. केंद्राने फक्त आनंद शर्मा यांचा समावेश केला आहे. काँग्रेसने सरकारच्या या निर्णयावर टीका केली. काँग्रेसने म्हटले आहे की, पक्षाने दिलेल्या 4  पैकी फक्त एकाच नावाचा (नेत्याचा) सर्वपक्षीय शिष्टमंडळात समावेश करण्यात आला. हे नरेंद्र मोदी सरकारची पूर्णपणे निष्ठा सिद्ध करते आणि गंभीर राष्ट्रीय मुद्द्यांवर त्यांनी खेळलेला  खेळ दिसून येतो. 

ओवेसी म्हणाले, पाकिस्तान मानवतेसाठी धोका

एआयएमआयएमचे खासदार असदुद्दीन ओवेसी म्हणाले की दहशतवाद्यांना प्रशिक्षण, निधी आणि शस्त्रे पुरवून पाकिस्तान मानवतेसाठी धोका बनला आहे. पाकिस्तानी डीप स्टेट आणि पाकिस्तानी सैन्याचे उद्दिष्ट भारताच्या अर्थव्यवस्थेला अपयशी ठरवणे आणि समुदायांमध्ये फूट पाडणे आहे. ओवेसी म्हणाले की जेव्हा ते सर्वपक्षीय शिष्टमंडळासोबत जातील तेव्हा ते परदेशी सरकारांना पाकिस्तानच्या हेतूंबद्दल सांगतील. ओवेसी म्हणाले की पाकिस्तान स्वतःला इस्लाम आणि सर्व मुस्लिमांचा रक्षक म्हणतो, पण हे मूर्खपणाचे आहे. भारतातही 20 कोटी मुस्लिम आहेत आणि ते पाकिस्तानच्या कृतींचा निषेध करतात. पाकिस्तान 1948 पासून भारताला अस्थिर करण्याचा प्रयत्न करत आहे आणि ते थांबणार नाही. कर्नल सोफियावर वादग्रस्त विधान करणारे मध्य प्रदेशचे मंत्री विजय शाह यांना ओवेसी यांनी बकवास म्हटले आणि त्यांना भाजपमधून काढून टाकले पाहिजे असे म्हटले.

इतर महत्वाच्या बातम्या