Rahul Gandhi : 'भारताने किती विमाने गमावली, हल्ल्याची माहिती पाकिस्तानला का दिली?', परराष्ट्रमंत्री जयशंकर यांचा 'तो' व्हिडिओ शेअर करत राहुल गांधींचा सरकारला सवाल

Rahul Gandhi : परराष्ट्रमंत्र्यांच्या विधानाच्या आधारे त्यांनी सरकारला कोंडीत पकडले आणि विचारले की हल्ल्यापूर्वी सरकारने पाकिस्तानला का कळवले? यामुळे आपण किती लढाऊ विमाने गमावली?

Rahul Gandhi

Source : PTI

Rahul Gandhi On S Jaishankar : ऑपरेशन सिंदूरबाबत लोकसभेतील विरोधी पक्षनेते राहुल गांधी यांनी सरकारला प्रश्न विचारला आहे. ऑपरेशन सिंदूर दरम्यान किती विमाने गमावली गेली असा प्रश्न त्यांनी सरकारला विचारला आहे. परराष्ट्रमंत्र्यांच्या विधानाच्या आधारे त्यांनी सरकारला कोंडीत पकडले आणि विचारले की हल्ल्यापूर्वी सरकारने पाकिस्तानला का कळवले? यामुळे आपण किती लढाऊ विमाने गमावली?

यामुळे आपल्या हवाई दलाने किती विमाने गमावली

त्यांनी सोशल मीडिया प्लॅटफॉर्म एक्सवर पोस्ट करत सरकारला विचारणा केली आहे. त्यांनी ट्विट करत म्हटलं आहे की, "आमच्या हल्ल्याच्या सुरुवातीला पाकिस्तानला माहिती देणे हा गुन्हा होता. परराष्ट्रमंत्र्यांनी सार्वजनिकरित्या कबूल केले आहे की भारत सरकारने हे केले." त्यांनी पुढे प्रश्न केला, "हे कोणी अधिकृत केले? यामुळे आपल्या हवाई दलाने किती विमाने गमावली?"

Informing Pakistan at the start of our attack was a crime.

EAM has publicly admitted that GOI did it.

1. Who authorised it?
2. ⁠How many aircraft did our airforce lose as a result? pic.twitter.com/KmawLLf4yW

— Rahul Gandhi (@RahulGandhi) May 17, 2025

व्हिडिओमध्ये जयशंकर काय म्हणत आहेत?

राहुल गांधी यांनी परराष्ट्र मंत्री एस. जयशंकर यांनी शेअर केलेल्या व्हिडिओमध्ये असे म्हणतात की, "ऑपरेशनच्या सुरुवातीला आम्ही पाकिस्तानला संदेश पाठवला की आम्ही दहशतवादी तळांवर हल्ला करत आहोत. आम्ही लष्करावर हल्ला करत नाही आहोत. लष्कराने यात भाग घेऊ नये. त्यांनी या चांगल्या सल्ल्याचे पालन केले नाही."

लष्कराने सांगितले होते की हवाई हल्ले कुठे केले गेले

• दरम्यान, 7 मे रोजी सकाळी लष्कराने सांगितले होते की पाकिस्तान आणि पीओकेमध्ये 9 ठिकाणे ओळखली गेली. आम्ही ती उद्ध्वस्त केली. लाँचपॅड, प्रशिक्षण केंद्रे लक्ष्य केली गेली. त्यांची नावे आहेत..
• पीओकेमध्ये, मुझफ्फराबादमधील लष्कराच्या सवाई नाला प्रशिक्षण केंद्राला प्रथम लक्ष्य केले गेले. सोनमर्ग, गुलमर्ग आणि पहलगाम हल्ल्यातील दहशतवाद्यांनी येथे प्रशिक्षण घेतले होते.
• मुझफ्फराबादमधील सय्यदना बिलाल कॅम्प. शस्त्रे, स्फोटके आणि जंगलात टिकून राहण्याचे प्रशिक्षण येथे देण्यात आले.
• कोटलीमधील लष्कराचा गुरपूर कॅम्प. 2023 मध्ये पूंछमध्ये भाविकांवर हल्ला करणाऱ्या दहशतवाद्यांना येथे प्रशिक्षण देण्यात आले.
• भींबरमधील बर्नाला कॅम्प. येथे शस्त्रे शिकवली जातात.
• कोटलीमधील अब्बास कॅम्प. नियंत्रण रेषेपासून 13 किमी अंतरावर आहे. येथे फिदाईन (आत्मघाती हल्ला करणारे) तयार केले जातात.
• सियालकोटमधील सरजल कॅम्प. मार्च 2025 मध्ये पोलिस कर्मचाऱ्यांना मारणाऱ्या दहशतवाद्यांना येथे प्रशिक्षण देण्यात आले.
• सियालकोटमधील हिजबुल महमूना जैशचा तळ. पठाणकोट हल्ल्याची योजना येथे आखण्यात आली होती.
• मुरीदके येथील मरकझ तैयबा तळ. अजमल कसाब आणि डेव्हिड कोलमन हेडली यांना येथे प्रशिक्षण देण्यात आले होते.
• मस्जिद सुभान अल्लाह बहावलपूर हे जैशचे मुख्यालय होते. येथे भरती आणि प्रशिक्षण दिले जात असे. वरिष्ठ अधिकारी येथे येत असत.

इतर महत्वाच्या बातम्या