Delhi Excise Case: नवं मद्य धोरण वादात, मनीष सिसोदिया आरोपी नंबर 1, CBI ची 15 आरोपींची यादी!

CBI Raid: दिल्लीतील एक्साईज पॉलिसीमध्ये (Delhi Excise Policy) भ्रष्टाचाराच्या आरोपाखाली सीबीआयने (CBI) शुक्रवारी दिल्लीचे उपमुख्यमंत्री मनीष सिसोदिया (Manish Sisodia) यांच्या घरी छापा मारला.

Manish Sisodia

Manish Sisodia CBI Raid: दिल्लीतील एक्साईज पॉलिसीमध्ये (Delhi Excise Policy) भ्रष्टाचाराच्या आरोपाखाली सीबीआयने (CBI) शुक्रवारी दिल्लीचे उपमुख्यमंत्री मनीष सिसोदिया (Manish Sisodia) यांच्या घरी छापा मारला. जवळपास दहा तासांपासून सीबीआय सिसोदियांच्या घरी तपास करत आहे. याप्रकरणी आता नवीन माहिती समोर आली आहे. दिल्लीतील मद्य धोरणाविरोधात सीबीआयनं 15 आरोपींविरोधात गुन्हा दाखल केला आहे. यामध्ये दिल्लीचे उपमुख्यमंत्री मनीष सिसोदिया यांचं नाव पहिल्या क्रमांकावर आहे. सीबीआय अधिकाऱ्यानं याबाबतची माहिती दिली आहे. 

सीबीआयनं दाखल केलेल्या एएफआयरमध्ये काही दारु कंपन्यांचाही समावेश आहे. त्यासोबत 15 जणांविरोधात आणि काही अज्ञात लोकांविरोधात सीबीआयनं गुन्हा दाखल केलाय. सीबीआयच्या मते, मनीष सिसोदिया यांच्यावर गुन्हेगारी कट आणि खात्यांमध्ये फेरफार केल्याचा आरोपही करण्यात आला आहे. सीबीआयने शुक्रवारी दिल्लीचे उपमुख्यमंत्री मनीष सिसोदिया यांच्या दिल्लीमधील घरी आणि सात राज्यात 20 अन्य ठिकाणी छापेमारी केली. जवळपास दहा तासांपासून सीबीआयचा तपास सुरु आहे. दिल्ली सरकारच्या एक्साईज पॉलिसीच्या विरोधात तपास करण्याची शिफारस नायब राज्यपालांनी केली होती. 

 
सिसोदिया काय म्हणाले?
 सीबीआयच्या छापेमारीनंतर मनीष सिसोदिया यांनी ट्वीट करत प्रतिक्रिया दिली. ते म्हणाले की, "आम्ही सीबीआयचे स्वागत करतो. तपासात पूर्ण सहकार्य करु जेणेकरुन सत्य लवकर समोर येईल. आतापर्यंत माझ्यावर अनेक गुन्हे दाखल झाले आहेत, मात्र काहीही निष्पन्न झालेलं नाही. त्यातूनही काहीही निष्पन्न होणार नाही. देशात चांगल्या शिक्षणासाठी माझं काम थांबवता येणार नाही." दिल्लीच्या शिक्षण आणि आरोग्याच्या उत्कृष्ट कामामुळे हे लोक त्रस्त आहेत. त्यामुळेच शिक्षण, आरोग्याचे चांगले काम बंद पडाव, म्हणून दिल्लीचे आरोग्यमंत्री आणि शिक्षणमंत्र्यांना अटक करण्यात आली आहे. आमच्या दोघांवर खोटे आरोप आहेत. न्यायालयात सत्य बाहेर येईल, असेही ते म्हणाले. 

केजरीवाल काय म्हणाले?
सीबीआयच्या छापेमारीनंतर मुख्यमंत्री आणि आप प्रमुख अरविंद केजरीवाल यांनी पत्रकार परिषद घेत आपली भूमिका स्पष्ट केली. केजरीवाल म्हणाले की, कोणतीही छापेमारी देशातील नागरिकांसाठी चांगलं काम करण्यास थांबवू शकत नाही. आमच्या चांगल्या कामामध्ये अनेक अडचणी येणार आहेत. याची आम्हाला कल्पना आहे. याआधीही अनेकवेळा छापेमारी झाली आहे. पण त्यामधून काहीही निघालं नाही. यावेळीही त्यांना काहीही मिळणार नाही. आम्ही सीबीआयला सहकार्य करु. 

महत्वाच्या बातम्या :