पुण्यात शिकलेल्या पुष्पम प्रिया चौधरींची बिहारच्या राजकारणात विशेष चर्चा, निवडणुकीत मात्र डिपॉझिट जप्त

Bihar Election Result : बिहारच्या राजकारणात स्वत:ला मुख्यमंत्री पदाचा उमेदवार घोषित करत उतरलेल्या पुष्पम प्रिया चौधरी (Pushpam Priya Choudhary) यांची निकालात चांगलीच निराशा झाली आहे.

Bihar Election Result : बिहारच्या राजकारणात स्वत:ला मुख्यमंत्री पदाचा उमेदवार घोषित करत उतरलेल्या पुष्पम प्रिया चौधरी (Pushpam Priya Chau यांची निकालात चांगलीच निराशा झाली आहे.  पुष्पम प्रिया चौधरींना बांकीपूर आणि बिस्फी विधानसभा मतदारसंघातून मोठा पराभव झालाय. दोन्ही जागांवर त्यांचं डिपॉझिट जप्त झालं आहे. त्यांना नोटापेक्षाही कमी मतं पडली आहेत.

पुण्यातून एमबीएचं शिक्षण घेतलेल्या अन लंडनहून बिहारच्या विकासाचा दृष्टीकोन समोर ठेऊन राजकारणात पुष्पम प्रिया चौधरी यांनी बिहारच्या राजकारणात एन्ट्री केली. तेही स्वत:ला मुख्यमंत्रीपदाचा उमेदवार घोषित करून. वर्तमानपत्राच्या पहिल्या पानावर जाहिराती देऊन पुष्पम यांनी बिहारच्या राजकारणात मोठी खळबळ उडवून दिली आहे.  प्लुरल्स पार्टीच्या माध्यमातून त्यांनी बिहारचा चेहरा बदलण्याचं आश्वासन जनतेला दिलं, मात्र जनतेनं त्यांना नाकारलं आहे.

बिहारच्या निवडणुकीत पुष्पम यांची चांगलीच चर्चा होती. त्यांना निवडणूक प्रचारादरम्यान पाटण्यात पोलीसांनी अटक देखील केली होती. राजभवनात निघालेल्या  पुष्पम प्रिया चौधरींना अटक केल्यानंतर काही तासांनी सोडण्यात आलं होतं. त्यावरुन त्यांनी नितिश सरकारवर जोरदार टीका केली होती.  या निकालानंतर पुष्पम यांनी बिहार निवडणुकीत ईव्हीएम हॅक झाल्याचा आरोप केला आहे.

राजकीय कनेक्शन : आजोबा, वडील सक्रीय राजकारणी पुष्पम प्रिया चौधरींचे आजोबा उमाकांत चौधरी हे जेडीयूच्या संस्थापक सदस्यांपैकी एक होते. त्यांनी 2005 साली दरभंगामधून निवडणूक लढवली पण ते हरले. पुष्पम यांचे वडील विनोद कुमार चौधरी हे जेडीयू कडून विधानपरिषदेवर गेले होते. त्यांचा नुकताच कार्यकाळ संपला आहे. तर त्यांचे काका  विनय कुमार चौधरी यांनी 2010 मध्ये दरभंगातील बहादुर विधानसभेमधून अपक्ष निवडणूक लढवली होती. तेव्हा ते पराभूत झाले होते.

काळ्या ड्रेसची चर्चा पुष्पम प्रिया चौधरी दरभंगा जिल्ह्यातील विशनपूर इथल्या रहिवासी. त्यांनी इंग्लंडमधून इंस्टिट्यूट ऑफ डेवलपमेंट स्टडीज विद्यापीठ तसंच लंडन स्कूल ऑफ इकॉनॉमिक्स अॅंड पॉलीटिकल साइंस से पब्लिक अॅडमिनिस्ट्रेशनमधून एमए केलं आहे तर पुण्यातून एमबीए केलं आहे.  पुष्पम प्रिया चौधरी आपल्या काळ्या रंगांच्या ड्रेसमुळं विशेष चर्चेत होत्या.

संबंधित बातम्या