Independence Day LIVE UPDATES | पुणे - शरद पवार यांचा बारामती दौरा रद्द करुन मुंबईला रवाना

आज देशाचा 74 वा स्वातंत्र्यदिवस. यंदा कोरोनामुळं सगळीकडं हा सोहळा अत्यंत साधेपणाने आणि सोशल डिस्टंस राखत साजरा केला जात आहे. स्वातंत्र्य दिनाच्या सोहळ्याच्या महत्वाच्या घडामोडी आणि ताजे अपडेट या लाईव्ह ब्लॉगमध्ये...

Background

आज देशाचा  74 वा स्वातंत्र्यदिवस. यंदा कोरोनामुळं सगळीकडं हा सोहळा अत्यंत साधेपणाने आणि सोशल डिस्टंस राखत साजरा केला जात आहे.  कोरोनाच्या पार्श्वभूमीवर लालकिल्ल्यावरील सोहळा देखील खबरदारी घेत साजरा होणा आहे.

दरम्यान 74 व्या स्वातंत्र्यदिवसाच्या पूर्वसंध्येला राष्ट्रपती रामनाथ कोविंद यांनी देशवासीयांना संबोधित केलं. गलवान खोऱ्यात देशासाठी बलदान देणाऱ्या पराक्रमी जवानांना त्यांनी नमन केले. आपल्या सीमेचे रक्षण करणारे आणि अंतर्गत सुरक्षेसाठी झटणारे सैन्य दल, पोलीस आणि निमलष्करी दलांचा आम्हाला अभिमान आहे.” असंही कोविंद यावेळी म्हणाले. यावेळी त्यांनी नाव न घेता चीनला कठोर शब्दात संदेश दिला. “जर कोणीही अशांतता परसवण्याचा प्रयत्न केला तर त्यांना योग्य ते प्रत्युत्तर दिलं जाईल,” असं ते म्हणाले.

15:46 PM (IST)  •  16 Aug 2020

पुणे - शरद पवार यांचा बारामती दौरा रद्द, शरद पवार यांचा बारामती दौरा अचानक रद्द झाल्यानं चर्चांना उधाण, शरद पवार बारामती ऐवजी मुंबईला रवाना

10:44 AM (IST)  •  16 Aug 2020

मध्य रेल्वेचे महाव्यवस्थापक श्री संजीव मित्तल यांनी छत्रपती शिवाजी महाराज टर्मिनस मुंबई येथील मध्य रेल्वेच्या मुख्यालयात, स्वातंत्र्य दिनाचे औचित्य साधून राष्ट्रीय ध्वजारोहण केले. संजीव मित्तल यांनी संमेलनाला संबोधित करताना स्वातंत्र्य दिनाच्या शुभेच्छा दिल्या, लॉकडाऊन व अनलॉक दरम्यान मध्य रेल्वेची कामगिरी व कृती याबद्दल त्यांनी सविस्तर माहिती दिली. त्यांनी उत्कृष्ट कामगिरी, कर्तव्यनिष्ठा यासाठी रेल्वे कर्मचार्‍यांचे कौतुक केले आणि सांगितले की, मध्य रेल्वे भविष्यातही रेल्वे वापरकर्त्यांची अपेक्षा पूर्ण करेल. मित्तल यांनी सोलापूर येथे वैद्यकीय सहाय्यक रो (बॉट) आणि मुंबई विभागातील रक्षक रोबोट तयार करण्यासाठी वापरल्या जाणार्‍या “आत्मनिर्भर भारत” संकल्पनेचे कौतुक केले आणि त्यावर भर दिला. मित्तल यांनी एका दिवसात सर्वाधिक श्रमिक विशेष गाड्या चालविल्या बद्दल, अध्यक्ष रेल्वे बोर्ड यांनी जाहीर केलेल्या वैयक्तिक आणि गट पुरस्कारांचे वितरण केले. मध्य रेल्वेच्या ऑपरेटिंग, कमर्शियल, आरपीएफ, मेडिकल आणि इलेक्ट्रिकल विभागांना हा पुरस्कार देण्यात आला. मध्य रेल्वे महिला कल्याण संघटनेच्या अध्यक्षा रैली मित्तल आणि सदस्यांनी "भारतरत्न डॉ. बाबासाहेब आंबेडकर मेमोरियल हॉस्पिटल," भायखळा करिता एलईडी टीव्ही आणि वॉटर प्युरिफायरची कागदपत्रे वैद्यकीय संचालक डॉ. मीरा अरोरा यांना औपचारिकपणे सुपूर्द केली. यावेळी, मध्य रेल्वे सांस्कृतिक अकादमीतर्फे आत्मा निर्भर भारत विषयावरील “कलरव” हा सांस्कृतिक कार्यक्रम सादर करण्यात आला. स्वातंत्र्यदिन सोहळ्याचे आयोजन सोशल डिस्टंसिंग निकषांनुसार केले गेले होते.

10:49 AM (IST)  •  16 Aug 2020

09:21 AM (IST)  •  15 Aug 2020

मंत्रालयात राष्ट्रध्वजारोहणाचा मुख्य शासकीय कार्यक्रम. मुख्यमंत्री उद्धव ठाकरे यांच्या हस्ते ध्वजारोहण. श्रीमती रश्मी ठाकरे, इतर मान्यवर, वरिष्ठ अधिकारी उपस्थित

09:48 AM (IST)  •  15 Aug 2020

प्रत्येक खेड्यापाड्यापर्यंत आणि दुर्गम भागात चांगल्या आरोग्य सुविधा निर्माण करण्यावर भर, शेतकऱ्यांना स्वतःच्या पायावर उभे करण्यास प्राधान्य आणि कामगारांचे हित ही जोपासणार - मुख्यमंत्री उद्धव ठाकरे