Coronavirus : चांगली बातमी! कोरोनाचा वेग मंदावतोय, देशात 9436 नवे रुग्ण

Coronavirus Cases Today : देशातील कोरोनाचा आलेख घसरताना दिसत आहे. गेल्या 24 तासांत 9436 नवीन रुग्णांची नोंद झाली आहे.

Coronavirus New Cases in India

Coronavirus Cases Today in India : भारतात कोरोना संसर्गाचा वेग मंदावतोय. केंद्रीय आरोग्य मंत्रालयाच्या आकडेवारीनुसार, देशात शनिवारी दिवसभरात 9 हजार 436 नवीन कोरोनाबाधितांची नोंद झाली आहे. देशात सलग तिसऱ्या दिवशी कोरोना रुग्णांची संख्येत घट पाहायला मिळाली आहे. तर सलग दुसऱ्या दिवशी 24 तासांत दहा हजारांहून कमी कोरोनाबाधित आढळले आहेत. देशात शुक्रवारी 9 हजार 520 नवीन कोरोना रुग्णांची नोंद झाली होती. त्याच्या तुलनेनं शनिवारी 84 रुग्णांची घट झाली आहे. दिलासादायक बाब म्हणजे नवीन कोरोनाबाधितांपेक्षा कोरोनातून बरे होणाऱ्या रुग्णांची संख्या जास्त आहे.

कोरोनातून बरे होणाऱ्या रुग्णांची संख्या जास्त

देशात गेल्या 24 तासांत 9 हजार 999 रुग्ण कोरोनामुक्त झाले आहेत. देशात कोरोनामुक्त होणाऱ्या रुग्णांचं प्रमाण जास्त आहे. देशात सक्रिय रुग्णांच्या संख्येत घट झाली आहे. सध्या देशात 86 हजार 591 सक्रिय कोरोना रुग्ण आहेत. यापैकी सर्वाधिक रुग्ण सौम्य लक्षणे असणारे आहेत. देशात शनिवारी दिवसभरात 26 लाख 53 हजार 964 कोविड लसी देण्यात आल्या असल्याची माहिती देखील केंद्रीय आरोग्य मंत्रालयानं दिली आहे. साप्ताहिक कोरोना पॉझिटीव्हीटी रेट हा 2.70 टक्के आहे. तर दैनंदिन कोरोना रुग्ण सकारात्मकता दर 2.93 टक्के आहे.

#AmritMahotsav#Unite2FightCorona#LargestVaccineDrive

𝗖𝗢𝗩𝗜𝗗 𝗙𝗟𝗔𝗦𝗛https://t.co/gVRQNhCBhG pic.twitter.com/V2TAxohNIb

— Ministry of Health (@MoHFW_INDIA) August 28, 2022

महाराष्ट्रात सहा कोरोनाबाधित रुग्णांच्या मृत्यूची नोंद 

आरोग्य विभागाच्या आकडेवारीनुसार, महाराष्ट्रात गेल्या 24 तासांत 1723 कोरोनाच्या (Maharashtra Corona Update) नव्या रुग्णांची भर पडली आहे. तर शनिवारी दिवसभरात एकूण 1845 रुग्ण कोरोनामुक्त होऊन घरी परतले आहेत. राज्यात सहा कोरोनाबाधित रुग्णाच्या मृत्यूची नोंद झाली आहे. राज्यातील मृत्यूदर हा 1.83 टक्के इतका झाला. तर आतापर्यंत राज्यामध्ये 79,34, 878 कोरोनाबाधित बरे होऊन घरी परतले आहेत. त्यामुळे कोरोना रुग्ण बरे होण्याचं प्रमाण 98.02 टक्के इतकं झालं आहे. राज्यात एकूण 11743 सक्रिय रुग्ण संख्या आहे. 

मुंबईत सर्वाधिक सक्रिय कोरोनाबाधित

महाराष्ट्रात सध्या 11 हजारहून अधिक कोरोना रुग्ण उपचार घेत आहेत. यामध्ये सर्वाधिक कोरोना रुग्ण मुंबईमध्ये आहेत. मुंबईत पाच हजारहून अधिक कोरोना रुग्ण उपचाराधीन आहेत. मुंबईत सर्वाधिक म्हणजे 5177  इतके रुग्ण असून त्यानंतर ठाण्यामध्ये 2449 सक्रिय रुग्ण आहेत.