Coronavirus Updates : देशात 1940 सक्रिय रुग्ण, XBB.1.5 आणि BF.7 व्हेरियंटचे रुग्ण किती?
Coronavirus Cases Today : जगभरात कोरोनाचा वाढता संसर्घ पाहायलि मिळत असताना देशातील कोरोना संसर्गाचे प्रमाण दिवसेंदिवस कमी होताना दिसत आहे.
Coronavirus Cases in India : जगभरात कोरोनाचा (Coronavirus) वाढता संसर्ग पाहायला मिळत असताना देशातील कोरोना संसर्गाचे प्रमाण दिवसेंदिवस कमी होताना दिसत आहे, ही दिलासादायक बाब आहे. आज देशात 131 नवीन कोरोनाबाधितांची नोंद झाली आहे. आज देशात 145 कोरोना पॉझिटिव्ह रुग्ण (Coronavirus Cases Today) सापडले होते. म्हणजे कालच्या तुलनेत आज (21 जानेवारी) 14 रुग्णांची घट झाली आहे. देशातील सक्रिय रुग्णांच्या संख्येतही घट झाली आहे. कोरोना महामारी सुरु झाल्यापासून देशात 4,46,81,781 जणांना कोरोना विषाणूची लागण झाली आहे. देशव्यापी कोरोना लसीकरणात 220 कोटीहून अधिक कोरोना लसी देण्यात आल्या आहेत.
XBB.1.5 आणि BF.7 व्हेरियंटचा कहर
जगभरात कोरोनाच्या XBB.1.5 आणि BF.7 व्हेरियंटचा (Omicron Sub-Variant) संसर्ग वाढताना दिसत आहे. यासोबतच भारतातही या व्हेरियंटच्या (Coronavirus Variant) रुग्णांची संख्या वाढत आहे, ही चिंताजनक बाब आहे. मात्र, देशातील कोरोना (India Corona Updates) रुग्णांची संख्या दिवसेंदिवस कमी होणे, ही एक दिलासादायक बाब आहे. मार्च 2020 नंतर 16 जानेवारी रोजी पहिल्यांदा देशातील कोरोना रुग्णांची संख्या 100 च्या खाली पोहोचली होती.
आतापर्यंत 4,46 हून अधिक जणांना कोरोनाची लागण
देशात कोरोना विषाणूची लागण झालेल्या रुग्णांचा आकडा चार कोटींच्या पार गेला आहे. आतापर्यंत देशात एकूण 4,46 हून अधिक जणांना कोरोनाची लागण झाली आहे. देशात गेल्या 24 तासांत 131 नवीन कोरोना रुग्ण आढळले आहेत. सध्या देशात 1,940 सक्रिय रुग्ण आहेत. तसेच आतापर्यंत कोरोना विषाणूने 5 लाख 30 हजारांहून अधिक रुग्णांचा बळी घेतला आहे.
XBB.1.5 आणि BF.7 व्हेरियंटचे रुग्ण किती?
चीन, जपान, अमेरिका आणि दक्षिण कोरियामध्ये कोरोना रुग्णांची संख्या झपाट्याने वाढत आहे. विशेषत: चीनमध्ये मृतांचा आकडा दिवसेंदिवस वाढताच आहे. परदेशातून येणाऱ्या प्रवाशांनी विमानतळावर कोविड चाचणी (Covid Test) करण्यात येत आहे. जगभरात कोरोनाचा (Covid19) कहर पाहता खबरदारी म्हणून ही पाऊले उचलली जात आहेत. कोरोना रुग्णांचे नमुने जीनोम सिक्वेंसिंगसाठी पाठवण्यात येत आहेत. जगभरात कहर माजवणाऱ्या XBB.1.5 आणि BF.7 व्हेरियंटचे रुग्ण वाढत आहेत. देशात सध्या XBB.1.5 व्हेरियंटच्या रुग्णांची संख्या 26 वर पोहोचली आहे. याशिवाय BF.7 व्हेरियंटचे भारतात 14 रुग्ण सापडले आहेत. महाराष्ट्र, दिल्ली, गुजरात बंगाल येथे XBB चे रुग्ण सापडले आहेत.
महत्त्वाच्या इतर बातम्या
महत्त्वाच्या बातम्या
ट्रेंडिंग न्यूज
and tablets
