Lok Sabha Election 2024 : काँग्रेस अध्यक्ष मल्लिकार्जुन खरगेंनी निर्णायक यूपी, महाराष्ट्र, तेलंगणा अन् दक्षिणेचा निकालच सांगून टाकला!
राजस्थान आणि मध्य प्रदेशातही आमच्या जागा वाढतील. यूपीमध्ये आमची आघाडी आहे, अशा स्थितीत भाजप कोणत्या आधारावर 400 जागा जिंकण्याचा नारा देत आहे, असा माझा प्रश्न असल्याचे ते म्हणाले.
Congress National President Mallikarjun Kharge : काँग्रेस अध्यक्ष मल्लिकार्जुन खरगे यांनी पंतप्रधान नरेंद्र मोदींवर सडकून टीका केली आहे. लोक त्यांना सत्तेवरून बेदखल करतील, असा घणाघात त्यांनी केला. ते म्हणाले की, लोकसभा निवडणुकीसाठी आतापर्यंत झालेल्या मतदानाच्या सहा टप्प्यांतून असे दिसते की विरोधी आघाडी 'इंडिया' सरकार स्थापन करेल. तेलंगणा, कर्नाटक, महाराष्ट्र तामिळनाडू आणि केरळमध्ये काँग्रेस वाढून असेल, असा दावा मल्लिकार्जुन खरगे यांनी केला. राजस्थान आणि मध्य प्रदेशातही आमच्या जागा वाढतील. यूपीमध्ये आमची आघाडी आहे, अशा स्थितीत भाजप कोणत्या आधारावर 400 जागा जिंकण्याचा नारा देत आहे, असा माझा प्रश्न असल्याचे ते म्हणाले.
#WATCH | Congress national president Mallikarjun Kharge says, "Whatever he (PM Modi) may say, the people of the country have decided that they won't accept the leadership of PM Modi. Inflation and unemployment have worked in this election. The issue of the constitution and… pic.twitter.com/hf84Rj9Jzh
— ANI (@ANI) May 31, 2024
काय म्हणाले मल्लिकार्जुन खरगे?
मल्लिकार्जुन खरगे यांना विचारण्यात आले की, सातव्या टप्प्यातील निवडणुका काही तासांत होणार आहेत. विरोधक हे कसे पाहत आहेत कारण पंतप्रधान मोदींना त्यांच्या विजयाबद्दल पूर्ण खात्री आहे. प्रत्युत्तरात खरगे म्हणाले, "ते (पीएम मोदी) काहीही म्हणतील, पण लोकांनी ठरवले आहे की त्यांना त्यांचे (पीएम मोदी) नेतृत्व स्वीकारायचे नाही."
ते पुढे म्हणाले की, 'महागाई आणि बेरोजगारीने या निवडणुकीत चांगले काम केले आहे. संविधान आणि लोकशाही लोकांच्या मनात घर करून आहे. अशा परिस्थितीत त्यांना (भाजप) आंध्र प्रदेशात काही मिळेल, पण तेलंगणा आणि कर्नाटकात काँग्रेसला संधी मिळेल. केरळ आणि तामिळनाडूमध्येही काँग्रेस आघाडीवर आहे. मध्य प्रदेशातही काँग्रेसच्या जागा वाढतील. यूपीमध्ये सपासोबत एकत्र लढल्याने काँग्रेसच्या जागा वाढतील. अशा स्थितीत एनडीएला 400 जागा मिळतील असे भाजप कशाच्या आधारे सांगत आहे?
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
