Breaking News LIVE | राज्यात आज 6397 कोरोना बाधीत रुग्णांची वाढ

Breaking News LIVE Updates, 1 March 2021 : दिवसभरातील ताज्या घडामोडी, महत्त्वाचे अपडेट्स या लाईव्ह ब्लॉगमध्ये आपल्याला मिळतील. देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर महत्वाचे अपडेट लाईव्ह ब्लॉगमध्ये...

Background

राज्यात कोरोना बाधित रुग्णसंख्येचा आलेख चढताच! निर्बंध वाढवण्याची शक्यता

 

राज्यात कोरोनाबाधितांची संख्या सातत्याने वाढतच आहे. आज (28 फेब्रुवारी) पुन्हा एकदा कोरोनाबाधितांच्या संख्येत वाढ पाहायला मिळाली. मागील 24 तासाच महाराष्ट्रात 8 हजार 293 नव्या कोरोनाबाधित रुग्णांची नोंद झाली आहे. सोबतच आज कोरोनामुळे 62 जणांचा मृत्यू झाला आहे. आज 3753 रुग्ण कोरोनातून बरे झाले आहेत. राज्यात एकूण 20 लाख 24 हजार 704 रुग्ण बरे घरी परतले आहेत. सध्या राज्यातील अॅक्टिव्ह रुग्णांची संख्या 77 हजार 008 आहे. तर राज्यातील रुग्ण बरे होण्याचे प्रमाण आता 94.70 टक्के झालं आहे.

 

पूजा चव्हाण प्रकरण : आंदोलन करणाऱ्या तृप्ती देसाई, शांताबाई चव्हाण यांना पोलिसांची नोटीस

 

माजी मंत्री संजय राठोड यांच्या विरोधात गुन्हा दाखल करण्यात यावा या मागणीसाठी वानवडी पोलीस ठाण्याबाहेर आंदोलन करणाऱ्या सामाजिक कार्यकर्त्या तृप्ती देसाई आणि शांताबाई चव्हाण यांना वानवडी पोलिसांनी नोटीस बजावली आहे. तृप्ती देसाई आणि शांताबाई चव्हाण पोलिसांवर दबाव टाकत असल्याचा आरोप करत वरिष्ठ पोलीस निरीक्षक दिपक लगड यांनी ही नोटीस बजावली आहे.

 

'कोविड-19' लसीकरणाच्या तिसऱ्या टप्प्यासाठी बृहन्मुंबई महानगरपालिका सुसज्ज

 

केंद्र शासनाच्या आदेशानुसार 'कोविड-19' लसीकरणाचा तिसरा टप्पा सोमवारी 1 मार्च 2021 पासून सुरू होत आहे. या टप्प्यात वयाची 60 वर्षे पूर्ण केलेल्या ज्येष्ठ नागरिकांचे लसीकरण करण्यात येणार आहे. तसेच वयाची 45 वर्षे पूर्ण ते 60 वर्षांपर्यंत वय असणाऱ्या व सह-व्याधी (comorbidity) असणाऱ्या व्यक्तींचेही लसीकरण या तिसऱ्या टप्प्यामध्ये केले जाणार आहे, अशी माहिती बृहन्मुंबई महानगरपालिका प्रशासनाद्वारे देण्यात येत आहे. केंद्र शासनाकडून प्राप्त झालेल्या मार्गदर्शक सूचनांनुसार लसीकरणाचा तिसरा टप्पा महापालिकेच्या व शासकीय रुग्णालयांसह खासगी इस्पितळांमध्येही राबविण्यात येणार आहे.

22:48 PM (IST)  •  01 Mar 2021

राज्यात आज 6397 कोरोना बाधीत रुग्णांची वाढ झाली व आज नवीन 5754 कोरोना बाधित रुग्ण बरे झाले आहेत. एकूण 2030458 रुग्ण बरे होऊन रुग्णालयातून घरी पाठविण्यात आले आहेत. राज्यात एकूण 77618 अॅक्टिव्ह रुग्ण आहेत. राज्यातील रुग्ण बरे होण्याचे प्रमाण आता 93.94% झाले आहे.

22:53 PM (IST)  •  01 Mar 2021

राज्यात आज 6397 कोरोना बाधीत रुग्णांची वाढ झाली असून, आज नवीन 5754 कोरोना बाधित रुग्ण बरे झाले आहेत. एकूण 2030458 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 77618 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 93.94% झाले आहे अशी माहिती राज्याचे आरोग्यमंत्री राजेश टोपे यांनी ट्विटरच्या माध्यमातून दिली

22:23 PM (IST)  •  01 Mar 2021

बोईसर तारापूर औद्योगिक कार्यक्षेत्रातील प्लॉट नंबर H 3/1 या कंपनीला दुपारी अचानक लागलेल्या आगीमध्ये तीन कामगार भाजल्याने गंभीर जखमी झाले आहेत त्यांना नवी मुंबईच्या ऐरोली येथील बर्न हॉस्पिटल मध्ये दाखल करण्यात आल आहे गणेश मोकणार 33,कुबेर मदनापूर 33 आणि धृप पांडे 35 अशी गंभीर जखमींची नावे आहेत आग लागल्यानंतर तारापूर अग्निशमन दलाच्या दोन गाड्या घटनास्थळी दाखल होऊन तातडीने आग आटोक्यात आणली म्हणून पुढील मोठा अनर्थ टळला

22:31 PM (IST)  •  01 Mar 2021

इंदापूर तालुक्यातून चोरीस गेलेले तब्बल 29 नवे फ्रीज परभणी पोलिसांनी जप्त केले आहेत. शहरातील वसमत रोड वरील भालेराव कॉम्प्लेक्समधून हे फ्रीज पोलिसांनी जप्त केले आहेत. परभणी शहरातील वसमत रस्त्यावरील भालेराव कॉम्प्लेक्समध्ये काही संशयास्पद वस्तू ठेवल्याची माहिती स्थानिक गुन्हे शाखेच्या पथकाला मिळाली, त्यावरून या पथकाने सदर ठिकाणी जाऊन पाहणी केली असता या कॉम्प्लेक्समधील एका रूममध्ये तब्बल 29 नवे फ्रिज असल्याची बाब पोलिसांच्या तपासणीत उघड झाली. त्यावेळी पोलिसांनी केलेल्या चौकशीत रांजणगाव पुणे येथील कंपनीचे रजिस्ट्रेशन असलेले हे नवे फ्रीज इंदापूर येथून चोरी गेलेले असल्याची माहिती पोलिसांना मिळाली या फ्रीज चोरीचा गुन्हाही इंदापूर पोलीस स्टेशनमध्ये दाखल करण्यात आलेला आहे. स्थानिक गुन्हे शाखेच्या पथकाने सदर 29 फ्रीज जप्त करून नवामोंढा पोलिस ठाण्यामध्ये ठेवले असून या प्रकरणात भेंडेकर नावाच्या व्यक्तीला ही अटक करण्यात आलेली आहे.

22:29 PM (IST)  •  01 Mar 2021

बोईसर तारापूर औद्योगिक कार्यक्षेत्रातील प्लॉट नंबर H 3/1 या कंपनीला दुपारी अचानक लागलेल्या आगीमध्ये तीन कामगार भाजल्याने गंभीर जखमी झाले आहेत. त्यांना नवी मुंबईच्या ऐरोली येथील बर्न हॉस्पिटलमध्ये दाखल करण्यात आल आहे. गणेश मोकणार 33, कुबेर मदनापूर 33 आणि धृप पांडे 35 अशी गंभीर जखमींची नावे आहेत. आग लागल्यानंतर तारापूर अग्निशमन दलाच्या दोन गाड्या घटनास्थळी दाखल होऊन तातडीने आग आटोक्यात आणली म्हणून पुढील मोठा अनर्थ टळला.