बंगालमध्ये हिंसाचार सुरु असतानाच वक्फ कायद्याविरोधात थलापती विजय यांच्या पक्षाचा सुद्धा मोठा निर्णय
वक्फ कायदा, 1995 चे नाव देखील बदलून युनिफाइड वक्फ मॅनेजमेंट, एम्पॉवरमेंट, एफिशियन्सी अँड डेव्हलपमेंट (UMEED) कायदा, 1995 असे करण्यात आले आहे.
Thalapathy Vijay on Waqf Act : वक्फ सुधारणा कायदा लागू झाल्यानंतरही वाद थांबण्याची चिन्हे दिसत नाहीत. या कायद्याविरुद्ध विरोधी पक्ष आणि मुस्लिम संघटनांच्या निषेधादरम्यान, सर्वोच्च न्यायालयात त्याच्या बाजूने अनेक याचिका दाखल करण्यात आल्या आहेत. या संदर्भात आता तमिळ चित्रपट अभिनेता थलापती विजय यांच्या पक्षाने सर्वोच्च न्यायालयात याचिका दाखल केली. दक्षिणेतील चित्रपट सुपरस्टार आणि राजकारणी थलपथी विजय यांच्या पक्ष तमिलगा वेत्री कळघम (TVK) ने वक्फ दुरुस्ती कायदा 2025 ला सर्वोच्च न्यायालयात आव्हान दिले आहे. या कायद्याविरुद्ध दाखल केलेल्या याचिकांवर 16 एप्रिल 2025 रोजी सुनावणी होणार आहे.
नवीन वक्फ कायद्याविरुद्ध याचिका
तथापि, या कायद्याच्या समर्थनार्थ सर्वोच्च न्यायालयात अनेक याचिका दाखल करण्यात आल्या आहेत. या प्रकरणी केंद्र सरकारने सर्वोच्च न्यायालयात कॅव्हेट याचिकाही दाखल केली आहे. या याचिकेत केंद्राने न्यायालयाला आवाहन केले आहे की, या प्रकरणात कोणताही आदेश देण्यापूर्वी केंद्र सरकारचे युक्तिवाद देखील ऐकावेत. केंद्र सरकारचे म्हणणे आहे की न्यायालयाने सुनावणीशिवाय कोणताही एकतर्फी आदेश देऊ नये.
अभिनेता विजय यांचा पक्ष टीव्हीके सर्वोच्च न्यायालयात पोहोचला
केंद्र सरकारने कॅव्हेट याचिकेत स्पष्ट केले आहे की, या महत्त्वाच्या प्रकरणात त्यांची बाजू मांडण्याची पूर्ण संधी त्यांना देण्यात यावी, जेणेकरून न्यायालय कोणताही निर्णय देताना केंद्राचे युक्तिवाद देखील समाविष्ट करता येतील. अर्थसंकल्पीय अधिवेशनात संसदेच्या दोन्ही सभागृहांनी मंजूर केलेल्या वक्फ (सुधारणा) विधेयक, 2025 ला राष्ट्रपती द्रौपदी मुर्मू यांची मंजुरी मिळाली आहे.
16 एप्रिल रोजी सर्वोच्च न्यायालयात सुनावणी होणार
यासंदर्भातील राजपत्र अधिसूचना जारी झाल्यानंतर, वक्फ कायदा, 1995 चे नाव देखील बदलून युनिफाइड वक्फ मॅनेजमेंट, एम्पॉवरमेंट, एफिशियन्सी अँड डेव्हलपमेंट (UMEED) कायदा, 1995 असे करण्यात आले आहे. विरोधी पक्ष आणि अनेक मुस्लिम संघटनांच्या विरोधाला न जुमानता, लोकसभेने 3 एप्रिल रोजी आणि राज्यसभेने 4 एप्रिल रोजी याला मान्यता दिली. लोकसभेत त्याच्या बाजूने 288 आणि विरोधात 232 मते पडली, तर वरिष्ठ सभागृहात त्याच्या बाजूने 128 आणि विरोधात 95 मते पडली.
इतर महत्वाच्या बातम्या
महत्त्वाच्या बातम्या
