Agriculture news : मराठवाड्यात पावसाची ओढ, डोळ्यादेखत हिरव्यागार पिकांची राख रांगोळी 

Agriculture news : पावसाअभावी शेतकऱ्यांची (Farmers) खरीपातील पिकं वाया जात आहेत. त्यामुळं शेतकरी चिंतेत आहे. दिवसेंदिवस मराठवाड्यातील (Marathwada) परिस्थिती तर अतिशय विदारक होत चालली आहे.

Agriculture news Marathwada

Agriculture news : गेल्या काही दिवसापासून राज्यात पावसानं (Rain) दडी मारली आहे. पावसाअभावी शेतकऱ्यांची (Farmers) खरीपातील पिकं वाया जात आहेत. त्यामुळं शेतकरी चिंतेत आहे. दिवसेंदिवस मराठवाड्यातील (Marathwada) परिस्थिती तर अतिशय विदारक होत चालली आहे. पावसानं ओढ दिल्यानं डोळ्यादेखत हिरव्यागार पिकांची डोळ्यादेखत राख रांगोळी होत आहे. 

वैजापूर तालुक्यातही भीषण परिस्थिती 

मराठवाड्यातील शेतकरी सध्या चिंतेत आहेत. कारण पाण्याअभावी शेतकऱ्यांची उभी पिकं जळू लागली आहेत. पावासानं गेल्या अनेक दिवसापासून ओढ दिली आहे. पावसानं ओढ दिल्यानं डोळ्यादेखत हिरव्यागार पिकांची राख रांगोळी होत आहे. छत्रपती संभाजीनगर (Chhatrapati sambhaji nagar) जिल्ह्यातील वैजापूर तालुक्यातही भीषण परिस्थिती झाली आहे. शेतकऱ्यांची पिकं वाया जात आहेत. नजर पोहोचेल तिथपर्यंत पिक वाळली आहेत. मेहनत करुन पेरलेली पिकं वाया जात असल्यानं शेतकरी चिंतेत आहेत.  

15  जिल्ह्यात पावसाच्या सरासरीत मोठी तूट 

राज्यातील 15  जिल्ह्यात पावसाच्या सरासरीत मोठी तूट निर्माण झाली आहे. सरासरीच्या उणे 20 टक्क्यांहून अधिक तूट आहे. ऑगस्ट महिन्यात पावसाने पाठ फिरवल्यानंतर, सगळ्यांचे डोळे आभाळाकडे लागले आहेत. पुढील काही दिवस पावसाची शक्यता नाही  पिण्याच्या पाण्याचा प्रश्न निर्माण होण्याची चिन्ह  आहेत. 1 जूनपासून जालन्यात फक्त 54 टक्के पाऊस, सांगली जिल्ह्यात फक्त 56 टक्के पाऊस, अमरावतीत सरासरीच्या फक्त 69 टक्के पाऊस झाला आहे. ऑगस्ट महिन्यात पावसाने पाठ फिरवल्यानंतर, सगळ्यांचे डोळे आभाळाकडे लागले आहेत. पावसाअभावी शेतकऱ्यांची पिकं माना टाकू लागली आहेत. त्यामुळ आता पावसाची गरज आहे, अन्यथा पाणीटंचाईची समस्या निर्माण होऊ शकते. कमी पावसामुळं राज्यात दुष्काळाची चाहूल लागली आहे. पिण्याच्या पाण्याबरोबरच चाऱ्याचा प्रश्न देखील निर्माण होण्याची शक्यता निर्माण झाली आहे. 

आत्तापर्यंत देशात सरासरीच्या 91 टक्के पाऊस

देशातील काही भागात सध्या चांगला पाऊस (Rain) झाला आहे. तर काही भागात अद्यापही पावसाची प्रतीक्षा कायम आहे. दरम्यान, हवामान विभागानं (IMD) दिलेल्या माहितीनुसार 1 जूनपासून आत्तापर्यंत देशात सरासरीच्या 91 टक्के पाऊस झाला आहे. दरवर्षी 30 ऑगस्टपर्यंत देशात 687 मिमी सर्वसाधारणपणे पाऊस होत असतो, यावर्षी मात्र प्रत्यक्षात 627 मिमी पावसाची नोंद झाल्याची माहिती भारतीय हवामान विभागानं दिली आहे. केरळसह (Kerala) महाराष्ट्रात (Maharashtra) पावसाची मोठी तूट असल्याची माहिती हवामान विभागानं दिली आहे. 

महत्त्वाच्या बातम्या: