Beed Crime News : 'तुम्ही आतमध्ये आहात म्हणून वाचलात, नाहीतर बेक्कार पद्धतीने मारलं असतं', कराड गँगची महादेव गित्तेंना धमकी; पत्नीचा खळबळजनक दावा
Beed Crime News : बीड जिल्हा मध्यवर्ती कारागृहात काही दिवसांपूर्वी हाणामारी झाली होती. अशातच या प्रकरणात आता महादेव गीते यांच्या पत्नी मीरा गित्ते यांनी खळबळजनक दावा करत काही गंभीर आरोप केले आहेत.
Walmik Karad & Mahadev Gitte: बीडच्या कारागृहात वाल्मिक कराड (Walmik Karad) आणि बबन गित्ते गँगचे महादेव गित्ते (Mahadev Gite) एकमेकांना भिडल्याचे समोर आले. मस्साजोग गावचे सरपंच सरपंच संतोष देशमुख हत्या प्रकरणातील मुख्य आरोपी असलेल्या वाल्मिक कराड याच्या सांगण्यावरूनच सुदर्शन घुले (Sudarshan Ghule),प्रतीक घुले आणि त्याच्या साथीदारांनी कारागृहात आम्हाला मारहाण केल्याची तक्रार महादेव गित्ते (Mahadev Gitte),राजेश वाघमोडे यांनी कारागृह अधीक्षक यांच्याकडे केली आहे. हा सर्व प्रकार सीसीटीव्हीत कैद झाला असून त्यांच्यावर गुन्हा दाखल करावा, अशी मागणी महादेव गित्ते यांनी कारागृह अधीक्षकांकडे केली आहे.
अशातच या प्रकरणात आता महादेव गित्ते यांच्या पत्नी मीरा गित्ते यांनी खळबळजनक दावा करत काही गंभीर आरोप केले आहेत. महादेव गित्ते यांनी जे पत्र दिलं आहे त्या पत्रात त्या दिवशीच्या सीसीटीव्ही फुटेजची मागणी करण्यात आली आहे. ते सीसीटीव्ही फुटेज त्यांनी आम्हाला द्यावे, सीसीटीव्ही फुटेज द्यायला प्रशासन का वेळ लावत आहेत? असा सवाल मीरा गित्ते यांनी केला आहे.
महादेव गित्ते कराडला जड जात आहेत म्हणूनच त्यांना इतरत्र हलवले- मीरा गित्ते
दरम्यान ही झालेली मारहाण पोलिसांच्या लाठीकाठीने केली आहे. संतोष देशमुख यांच्या हत्येतील आरोपीनी महादेव गित्ते याला धमकी दिली आहे. त्यात म्हटले आहे की, 'आज तुम्ही आतमध्ये आहेत म्हणून वाचला आहात. बाहेर असला असता तर तुम्हाला आणखी बेकार पद्धतीने मारला असतं' जेलमध्ये असताना हे आरोपी असे बोलू शकतात तर बाहेर काय केलं असतं? असा प्रश्नही महादेव गीते यांच्या पत्नी मीरा गित्ते यांनी यावेळी उपस्थित केला आहे. वाल्मिक कराडला जेलमध्ये सोयी सुविधा भेटण्यासाठी महादेव गित्ते जड जात आहेत म्हणूनच त्यांना इतरत्र हलवले असल्याचे ही मीरा गित्ते म्हणाल्या.
कारागृहातील भांडणाचा मास्टरमाईंड वाल्मिक कराडच, महादेव गित्तेची तक्रार
सरपंच संतोष देशमुख हत्या प्रकरणातील मुख्य आरोपी असलेल्या वाल्मिक कराड याच्या सांगण्यावरूनच सुदर्शन घुले, प्रतीक घुले आणि त्याच्या साथीदारांनी कारागृहात आम्हाला मारहाण केल्याची तक्रार महादेव गित्ते, राजेश वाघमोडे यांनी कारागृह अधीक्षक यांच्याकडे केली आहे. हा सर्व प्रकार सीसीटीव्हीत कैद झाला असून त्यांच्यावर गुन्हा दाखल करावा अशी मागणी महादेव गित्ते यांनी कारागृह अधीक्षकांकडे केली आहे.
महादेव गीतेने केलेल्या तक्रारीत मी आणि माझे सहकारी 31 मार्च रोजी सकाळी बाहेर पडलो यावेळी वाल्मिक यांच्या सांगण्यावरून सुदीप सोनवणे, सुदर्शन घुले, प्रतीक घुले, रघुनाथ फड,बालाजी दहिफळे, हैदर अली,लईक अली,योगेश मुंडे,जगन्नाथ फड व त्याच्या साथीदारांनी आमच्यावर हल्ला केला. ही सर्व घटना सीसीटीव्हीत कैद आहे ते तपासून गुन्हा दाखल करावा, असे म्हटले आहे.
वाल्मिक कराड,सुदर्शन घुले व प्रतीक घुले आणि त्यांचे साथीदार हे बीडच्या कारागृहात आहेत. तर परळीतील सरपंच बापू आंधळे खून प्रकरणातील बबन गीते गॅंग मधील महादेव गीते आणि त्याचे साथीदारही याच कारागृहात होते. 31 मार्च रोजी या सर्वांना फोन लावण्यासाठी बॅरॅकमधून बाहेर काढण्यात आले.यावेळी कराड आणि गित्ते गॅंगमध्ये शाब्दिक चकमक होऊन हाणामारी झाली होती.
हे ही वाचा
महत्त्वाच्या बातम्या
