Baby John Teaser : जॅकी श्रॉफसमोर दिग्गज खलनायकही फेल, 'बब्बर शेर' बनून जग्गू दादा करणार बॉक्स ऑफिसवर धमाका

Jackie Shroff First Look From Baby John : वरुण धवनच्या आगामी बेबी जॉन चित्रपटात अभिनेता जॅकी श्रॉफ खलनायकाच्या भूमिकेत दिसणार आहे, ज्याचा फर्स्ट लूक समोर आला आहे.

Jackie Shroff First Look From Baby John

Source : insta

Jackie Shroff First Look From Baby John : अभिनेता वरुण धवनच्या आगामी 'बेबी जॉन' चित्रपटाची चाहते आतुरतेने वाट पाहत आहेत. ख्रिसमसच्या मुहूर्तावर बेबी जॉन चित्रपट थिएटरमध्ये दाखल होणार आहे. त्याआधीच या चित्रपटाची जोरदार चर्चा सुरु आहे. या चित्रपटामध्ये अभिनेता जॅकी श्रॉफ खलनायकाच्या भूमिकेत दिसणार आहे. बेबी जॉन चित्रपटातील जॅकी श्रॉफचा फर्स्ट लूक समोर आला आहे, ज्यामुळे चाहत्यांना आश्चर्याचा धक्का बसला आहे. 'बब्बर शेर' जॅकी श्रॉफचा लूक पाहून या चित्रपटाची उत्कंठा आणखी वाढली आहे.

जॅकी श्रॉफसमोर दिग्गज खलनायकही फेल

वरुण धवनच्या बेबी जॉन चित्रपटात अभिनेत जॅकी श्रॉफ खलनायक 'बब्बर शेर'च्या भूमिकेत दिसणार (Jackie Shroff First Look From Baby John Movie) आहे. दसऱ्याच्या मुहूर्तावर  जग्गू दादाच्या लूकचा टीझर निर्मात्यांनी शेअर केला आहे. ज्यामध्ये जॅकी श्रॉफचं रौद्र रुप दिसत आहे. लांब पांढरे केस आणि चेहऱ्यावरचे गंभीर हावभाव असा जॅकी श्रॉफचा लूक चाहत्यांच्या चांगलाच पसंतीस पडला आहे. कॅलिस दिग्दर्शित बेबी जॉन चित्रपटाचा टीझर पाहिल्यानंतर प्रेक्षक आता चित्रपटाची आतुरतेने वाट पाहत आहेत.

'बब्बर शेर' बनून जग्गू दादा करणार धमाका

वरुण धवनचा आगामी चित्रपट 'बेबी जॉन' यंदाच्या ख्रिसमसला ॲक्शन एंटरटेंनमेंट घेऊन येणार असल्याचं मानलं जात आहे. अनेक महिन्यांपासून या चित्रपटाची चर्चा सुरू होती. याचित्रपटातील वरुण धवनचा लूक आधीच समोर आला आहे आणि आता निर्मात्यांनी जॅकी श्रॉफचा घातक अवतारही प्रेक्षकांसमोर आणला आहे. जिओ स्टुडिओजने दसऱ्याच्या मुहूर्तावर 'बेबी जॉन' चित्रपटातील अभिनेता जॅकी श्रॉफचा किलर लूक उघड केला. ज्यामध्ये जॅकू श्रॉफचा लूक थरकाप उडवणारा आहे. या हाय-ऑक्टेन ॲक्शन चित्रपटात अभिनेता जॅकी श्रॉफ खलनायकाच्या भूमिकेत दिसणार आहे.

पोस्टरमध्ये अभिनेता जॅकी श्रॉफ लांब केस, जुनी अंगठी आणि गळ्यात चैन घातलेला दिसत आहे. 'बेबी जॉन' चित्रपटासाठी चाहत्यांमध्ये आधीच उत्सुकता आहे. या चित्रपटातून पहिल्यांदाच वरुण धवन जबरदस्त ॲक्शन चित्रपटात दिसणार आहे. कॅलिस दिग्दर्शित 'बेबी जॉन' हा एक मेगा-बजेट चित्रपट आहे.

'बेबी जॉन' चित्रपटातील जॅकी श्रॉफचा फर्स्ट लूक

 

 

 

 

 

View this post on Instagram

 

 

 

 

 

 

 

 

 

 

 

A post shared by VarunDhawan (@varundvn)

महत्त्वाच्या इतर बातम्या :