(Source: ECI/ABP News/ABP Majha)
Mercedes-Benz ने सादर केली AMG Vision Gran Turismo सुपर कार; फिचर्स पाहून तुम्हीही थक्क व्हाल
Mercedes-Benz Car : नवीन कॉन्सेप्ट कारबद्दल बोलायचे झाल्यास या कारला लो स्टॅन्स, कंटूर आणि हाय-टेक घटकांसह फ्युचरिस्टिक लूक देण्यात आला आहे.
Mercedes-Benz Car : दिग्गज कार निर्माता कंपनी मर्सिडीज-बेंझ ही ग्राहकांसाठी नवनवीन अपडेट घेऊन येत असते. नुकतीच मर्सिडीज-बेंझने मुंबईतील नीता मुकेश अंबानी कल्चरल सेंटरमध्ये (Neeta Mukesh Ambani Cultural Centre) मर्सिडीज-बेंझ (Mercedes-Benz) एएमजी व्हिजन ग्रॅन टुरिस्मो संकल्पनेवर आधारित या आपल्या नव्या कारचे अनावरण केलं आहे. ही संकल्पनेवर आधारित कार आहे. नीता मुकेश अंबानी कल्चर सेंटरमध्ये 2024 पर्यंत ही कार प्रदर्शनात असणार आहे. यामुळे ग्राहकांना QR कोड वापरून कारच्या व्हिडीओशी संवाद साधता येईल. Vision Maybach 6 आणि Concept EQG नंतर मर्सिडीज-बेंझने भारतात प्रदर्शित केलेली ही तिसरी संकल्पना कार आहे. या कारची आणखी कोणती वैशिष्ट्य आहेत तसेच कोणते नवीन अपडेट पाहायला मिळतील या संदर्भात अधिक माहिती जाणून घेऊयात.
मर्सिडीज-बेंझ एएमजी व्हिजन ग्रॅन टुरिस्मो (Mercedes-Benz AMG Vision Gran Turismo)
नवीन कॉन्सेप्ट कारबद्दल बोलायचे झाल्यास या कारला लो स्टॅन्स, कंटूर आणि हाय-टेक घटकांसह फ्युचरिस्टिक लूक देण्यात आला आहे. ही कॉन्सेप्ट कार 585 bhp आणि 800 Nm टॉर्क जनरेट करण्यास सक्षम आहे. याच्या व्यतिरिक्त, यामध्ये अँगल हेडलॅम्प आहेत. रेडिएटर ग्रिल हे 1952 च्या प्रसिद्ध 300 SL रेसिंग कारची आठवण करून देणाऱ्या मर्सिडीज-बेंझ स्पोर्ट्स कार ग्रिल चे क्लासिक उदाहरण आहे. ग्रिलमध्ये क्लासिक लूव्हर्सऐवजी LEDs आहेत.
EQG कारदेखील सादर
भारत मोबिलिटी शो (Bharat Mobility Show) 2024 मध्ये प्रदर्शित करण्यात आलेला, EQG ला सर्वात आधी या वर्षाच्या सुरुवातीला कन्झ्युमर इलेक्ट्रॉनिक्स शो (CES) मध्ये दिसला होता. मर्सिडीज-बेंझ या वर्षाच्या शेवटी ऑल-इलेक्ट्रिक EQG ची उत्पादन आवृत्ती लॉन्च करेल अशी अपेक्षा आहे. EQG बद्दलचे अनेक डिटेल्स अद्यापही सांगण्यात आलेले नाहीत. मात्र, नव्यानेच सादर करण्यात आलेल्या या कारच्या संदर्भात ग्राहकांना तसेच मर्सिडीजच्या चाहत्यांना उत्सुकता लागली आहे. पण, इलेक्ट्रिक G-Class बद्दल बऱ्याच गोष्टी उलगडण्यात आलेल्या आहेत.
ही इलेक्ट्रिक एसयूव्ही (Electric SUV) बॉडी-ऑन-फ्रेम आर्किटेक्चरवर आधारित असेल. जी विशेषतः इलेक्ट्रिक वाहनांसाठी विकसित केली गेली आहे. ड्राईव्हट्रेनच्या घटकांचे संरक्षण करण्यासाठी यात कार्बन केव्हलर अंडरबॉडी पॅनेल आहेत, तर स्वतंत्र फ्रंट सस्पेन्शन आणि कडक मागील एक्सल त्याच्या राईडची गुणवत्ता वाढवतात.
महत्त्वाच्या बातम्या :
Best Cars Under 15 Lakh : कार घेण्याचा विचार करताय? बाजारात 15 लाख रुपयांपेक्षाही कमी किंमतीत उपलब्ध आहेत 'या' बेस्ट कार; तुम्ही कोणती खरेदी कराल?
महत्त्वाच्या बातम्या
ट्रेंडिंग न्यूज
