Sujay vikhe : सुजय विखे आणि संग्राम जगताप कार्यकर्त्यांच्या खांद्यावर, नगरमध्ये भव्य शक्तीप्रदर्शन

Ahmednagar Lok Sabha : सुजय विखे आज उमेदवारी अर्ज दाखल करणार आहेत. उमेदवारी अर्ज दाखल करण्यापूर्वी भव्य रॅलीच्या माध्यमातून सुजय विखे यांच्याकडून अहमदनगरमध्ये जोरदार शक्तीप्रदर्शन करण्यात आले.

Sujay Vikhe

Source : ABP Majha Reporter, Ahmednagar

अहमदनगर : नगर दक्षिण लोकसभा मतदारसंघासाठी (Ahmednagar Lok Sabha Constituency) भाजपकडून पुन्हा एकदा विद्यमान खासदार सुजय विखे (Sujay Vikhe) यांना उमेदवारी देण्यात आली. सुजय विखे आज आपला उमेदवारी अर्ज दाखल करणार आहेत. उमेदवारी अर्ज दाखल करण्यापूर्वी भव्य रॅलीच्या माध्यमातून सुजय विखे यांच्याकडून अहमदनगरमध्ये जोरदार शक्तीप्रदर्शन करण्यात आले आहे. 

विशेष म्हणजे यावेळी संग्राम जगताप (Sangram Jagtap) देखील सहभागी झाले आहेत. कार्यकर्त्यांनी सुजय विखे आणि संग्राम जगताप यांना आपल्या खांद्यावर उचलून घेतले होते. अहमदनगरच्या माळीवाडा बस स्थानक येथील छत्रपती शिवाजी महाराज पुतळ्याला अभिवादन करून रॅलीला सुरुवात झाली आहे. माळीवाडा ते नवी पेठ मार्गे रॅली, दिल्ली गेटपर्यंत ही रॅली जाणार असून दिल्ली गेट येथे छोटेखाणी सभा पार पडणार आहे. 

जनता आपल्यालाच मतदान करणार - सुजय विखे 

त्यानंतर सुजय विखे अहमदनगर जिल्हाधिकारी कार्यालयात जाऊन आपला उमेदवारी अर्ज दाखल करणार आहेत. सुजय विखे हे दुसऱ्यांदा लोकसभा निवडणुकीच्या रिंगणात उतरले आहेत. महाविकास आघाडीचे उमेदवार निलेश लंके यांना सुजय विखे टक्कर देणार आहेत. नरेंद्र मोदी यांना पुन्हा पंतप्रधान करण्यासाठी जनता आपल्यालाच मतदान करणार असा विश्वास सुजय विखेंनी व्यक्त केला आहे. 

इतर महत्वाच्या बातम्या