LIVE UPDATE | राज्यात 15 ते 20 ऑक्टोबरपर्यंत निवडणुका लागतील : चंद्रकांत पाटील

Background

राज्यासह देश-विदेशातील महत्त्वाच्या बातम्यांचा आढावा एका क्लिकवर

1. विविध मागण्यांसाठी राज्यभरात शिक्षकांचं आंदोलन, आज शाळा बंद राहण्याची शक्यता, आझाद मैदानावर शिक्षकांचा एल्गार

2. साताऱ्यात येत्या 3 दिवसात अतिवृष्टीचा इशारा, सांगलीत एनडीआरएफची 2 पथके दाखल, तर खडकवासल्यातून विसर्ग वाढल्याने पुण्यातला भिडे पूल पुन्हा पाण्याखाली

3. देवेंद्र फडणवीस आणि भूपेंद्र यादवांच्या नेतृत्वात भाजपच्या निवडणूक समितीची आज बैठक, मतदारसंघ निहाय अहवालावर होणार चर्चा

4. अवधूत तटकरेंचा आज शिवसेनाप्रवेश, 13 सप्टेंबरला भास्कर जाधव स्वगृही परतण्याची शक्यता, तर नवी मुंबईत राष्ट्रवादीचे 55 नगरसेवक वेगळा गट स्थापन करणार

5. विक्रम लॅण्डर चंद्रावर सुस्थितीत, ऑर्बिटरकडून फोटो मिळाल्याची इस्रो प्रमुख के सिवन यांची माहिती, वैज्ञानिकांसह देशवासियांच्या आशा पल्लवित

6. स्पेनच्या राफेल नदालला अमेरिकन ओपनचं विजेतेपद, फायनलमध्ये रशियाच्या डॅनिल मेदवेदेवचा धुव्वा, नदालचं कारर्कीर्दीतलं 19वं ग्रॅडस्लॅम

22:53 PM (IST)  •  09 Sep 2019

साताऱ्यात काँग्रेसला आणखी एक धक्का, काँग्रेसचे जिल्हाध्यक्ष आनंदराव पाटील भाजपच्या वाटेवर, आनंदराव पाटील पृथ्वीराज चव्हाण यांचे निकटवर्तीय, येत्या काही दिवसात पदाचा राजीनामा देऊन भाजपमध्ये प्रवेश करणार

22:34 PM (IST)  •  09 Sep 2019

भाजप कोअर कमिटीची बैठक संपली, कुठल्याही क्षणी आचारसंहिता लागू शकते, 15 ते 20 ऑक्टोबरपर्यंत निवडणुका लागतील, चंद्रकांत पाटलांची माहिती, युतीच्या फॉर्म्युल्याबाबत चित्र आठवड्याभरात स्पष्ट होईल, अंतिम निर्णय मुख्यमंत्री, उद्धव ठाकरे आणि अमित शाह घेतील

22:02 PM (IST)  •  09 Sep 2019

कल्याण : अंबरनाथ-बदलापूर दरम्यान रेल्वे रुळाखालची खडी खचली, मध्य रेल्वेकडून रात्री 9 दरम्यान तातडीचा ब्लॉक, मुंबईकडे येणाऱ्या मार्गावर तीन लोकल थांबवल्या

19:39 PM (IST)  •  09 Sep 2019

मुंबई : काकाच्या आशीर्वादानेच पुतणे राजकारणात मोठे झाले हे अवधूत तटकरे विसरले, त्यांचा शिवसेनेत जाण्याचा निर्णय आत्मघातकी ठरेल, विरोधी पक्षनेते विजय वडेट्टीवार यांची टीका

19:03 PM (IST)  •  09 Sep 2019

रामदास कदम हे बंगालीबाबांना सोबत घेऊन फिरतात, शिवाय रामदास कदम हे दर अमावस्येला भगतगिरी करायचे असा गौप्यस्फोट माजी आमदार सूर्यकांत दळवी यांनी केला आहे, तर त्यावर रामदास कदम दळवी यांच्यावर अब्रुनुकसानाचा दावा ठोकणार असल्याचं एबीपी माझाशी बोलताना म्हटलं आहे.