Women Health: गर्भपात पुन्हा पुन्हा का होतो? उशीर होण्यापूर्वीच 'या' कारणांकडे वेळीच लक्ष द्या, अन्यथा पडेल महागात

Women Health: गर्भपात कोणत्याही स्त्रीला मानसिक, शारीरिक आणि भावनिकदृष्ट्या प्रभावित करतो. त्याची कारणे वेळीच लक्षात घेतली तर ते टाळण्यास मदत होऊ शकते.

Women Health lifestyle marathi news reason of miscarriages happen again

Source : google

Women Health: आई होणे हा कोणत्याही स्त्रीच्या आयुष्यातील एक सुंदर क्षण असतो. पण अनेक वेळेस कोणत्या ना कोणत्या कारणांमुळे महिलांचा गर्भपात झाल्याच्या घटना घडल्या. या गर्भपातामुळे अनेका महिलांचे आई होण्याचे सुख संपुष्टात येते. साधारणत: 20 व्या आठवड्यापूर्वी गर्भधारणा संपुष्टात येण्याला गर्भपात म्हणतात. ही स्थिती कोणत्याही स्त्रीला मानसिक, शारीरिक आणि भावनिकदृष्ट्या प्रभावित करते. याबाबत तज्ज्ञ काय सांगतात? जाणून घ्या..

तज्ज्ञ काय सांगतात?

तज्ज्ञांच्या मते, 10-20 टक्के गर्भधारणेमध्ये महिलांना याचा सामना करावा लागतो. यामागे अनेक कारणे असू शकतात, ज्याकडे वेळीच लक्ष दिल्यास ती टाळता येऊ शकतात. या संदर्भात एका वृत्तसंस्थेने घेतलेल्या मुलाखतीनुसार रोझवॉक हेल्थकेअरच्या वरिष्ठ सल्लागार प्रसूती आणि स्त्रीरोग डॉ. शैली सिंग यांनी याबाबत माहिती दिलीय.

गर्भपाताची सामान्य कारणे

डॉक्टर सांगतात, गर्भपाताच्या कारणांमध्ये अनेकदा गुणसूत्र विकृतींचा समावेश होतो. क्रोमोसोमल समस्यांमध्ये गर्भामध्ये खूप जास्त किंवा खूप कमी गुणसूत्रांचा समावेश होतो.

काहीवेळा हे आनुवंशिक परिस्थितीमुळे देखील असू शकते, क्रोमोसोममधील व्यत्ययामुळे गर्भाचा योग्य विकास होऊ शकत नाही, ज्यामुळे गर्भपात होऊ शकतो.

महिलांच्या शरीरातील हार्मोनल असंतुलन हे देखील याचे कारण आहे. कमी प्रोजेस्टेरॉन पातळी देखील गर्भाला गर्भाशयात योग्यरित्या रोपण करण्यापासून प्रतिबंधित करते, ज्यामुळे गर्भपात होऊ शकतो.

अनेक वेळा, गर्भाशयातील फायब्रॉइड्स किंवा गर्भाशयाचा अयोग्य आकार गर्भधारणा योग्यरित्या विकसित होऊ देत नाही.

ज्या महिलांना मधुमेह, थायरॉईड किंवा कोणताही आजार आहे, त्यांना देखील गर्भपात होण्याचा धोका असू शकतो. म्हणून, गर्भधारणेदरम्यान या परिस्थितींचे योग्य व्यवस्थापन करणे महत्वाचे आहे.

कधीकधी काही जिवाणू आणि विषाणूजन्य संसर्ग गर्भाचा योग्य विकास होऊ देत नाहीत आणि गर्भपात होऊ देत नाहीत.

स्त्रीचे वय 35 वर्षे किंवा त्यापेक्षा जास्त असले तरी गर्भपात होऊ शकतो. याचे कारण म्हणजे जुन्या अंड्यांमध्ये गुणसूत्रांचे असंतुलन जास्त असते.

आरोग्याच्या परिस्थितीमुळे काही स्त्रियांना गर्भपात होण्याची शक्यता असते. अशा परिस्थितीत, गर्भपात पुन्हा पुन्हा होऊ शकतो.

जर तुम्ही गर्भधारणेदरम्यान किंवा त्याआधीही जास्त प्रमाणात धूम्रपान किंवा मद्यपान केले तर गर्भपात होण्याचा धोका वाढू शकतो. कारण या गोष्टी वाढत्या गर्भाला हानी पोहोचवू शकतात.

गर्भधारणेपूर्वी किंवा दरम्यान तुमचे वजन जास्त असल्यास, यामुळे गर्भपात होण्याचा धोका देखील वाढू शकतो, म्हणून गर्भधारणेचे नियोजन करण्यापूर्वी तुमचे वजन नियंत्रित करण्याचा सल्ला दिला जातो.

जर तुम्हाला मधुमेह, पीसीओएस सारख्या समस्या असतील तर यामुळे गर्भपात देखील होऊ शकतो.

प्रजनन क्षमता सुधारण्यासाठी या टिप्सची मदत घ्या

• तज्ज्ञांचे म्हणणे आहे की, शरीरातील प्रोजेस्टेरॉन हार्मोनची पातळी सुधारण्यासाठी आहारात चॅस्टेबेरी चहाचा समावेश करा.
• प्रजनन क्षमता सुधारण्यासाठी, दररोज सकाळी 15 मिनिटे सूर्यप्रकाश घ्या. यामुळे अंड्याचा दर्जा सुधारतो आणि तणावही कमी होतो.
• कॅफिनचे सेवन कमी करा. जास्त प्रमाणात कॅफीन घेतल्याने शरीरात हार्मोनल असंतुलन देखील होऊ शकते.
• प्रोजेस्टेरॉन आणि इस्ट्रोजेन हार्मोन पातळी संतुलित करण्यासाठी, सूर्यफूल आणि तीळ आपल्या आहाराचा एक भाग बनवा. 
• हे प्रोजेस्टेरॉनचे कार्य सुधारते आणि इस्ट्रोजेन हार्मोनची पातळी देखील सुधारते.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )