Travel : नमो जी शंकरा..! मे महिन्यात 7 ज्योतिर्लिंग दर्शनाची सुवर्णसंधी फक्त 1074 रुपयांत? भारतीय रेल्वेचे 'हे' पॅकेज पाहिले? संपूर्ण माहिती जाणून घ्या
Travel : IRCTC ने मे महिन्यात सात ज्योतिर्लिंगांना भेट देण्यासाठी एक अद्भुत टूर पॅकेज आणले आहे. हे टूर पॅकेज 22 मे 2024 पासून सुरू होईल. पॅकेजचे भाडे आणि इतर माहिती जाणून घ्या..
Travel : एप्रिल, मे महिना आला की मुलांच्या परीक्षा संपतात, आणि उन्हाळी सुट्टी लागते. मग पालकही आपल्या व्यस्त कामातून वेळ काढून मुलांना तसेच आपल्या कुटुंबियांना फिरण्यासाठी प्लॅन करतात. आज आम्ही तुम्हाला भारतीय रेल्वेच्या (IRCTC) अशा एका पॅकेजबद्दल सांगत आहोत. जे तुमच्या बजेटमध्येही असेल, आणि एकदा का बुकींग केली की तुम्हाला हॉटेल, जेवण, फिरण्यापासून काहीही बघण्याची गरज नाही. ते सर्व प्लॅनिंग भारतीय रेल्वेमार्फत असणार आहे. जाणून घ्या..
मे महिन्यात 7 ज्योतिर्लिंग दर्शन यात्रा करा, ते ही बजेटमध्ये..
उन्हाळ्याच्या सुटीत जर तुम्हाला सात ज्योतिर्लिंगांना भेट द्यायची असेल, तर IRCTC तुमच्यासाठी एक उत्तम टूर पॅकेज लॉन्च करत आहे. या पॅकेजमध्ये, 7 ज्योतिर्लिंग दर्शन यात्रा भारतीय रेल्वे केटरिंग अँड टुरिझम कॉर्पोरेशन लिमिटेड (IRCTC) द्वारे ऋषिकेश रेल्वे स्थानकावरून भारत गौरव पर्यटक ट्रेनद्वारे आयोजित केली जात आहे. या यात्रेत ओंकारेश्वर, महाकालेश्वर, सोमनाथ, भेंट द्वारका, द्वारकाधीश मंदिर, नागेश्वर, त्र्यंबकेश्वर, घृष्णेश्वर आणि भीमाशंकर ज्योतिर्लिंगाचे दर्शन घेतले जाणार आहे. हे टूर पॅकेज 22 मे 2024 ते 2 जून 2024 या कालावधीत 11 रात्री ते 12 दिवसांसाठी असेल.
पॅकेजनुसार 'या' ठिकाणी भेट देण्यात येणार
भारत गौरव ट्रेनच्या या प्रवासादरम्यान पर्यटकांना ओंकारेश्वर, महाकालेश्वर, सोमनाथ, द्वारका, द्वारकाधीश मंदिर, नागेश्वर, त्र्यंबकेश्वर, घृष्णेश्वर आणि भीमाशंकर ज्योतिर्लिंगाचे दर्शन देण्यात येणार आहे.
वर्गानुसार, या ट्रेनमधील एकूण डब्ब्यांची संख्या 767 आहे, ज्यामध्ये 2 एसीच्या एकूण 49 जागा, 3 एसीच्या एकूण 70 जागा आणि स्लीपर कोचच्या एकूण 648 जागांचा समावेश आहे.
ऋषिकेश, हरिद्वार, मुरादाबाद, बरेली, शाहजहानपूर, हरदोई, लखनौ, कानपूर, ओराई, वीरांगना लक्ष्मीबाई, ललितपूर येथून प्रवासी या ट्रेनमध्ये चढू किंवा उतरू शकतात.
या पॅकेजमध्ये 2 एसी, 3 एसी आणि स्लीपर क्लासचा प्रवास, शाकाहारी नाश्ताm दुपारचे जेवण, रात्रीचे जेवण, एसी/नॉन एसी बसमधून स्थानिक प्रेक्षणीय स्थळे पाहणे यांचा समावेश आहे.
Explore the Divine Wonders! Join Bharat Gaurav Train's 7 Jyotirlinga Yatra from Yog Nagari Rishikesh. Traverse through sacred destinations like Dwarkadhish, Somnath, and more.
— IRCTC Bharat Gaurav Tourist Train (@IR_BharatGaurav) April 24, 2024
Book now : https://t.co/C9qFqQiYdx@maha_tourism @GujaratTourism @MPTourism #DekhoApnaDesh #Travel pic.twitter.com/WJP8XsAHtA
भाडे किती असेल ते जाणून घ्या
इकॉनॉमी क्लास (स्लीपर क्लास) मध्ये एक/दोन/तीन व्यक्तींसाठी पॅकेजची किंमत 22150/- प्रति व्यक्ती आहे
प्रति मुल (5-11 वर्षे) 20800/- आहे.
नॉन-एसी हॉटेलमध्ये मुक्काम, मल्टी-शेअर वॉश आणि चेंजिंग रुम,
नॉन-एसी वाहतुकचा पर्याय दिला जाईल.
स्टँडर्ड क्लास (3AC वर्ग) मध्ये एकत्र राहणाऱ्या एक/दोन/तीन व्यक्तींसाठी पॅकेजची किंमत आहे 36700/-
प्रति व्यक्ती आणि पॅकेजची किंमत 35150/- आहे, ज्यामध्ये 3 समाविष्ट आहेत एसी क्लास ट्रेन प्रवास, एसी हॉटेल्समध्ये मुक्काम,
नॉन-एसी वाहतुकीचा पर्याय
नॉन-एसी हॉटेल रूममध्ये वॉश आणि चेंजिंग रुम व्यवस्था केली जाईल.
कम्फर्ट क्लास (2AC क्लास) मध्ये एकत्र राहणाऱ्या एक/दोन/तीन व्यक्तींसाठी पॅकेजची किंमत आहे 48600/-
प्रति व्यक्ती आणि पॅकेजची किंमत प्रति मुल (5-11 वर्षे) 46700/- आहे,
ज्यामध्ये एसी हॉटेलमध्ये मुक्काम,
एसी वाहतुक
एसी हॉटेल रुम्स
वॉश आणि चेंजिंग रुम व्यवस्था केली जाईल.
या टूर पॅकेजमध्ये LTC आणि EMI सुविधा (EMI रु. 1074/- पासून सुरू होते) देखील उपलब्ध आहे. IRCTC पोर्टलवर EMI सुविधा उपलब्ध आहे, जी सरकारी किंवा इतर बँकांकडून घेतली जाऊ शकते.
पॅकेजचे बुकिंग 'प्रथम येणाऱ्यास प्राधान्य' तत्त्वावर
या पॅकेजबद्दल माहिती देताना IRCTC उत्तर प्रदेशाचे मुख्य प्रादेशिक व्यवस्थापक अजित कुमार सिन्हा म्हणाले की, या टूर पॅकेजचे बुकिंग 'प्रथम येणाऱ्यास प्राधान्य' तत्त्वावर केले जाईल. ते पुढे म्हणाले की, या प्रवासासाठी, लखनौ येथील पर्यटन भवन, गोमती नगर येथील IRCTC कार्यालयात आणि IRCTC वेबसाइट www.irctctourism.com वरूनही ऑनलाइन बुकिंग करता येईल. अधिक माहितीसाठी आणि बुकिंगसाठी तुम्ही खाली दिलेल्या मोबाईल क्रमांकावर संपर्क साधू शकता.
ऋषिकेश/ हरिद्वार- 8287930199
देहरादून/हरिद्वार - -8287930665/8650930962
मुरादाबाद/बरेली/शाहजहांपुर /हरदोई - 8595924296/ 9953537153
लखनौ - 9506890926/8708785824 / 8287930913
कानपूर- 8595924298/ 8287930930
ग्वालिअर- 8595924299
झाशी- 8595924291/8595924300
आगरा: 8287930916
मथुरा : 8171606123.
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
हेही वाचा>>>
Travel : अनेकांच्या नजरेपासून दूर..! महाराष्ट्रात काश्मीरचा आनंद अनुभवायचाय? शांत, सुंदर गुप्त ठिकाणं जाणून घ्या
महत्त्वाच्या बातम्या
ट्रेंडिंग न्यूज
and tablets
